ତ୍ରିରଙ୍ଗାକୁ ଦେହରେ ଗୁଡେଇ ଭାରତ ପ୍ରତି ପ୍ରେମ ଦେଖେଇଲେ ଆର୍ଜେଣ୍ଟିନା ମହିଳା

ଆଜିକାଲି କାତାରରେ ଫିଫା ବିଶ୍ୱକପ ଧୁମ୍‌ଧାମ୍‌ରେ ଚାଲିଛି। ସମଗ୍ର ବିଶ୍ୱରୁ ହଜାର ହଜାର ଫୁଟବଲ୍‌ ପ୍ରଶଂସକ ମଧ୍ୟ-ପୂର୍ବ ଦେଶରେ ଏହି ମ୍ୟାଚ୍ ଦେଖିବା ପାଇଁ ଏକାଠି ହୋଇଛନ୍ତି। ବିଶ୍ୱର ବିଭିନ୍ନ ସ୍ଥାନରୁ ଲୋକମାନେ ନିଜ ଦେଶର ଦଳକୁ ଉତ୍ସାହିତ କରିବାକୁ ଏଠାକୁ ଆସିଛନ୍ତି। ଏପରିକି ଅନେକ କ୍ରୀଡାପ୍ରେମୀ, ଯେଉଁମାନଙ୍କର ଦେଶ ଏହି ବିଶ୍ୱକପରେ ଖେଳୁ ନାହାଁନ୍ତି, ସେମାନେ ମଧ୍ୟ ଏହି ସୁନ୍ଦର ଖେଳକୁ ଉପଭୋଗ କରିବାକୁ ଆସିଛନ୍ତି।

କେରଳର ଏଭଳି ଜଣେ ଫୁଟବଲ ପ୍ରେମୀ ଆର୍ଜେଣ୍ଟିନାର ଜଣେ ମହିଳା ପ୍ରଶଂସକଙ୍କୁ ପାଇଥିଲେ, ଯିଏ ଭାରତୀୟ ତ୍ରିରଙ୍ଗାକୁ ନିଜ ଶରୀରରେ ଢାଙ୍କିଥିଲେ। ଏହାର ଏକ ଭିଡିଓ ଭାଇରାଲ ହେବାରେ ଲାଗିଛି ଆଉ ସେ ବ୍ୟକ୍ତି ଜଣକ ଏହାକୁ ନେଇ ଯାହା କହିଛନ୍ତି ତାହା ଇଣ୍ଟରନେଟରେ ସମସ୍ତଙ୍କ ହୃଦୟ ଜିତିଛି।

ଅଧିକ ପଢ଼ନ୍ତୁ: କାର୍‌କୁ ତ୍ରିରଙ୍ଗାରେ ରଙ୍ଗିନ୍ କରିବା ନେଇ ୨ଲକ୍ଷ ଖର୍ଚ୍ଚ କରିଦେଲେ ଯୁବକ

ଏହି ଭିଡିଓ ଇନଷ୍ଟାଗ୍ରାମ ରେ yadil_m_iqbal ନାମକ ଜଣେ ବ୍ୟକ୍ତି ପୋଷ୍ଟ କରିଛନ୍ତି। ଭିଡିଓରେ ଏହା ମଧ୍ୟ ଦେଖିବାକୁ ମିଳେ ଯେ କେରଳର ଜଣେ ବ୍ୟକ୍ତି ଆର୍ଜେଣ୍ଟିନାର ପତାକାକୁ ନିଜ ଦେହରେ ଘୋଡାଇ ରଖିଛନ୍ତି। ତାଙ୍କ ପାଖରେ ଠିଆ ହୋଇଥିବା ଆର୍ଜେଣ୍ଟିନା ମହିଳା, ଯିଏ ନିଜ କାନ୍ଧରେ ଭାରତୀୟ ପତାକା ରଖିଛନ୍ତି।

ମାଲାୟାଲମରେ କଥା ହୋଇ କେରଳର ବ୍ୟକ୍ତି ଜଣକ କହିଛନ୍ତି ଯେ ଆର୍ଜେଣ୍ଟିନା ଖେଳ ସମୟରେ ସେ ଉକ୍ତ ମହିଳାଙ୍କୁ ଭାରତୀୟ ପତାକା ସହିତ ଦେଖିଥିଲେ। ସେ ତାଙ୍କୁ କହିଥିଲେ ଯେ ଆର୍ଜେଣ୍ଟିନାଙ୍କ ପାଇଁ ଭାରତୀୟଙ୍କ ପ୍ରତି ଥିବା ଭଲପାଇବାର ଏହା ହେଉଛି ଏକ ଉଦାହରଣ। ପ୍ରକାଶଥାଉ ଯେ ଅଧିକାଂଶ ଭାରତୀୟ ଦର୍ଶକ ଆର୍ଜେଣ୍ଟିନାକୁ ସମର୍ଥନ କରନ୍ତି।

କେରଳର ଏହି ବ୍ୟକ୍ତି ଜଣକ ଆହୁରି ମଧ୍ୟ କହିଛନ୍ତି ଯେ ଫୁଟବଲ୍‌ ପ୍ରତି ଥିବା କେରଳର ଭଲପାଇବାକୁ ସେ ପ୍ରଚାର କରୁଛନ୍ତି। ସେ କହିଛନ୍ତି ଯେ ଯେତେବେଳେ ବି ବ୍ରାଜିଲ, ପର୍ତ୍ତୁଗାଲ କିମ୍ବା ଅନ୍ୟ କୌଣସି ଦେଶରୁ ଜଣେ ପ୍ରଶଂସକ ଦେଖନ୍ତି, ସେତେବେଳେ ସେ ସେମାନଙ୍କୁ ଦକ୍ଷିଣ ଭାରତୀୟ ରାଜ୍ୟ ଫୁଟବଲ ପ୍ରତି ଭଲପାଇବାର ପ୍ରମାଣ ଭାବରେ କେରଳର ଚିତ୍ର ଦେଖାନ୍ତି।

ସେ କହିଛନ୍ତି ଯେ ତାଙ୍କ ଆଶା ଅଛି, ଦିନେ କେରଳର ଫୁଟବଲ ପ୍ରେମର ଖବର ଲିୟୋନେଲ ମେସି, ନେମାର ଜ୍ଉନିୟର୍ ଓ କ୍ରିଷ୍ଟିଆନୋ ରୋନାଲ୍ଡୋଙ୍କ ଭଳି ଖେଳାଳିଙ୍କ ନିକଟରେ ପହଞ୍ଚିବ, ଯାହା ସେମାନଙ୍କୁ କେରଳ ବ୍ଲାଷ୍ଟର ବା ରାଜ୍ୟର ଅନ୍ୟ କୌଣସି ଲିଗ୍ ପାଇଁ ପ୍ରେରଣା ଯୋଗାଇବ।