LIVE TV
ରାଜଧାନୀ ଭୁବନେଶ୍ୱରରୁ ୧୨ କୋଟିର ସୁନା ଜବତ । ମୁମ୍ବାଇରୁ କୋଣାର୍କ ଏକ୍ସପ୍ରେସରେ ଆସିଥିବା ୩୨ କେଜି ସୁନା ଜବତ କରିଛି ଜିଆରପି । ସୁନା ଜବତ କରିବା ସହ ୪ ଜଣକୁ ଅଟକ ରଖାଯାଇଛି । ତେବେ ଏତେ ପରିମାଣର ସୁନା କେଉଁଠୁ ଆଣୁଥିଲେ ତଥା କାହାପାଇଁ ଆଣୁଥିଲେ କିଛି ସ୍ପଷ୍ଟ ହୋଇନି । ବର୍ତ୍ତମାନ ଅଟକ ରଖିଥିବା ଲୋକଙ୍କୁ ପଚରାଉଚରା କରାଯାଉଛି । ଶୀଘ୍ର କିଛି ସୂଚନା ମିଳିବ ବୋଲି ଆଶା ରହିଛି ।
ତେବେ ସୁନା ଆସୁଥିବା ନେଇ ବିଶେଷ ସୂତ୍ରରୁ ଖବର ପାଇଥିଲା ଜିଆରପି । ଖବର ପାଇବା ପରେ ମୁମ୍ବାଇରୁ ଭୁବନେଶ୍ୱର ଆସୁଥିବା କୋଣାର୍କ ଏକ୍ସପ୍ରେସ ଉପରେ ଚଢ଼ାଉ କରିଥିଲା । ଚଢ଼ାଉ ସମୟରେ ଏକାଥରକେ ୩୨ କେଜି ସୁନା ଜବତ ହୋଇଛି ଓ ୪ ଜଣକୁ ଅଟକ ରଖାଯାଇଛି । ପଚରାଉଚରା ପରେ ଜଣାପଡ଼ିଛି ଅଟକ ଥିବା ୪ ଜଣ ମୁମ୍ବାଇର ଏକ ସୁନା ଦୋକାନ କର୍ମଚାରୀ । ସେମାନେ ଭୁବନେଶ୍ୱରର କିଛି ଦୋକାନକୁ ସୁନା ବିକ୍ରି କରିବା ଉଦ୍ଦେଶ୍ୟରେ ଆସିଥିବା କହିଛନ୍ତି ।
ହେଲେ ଏତେ ଟଙ୍କାର ସୁନା ଆଣିଥିବା ବେଳେ ସେ ସମ୍ପର୍କୀତ କାଗଜପତ୍ର ଦେଖାଇ ପାରୁ ନାହାନ୍ତି ୪ ଜଣ । ସେମାନଙ୍କ ନିକଟରୁ କିଛି କାଗଜପତ୍ର ଜବତ କରିବା ସହ ଘଟଣାର ତଦନ୍ତ କରୁଛି ଜିଆରପି ପୋଲିସ୍ ।
