LIVE TV
କାଶୀପୁରରେ ହଇଜାରେ ଆଉ ଜଣେ ଆକ୍ରାନ୍ତଙ୍କ ମୃତ୍ୟୁ ହୋଇଛି । ମୃତକ ଡୁଡୁକାବାହାଲ ପଞ୍ଚାୟତ ଡେଙ୍ଗାଗୁଡ଼ା ଗାଁରହୋଇଥିବା ସୂଚନା ମିଳିଛି । ବର୍ତ୍ତମାନ ସୁଦ୍ଧା ହଇଜାରେ ମୋଟ୍ ମୃତ୍ୟୁ ସଂଖ୍ୟା ୮କୁ ବୃଦ୍ଧି ପାଇଥିବାବେଳେ ମୋଟ ଆକ୍ରାନ୍ତଙ୍କ ସଂଖ୍ୟା ୨ ଶହ ଟପିଛି । ତେବେ ଏବେ ମଧ୍ୟ ୩ଟି ହସ୍ପିଟାଲରେ ୪୮ ଆକ୍ରାନ୍ତଙ୍କ ଚିକିତ୍ସା ଚାଲିଥିବାର ସ୍ୱାସ୍ଥ୍ୟବିଭାଗ ପକ୍ଷରୁ ସୂଚନା ଦିଆଯାଇଛି ।
ସେପଟେ ପାନୀୟ ଜଳ ଦ୍ୱାରା କାଶୀପୁର ଅଞ୍ଚଳରେ ହଇଜା ବ୍ୟାପିବା ସ୍ପଷ୍ଟ ହେବାପରେ, ଏବେ ପାନୀୟ ଜଳ ଯୋଗାଉଛି ପ୍ରଶାସନ ମାତ୍ର ପାନୀୟ ଜଳ ଯୋଗାଣ ପଯର୍ୟାପ୍ତ ନୁହେଁ, ଏବେବି ଅନେକ ଗାଁ ବାସିନ୍ଦା ଝରଣାରୁ ପିଇବା ପାଣି ସଂଗ୍ରହ କରୁଛନ୍ତି । ସେହିପରି ଅନେକ ସ୍ଥାନରେ ଜଳ ଯୋଗାଣ ପାଇପ୍ ଫାଟି ଦୂଷିତ ପାଣି ମିଶୁଛି ।
ସେପଟେ କୋରାପୁଟ ଜିଲ୍ଲା ଦଶମନ୍ତପୁର ବ୍ଲକରେ ବି ଝାଡ଼ାବାନ୍ତି ଆତଙ୍କ । ଆଜି ଏଠାରେ ଜଣଙ୍କର ମୃତ୍ୟୁ ହୋଇଥିବା ବେଳେ ୬ ଜଣ ଆକ୍ରାନ୍ତ ହୋଇ ଚିକିତ୍ସାଧୀନ ଅଛନ୍ତି । ମୃତକ ହଲେ ୪୦ ବର୍ଷୀୟ ଡମୁଣୀ ଜାନୀ । ତାଙ୍କୁ ପ୍ରଥମେ ଦଶମନ୍ତପୁର ମେଡିକାଲ ଓ ପରେ ସହିଦ ଲକ୍ଷଣ ନାୟକ ମେଡିକାଲ କଲେଜରେ ଭର୍ତ୍ତି କରାଯାଇଥିବା ବେଳେ ସେଠାରେ ତାଙ୍କର ମୃତ୍ୟୁ ହୋଇଛି । ଝାଡ଼ାବାନ୍ତି ବ୍ୟାପିବା ପରେ ଦଶମନ୍ତପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରର ଅଧିକାରୀ ପହଞ୍ଚି ଅନ୍ୟ ଆକ୍ରାନ୍ତମାନଙ୍କୁ ଗାଁ ଅଙ୍ଗନବାଡ଼ି କେନ୍ଦ୍ରରେ ଚିକିତ୍ସା ବ୍ୟବସ୍ଥା କରାଇଛନ୍ତି ।
