ଅଜବ ସିଡ଼ି ! କେବେ ବି ଦେଖିନଥିବେ...

ପ୍ରତିଦିନ ଇଣ୍ଟରନେଟ୍‌ରେ ଅନେକ ପୋଷ୍ଟ ଶେୟାର କରାଯାଇଥାଏ । ଏହି ଭିଡ଼ିଓ ଗୁଡ଼ିକ ମଧ୍ୟରେ ଅନେକ ଅଜବ-ଗଜବ ଭିଡ଼ିଓ ମଧ୍ୟ ରହିଥାଏ । ଯାହାକୁ ଦେଖି ୟୁଜର୍ସମାନେ ଆଶ୍ଚର୍ଯ୍ୟ ହୋଇଥାନ୍ତି । ଠିକ୍‌ ଏହିପରି ଏକ ଭିଡ଼ିଓ ମହିନ୍ଦ୍ରା ଗ୍ରୁପ୍‌ର ଚେୟାରମ୍ୟାନ୍‌ ଆନନ୍ଦ ମହିନ୍ଦ୍ରା ନିଜ ଟ୍ୱିଟର ଆକାଉଣ୍ଟରେ ଶେୟାର କରିଛନ୍ତି । ଯାହା ଦେଖିଲେ ହୁଏତ ଆପଣ ବି ବିଶ୍ୱାସ କରିପାରିବେ ନାହିଁ ।

ସିଡ଼ି ଅଛି ହେଲେ ଏହା ଦୃଶ୍ୟମାନ ନୁହେଁ !

ଆନନ୍ଦ ମହିନ୍ଦ୍ରା ଶେୟାର କରିଥିବା ଭିଡ଼ିଓରେ ସିଡ଼ି ଅଛି ହେଲେ କାନ୍ଥରେ ଲାଗିରହିଥିବାରୁ ଏହା ସିଡ଼ି ନୁହେଁ ବରଂ ଏକ ଡିଜାଇନ୍‌ ସାଦୃଶ୍ୟ ଜଣାପଡୁଛି । ଏବେ ଆପଣ ଭାବୁଥିବେ ଏଠାରେ କୌଣସି ସିଡ଼ି ନାହିଁ ଯଦି କେହି ଏହାକୁ ବ୍ୟବହାର କରିବାକୁ ଚାହାଁନ୍ତି, ତେବେ ସେମାନେ କିପରି କରିବେ? ତେବେ ଯଦି ଆପଣଙ୍କ ମନରେ ମଧ୍ୟ ଏହି ପ୍ରଶ୍ନ ଆସିଛି, ତେବେ ଦ୍ୱନ୍ଦ୍ୱରେ ନ ପଡି ପ୍ରଥମେ ଏହି ଭାଇରାଲ୍ ଭିଡିଓଟିକୁ ଦେଖନ୍ତୁ :-

Outstanding. So simple yet creative. Apart from de-cluttering space, this actually adds an attractive aesthetic element to an otherwise stark exterior wall. Should make Scandinavian designers envious!! (Don’t know where this is from. Received in my #whatsappwonderbox ) pic.twitter.com/IBC6RR591y

— anand mahindra (@anandmahindra) July 16, 2022

ଅଜବ ସିଡ଼ି :-

ଆନନ୍ଦ ମହିନ୍ଦ୍ରା ଭିଡିଓ ସେୟାର କରି କ୍ୟାପସନରେ ‘ଅସାଧାରଣ’ ବୋଲି ଲେଖିଛନ୍ତି । ଏହାସହ ସେ ଲେଖିଛନ୍ତି ଯେ,‘ଏତେ ସରଳ କିନ୍ତୁ ସୃଜନଶୀଳ । କମ୍‌ ସ୍ପେସ୍ ନେବା ସହ ଏହା ବାସ୍ତବରେ କାନ୍ଥରେ ଏକ ଆଖିଦୃଶିଆ ଜିନିଷ ସାଦୃଶ୍ୟ । ସ୍କାଣ୍ଡିନାଭିଆନ୍ ଡିଜାଇନର୍ମାନେ(Scandinavian Designers) ଏଥିରୁ ଇର୍ଷା କରିବା ଉଚିତ୍ !! (ଏହା କେଉଁଠାରୁ ଆସିଛି ଜାଣାନାହିଁ ମୋତେ ହ୍ୱାଟ୍ସଆପ୍‌ ଇନ୍‌ବକ୍ସରେ ଆସିଥିଲା)’ । ଲୋକମାନେ ମଧ୍ୟ ଏହି ଭିଡିଓକୁ ବହୁତ ପସନ୍ଦ କରୁଛନ୍ତି ।

ବର୍ତ୍ତମାନ ପର୍ଯ୍ୟନ୍ତ ଏହି ଭିଡିଓଟିକୁ ହଜାର ହଜାର ଲୋକ ଦେଖିସାରିଲେଣି । କେବଳ ଏତିକି ନୁହେଁ ମାତ୍ର ୫୪ ସେକେଣ୍ଡର ଏହି ଭିଡିଓରେ ୪୬ ହଜାରରୁ ଅଧିକ ଲାଇକ୍ ଏବଂ ୫ ହଜାରରୁ ଅଧିକ ରିଟ୍ୱିଟ ହୋଇଛି । ଏହାସହ ଅନେକ ୟୁଜର୍ସ ଏଥିରେ କମେଣ୍ଟ ମଧ୍ୟ ଦେଇଛନ୍ତି ।