LIVE TV
ଟେଲି ଅଭିନେତ୍ରୀ ରଶ୍ମିରେଖା ଓଝା ଆତ୍ମହତ୍ୟା କରିଛନ୍ତି । ଏହା କ୍ଲିୟର କଟ୍ ଭାବେ ଜଣାପଡୁଥିବାର ଭୁବନେଶ୍ୱର ଡିସିପି ପ୍ରତୀକ ସିଂହ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ।
ଏହାସହ ଡିସିପି କହିଛନ୍ତି ଯେ, ଘଟଣାସ୍ଥଳକୁ ପୋଲିସର ଏକ ଟିମ୍ ତଦନ୍ତ ଯାଇ କରିଛି । ସେଠାରୁ ଏକ ହାତଲେଖା ଓ ଲାପ୍ଟପ୍ ମିଳିଛି । ରଶ୍ମିରେଖା ଡିପ୍ରେସନରେ ଥିବା ପରି ଜଣାପଡୁଛି ମୃତଦେହକୁ ଉଦ୍ଧାର କରି ପୋଷ୍ଟମର୍ଟମ ପାଇଁ ପଠାଯାଇଛି । ରିପୋର୍ଟ ଆସିବା ପରେ ଯାହା କିଛି ଜଣାପଡ଼ିବ ତଥାପି ଏହା ଆତ୍ମହତ୍ୟା ବୋଲି ସ୍ପଷ୍ଟ କରିଛନ୍ତି ଡିସିପି । ମୃତଦେହରେ କିଛି ଇନ୍ଜୁରି ନାହିଁ କି ନିଜ ହାତ ଲେଖାରେ କାହାକୁ ରଶ୍ମି ଦାୟୀ କରିନଥିବା କହିଛନ୍ତି ପ୍ରତୀକ ସିଂହ ।
ସେପଟେ ରଶ୍ମିଙ୍କ ମୃତ୍ୟୁ ପାଇଁ ସନ୍ତୋଷ ପାତ୍ର ନାମକ ଜଣେ ବ୍ୟକ୍ତିକୁ ଦାୟୀ କରିଛନ୍ତି ରଶ୍ମିଙ୍କ ବାପା ରଂଜନ ଓଝା । ସନ୍ତୋଷକୁ ମର୍ଡରର୍ ଭାବେ ଗ୍ରହଣ କରି ଉପଯୁକ୍ତ ଦଣ୍ଡ ଦେବାକୁ ଦାବି କରିଛନ୍ତି । ଏନେଇ ସେ କହିଛନ୍ତି ଯେ, ଘର ମାଲିକର କହିବା ଅନୁସାରେ ରଶ୍ମି ଜଣେ ଯୁବକ ସହିତ ରହୁଥିଲା । ଉଭୟେ ବିବାହ କରିଥିଲେ। କିନ୍ତୁ ଏ ଖବର ଆମ ପାଖରେ ନ ଥିଲା । ଏହାସହ ରଶ୍ମିଙ୍କ ମାଆ ମଧ୍ୟ ଅଭିଯୋଗ କରିଛନ୍ତି । ଝିଅ ଆତ୍ମହତ୍ୟା କରିନାହିଁ । ସନ୍ତୋଷ ହିଁ ରଶ୍ମିକୁ ହତ୍ୟା କରିଥିବା କହିଛନ୍ତି ରଶ୍ମିଙ୍କ ମାଆ ।
Also Read
ସୂଚନା ଅନୁସାରେ, ଆଜି ଘର ଭିତରୁ ଝୁଲନ୍ତା ଅବସ୍ଥାରେ ଓଡ଼ିଆ ଟେଲି ଅଭିନେତ୍ରୀ ରଶ୍ମିରେଖା ଓଝାଙ୍କ ମୃତଦେହ ମିଳିଥିଲା। ଭୁବନେଶ୍ୱର ନୟାପଲ୍ଲୀ ଗଡ଼ ସାହି ସ୍ଥିତ ଭଡ଼ା ଘରୁ ସନ୍ଦେହଜନକ ଅବସ୍ଥାରେ ରଶ୍ମିରେଖାଙ୍କ ମୃତଦେହ ମିଳିଥିଲା । ଘର ମାଲିକ ରଶ୍ମିରେଖାଙ୍କ ମୃତଦେହ ଫ୍ୟାନ୍ରେ ଝୁଲନ୍ତା ଅବସ୍ଥାରେ ଦେଖିବା ପରେ ପୋଲିସ୍କୁ ଖବର ଦେଇଥିଲେ। ଖବରପାଇ ପୋଲିସ୍ ଘଟଣାସ୍ଥଳରେ ପହଞ୍ଚି ଭିତରପଟୁ ବନ୍ଦ ଥିବା ରୁମ୍ ଖୋଲି ରଶ୍ମିରେଖାଙ୍କ ମୃତଦେହ ଉଦ୍ଧାର କରିଥିଲା। ଏହାସହ ଘର ଭିତରୁ ପୋଲିସ୍ ସୁଇସାଇଡ୍ ନୋଟ୍ ଜବତ କରିଛି। ଯେଉଁଥିରେ ତାଙ୍କ ମୃତ୍ୟୁ ପାଇଁ ରଶ୍ମିରେଖା କାହାକୁ ଦାୟୀ କରି ନଥିବା ପୋଲିସ୍ ସୂଚନା ଦେଇଛି। ପୋଷ୍ଟମର୍ଟମ୍ ପରେ ମୃତଦେହକୁ ପୋଲିସ୍ ତାଙ୍କ ପରିବାର ବର୍ଗକୁ ହସ୍ତାନ୍ତର କରିଛି । ତେବେ ଘଟଣାକୁ ନେଇ ପରିବାର ପକ୍ଷରୁ ନୟାପଲ୍ଲୀ ଥାନାରେ ଏ ନେଇ ଏତଲା ଦିଆଯାଇଛି ।
