LIVE TV
ଥମୁନି ଆନ୍ଧ୍ରର ଦାଦାଗିରି । କୋଟିଆ ପରେ ଏବେ ରେବତୀ ଗୁଡାରେ ଆନ୍ଧ୍ରର ନଜର । ଓଡ଼ିଶା ସୀମାରେ ଆନ୍ଧ୍ରର କାଜୁ ଜଙ୍ଗଲ ଅନୁପ୍ରବେଶ କରି ଏକର ଏକର ଜମିରେ ଗଛ ଲଗାଇଛନ୍ତି ଆନ୍ଧ୍ର ସରକାର । ଏଭଳି ଘଟଣା ଘଟିଛି ଆନ୍ଧ୍ର ସୀମାନ୍ତ କୋରାପୁଟ ବନ୍ଧୁଗାଁ କପାଲୋଡ଼ା ପଞ୍ଚାୟତର ରେବତୀଗୁଡ଼ା ଗାଁରେ । ଏହି ଗାଁକୁ ଲାଗି ଥିବା ଜଙ୍ଗଲ ବିଭାଗର ସଂରକ୍ଷିତ ଜମିକୁ ନିଜ ଅକ୍ତିଆରକୁ ନେଇ ପ୍ରାୟ ୧୦ ବର୍ଷ ହେବ ଆନ୍ଧ୍ର ଏହି କାଜୁ ଚାଷ କରୁଛି । ମାତ୍ର ଏଥିପ୍ରତି ସତେ ଯେମିତି ଓଡ଼ିଶା ସରକାରଙ୍କର ନିଘା ନାହିଁ ।
କେବଳ ଏତିକି ନୁହେଁ, ଜଙ୍ଗଲ ବିଭାଗ ମଧ୍ୟ ସଂରକ୍ଷିତ ଜଙ୍ଗଲ କହି ଜମିରେ ଗଛ ଲଗାଉଥିବାରୁ ସ୍ଥାନୀୟ ବାସିନ୍ଦା ମାନେ ଚାଷ ବାସ କରିବାରେ ନାନା ସମସ୍ୟାର ସମ୍ମୁଖୀନ ହେଉଛନ୍ତି । ପ୍ରାୟ ୩୦ ବର୍ଷ ଧରି ଗାଁରେ ବସବାସ କରିବା ପରେ ବି ଓଡ଼ିଶା ସରକାରଙ୍କ ପକ୍ଷରୁ ସେମାନଙ୍କୁ ଜମି ପଟ୍ଟା ମିଳିନଥିବା ମଧ୍ୟ ଅଭିଯୋଗ ହୋଇଛି ।
Also Read
ଆଦିବାସୀ ହୋଇ ବି ମିଳିନି ଜାତିଗତ ପ୍ରମାଣ ପତ୍ର ଖଣ୍ଡିଏ ଜମି କ ଜଙ୍ଗଲ ଜମି ପଟ୍ଟା ବି ନାହିଁ । ଫଳରେ ଜାତିଗତ ପ୍ରମାଣପତ୍ର ପାଇଁ ଆବେଦନ କଲେ ବି ତାହା ମିଳିପାରୁନାହିଁ । ଯାହା ଦ୍ୱାରା କାପଲୋଡ଼ା ବାସିନ୍ଦା ନାନା ଅସୁବିଧାରେ ଅଛନ୍ତି । ଆଗକୁ ସରକାର ସମସ୍ୟାର ସମାଧାନ ନକଲେ ଆନ୍ଧ୍ରରେ ମିଶିବା ପାଇଁ ଏମାନେ ଖୋଲା ଚେତାବନୀ ଦେଇଛନ୍ତି । ଅନ୍ୟପଟେ ଏ ସମସ୍ୟା ନେଇ ଜଙ୍ଗଲ ବିଭାଗର ପ୍ରତିକ୍ରିୟା ମିଳିପାରିନଥିବା ବେଳେ ଗ୍ରାମବାସୀଙ୍କ ଜାତିଗତ ପ୍ରମାଣପତ୍ର ପାଇଁ ଚେଷ୍ଟା କରାଯାଉଥିବା ବନ୍ଧୁଗାଁ ତହସିଲଦାର କହିଛନ୍ତି ।
