ବୋଲେରୋ ବାଇକ୍ ମୁହାଁମୁହିଁ ଧକ୍କା; ୮ ଛାତ୍ରୀ ଗୁରୁତର

ସ୍କୁଲ ଛାତ୍ରଛାତ୍ରୀଙ୍କୁ ଆଣୁଥିବା ଏକ ବୋଲେରୋ ଓ ବାଇକ୍ ମଧ୍ୟରେ ମୁହାଁମୁହିଁ ଧକ୍କା ହୋଇଛି । ସୋନପୁର ଜିଲ୍ଲା ତରଭା-ମେଣ୍ଡା ରାସ୍ତାର ମହୁଲପାଲି ଛକଠାରେ ଏକ ବାଇକ ସହିତ ବୋଲେରୋର ଧକ୍କା ହୋବାଫଳରେ ବୋଲେରୋଟି ଓଲଟି ପଡିଥିଲା । ଦୁର୍ଘଟଣା ଫଳରେ ୮ ଜଣ ଛାତ୍ରୀ ଗୁରୁତର ହୋଇଛନ୍ତି ।

ବୋଲେରୋରେ ଥିବା ମୋଟ ୧୨ ଜଣ ଛାତ୍ରଛାତ୍ରୀଙ୍କ ଭିତରୁ ୮ ଜଣ ଗୁରୁତର ଆହତ ହୋଇଥିବାବେଳେ କିଛି ଛାତ୍ରୀଙ୍କ ହାତଗୋଡ ମଧ୍ୟ ଭାଙ୍ଗି ଯାଇଛି ।

ବୋଲେରୋ ଓ ବାଇକ ଡ୍ରାଇଭର ମଧ୍ୟ ଆହତ ହୋଇଛନ୍ତି ଗୁରୁତରଙ୍କୁ ବଲାଙ୍ଗିର ଭୀମଭୋଇ ମେଡିକାଲ କଲେଜ ହସପିଟାଲରେ ଭର୍ତ୍ତି କରାଯାଇଛି ।

ସୂଚନା ଅନୁସାରେ, ସୋନପୁର ଜିଲ୍ଲା ତରଭା ବ୍ଲକ ଜାମକାନୀରେ ଥିବା ଓଡିଶା ଆଦର୍ଶ ବିଦ୍ୟାଳୟରେ ଗାଡି ବ୍ୟବସ୍ଥା ନଥିବାରୁ ବୋଲେରୋ ଭଡ଼ା କରି ଛାତ୍ରଛାତ୍ରୀ ପ୍ରତିଦିନ ପାଠ ପଢିବାକୁ ଆସନ୍ତି । ତେବେ ଗତକାଲି ସ୍କୁଲ ଛୁଟି ହେବା ପରେ ମେଣ୍ଡା ଅଂଚଳର ୧୨ ଜଣ ଛାତ୍ରଛାତ୍ରୀ ବୋଲେରୋରେ ନିଜ ଗାଁକୁ ଫେରୁଥିଲେ । ସେହି ସମୟରେ ବୋଲେରୋରେ ଦୁର୍ଘଟଣାଗ୍ରସ୍ତ ହୋଇଥିଲା ।

ଏହି ଘଟଣାରେ ତରଭା ପୋଲିସ ତଦନ୍ତ ଜାରି ରଖିଛି ।