LIVE TV
ବୟସ ୮ ହେବ...ନା ମାମାଲି ପଣ୍ଡା। ଏ ବୟସରେ ସେ ସମାଜକୁ ଚିହ୍ନିଛି ନା ସେ ସମାଜକୁ ଜାଣିଛି । ସମାଜକୁ ନବୁଝି ବି ସେ ସମାଜ ପାଇଁ ପାଲିଟିଛି ଉଦାହରଣ । ଆଉ ତୃତୀୟ ଶ୍ରେଣୀର ଛାତ୍ରୀ କ୍ୟାନ୍ସର ରୋଗୀଙ୍କ ପାଇଁ ନିଜର କେଶ ଦାନ କରି ସାରା ଜିଲ୍ଲାରେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛନ୍ତି କୁନି ସମାଜ ସେବୀ ତଥା ପକ୍ଷୀରାଣୀ ମାମାଲି ପଣ୍ଡା । ଭଦ୍ରକ ଭଣ୍ଡାରିପୋଖରୀ ବ୍ଲକ ବୟାବନପୁର ଗ୍ରାମର ଜ୍ୟୋତି ଶଙ୍କର ପଣ୍ଡା ଓ ରଚନା ପଣ୍ଡାଙ୍କ ୮ ବର୍ଷର ଝିଅ ମାମାଲି ପଣ୍ଡା।
ତୃତୀୟ ଶ୍ରେଣୀରେ ପାଠପଢୁଥିବା ଏଇ ପିଲାଟି ବୟସରେ ସିନା ସାନ କିନ୍ତୁ ସାରା ଜିଲ୍ଲାରେ କୁନି ସମାଜ ସେବୀ ତଥା ପକ୍ଷୀରାଣୀ ଭାବରେ ବେଶ ଲୋକପ୍ରିୟତା ହାସଲ କରିଛନ୍ତି ମାମାଲି। ଆଉ ଏବେ କ୍ୟାନସର ରୋଗୀଙ୍କୁ ସାହାଯ୍ୟ କରି ଚର୍ଚ୍ଚାରେ ଅଛନ୍ତି। କୁହନ୍ତି. ବାପାଙ୍କ ସହ ୟୁଟ୍ୟୁବରୁ ଦେଖି ସେ କ୍ୟାନସର ପୀଡିତ ଲୋକଙ୍କ ଦୁଃଖକୁ ଅନ୍ତରରୁ ଅନୁଭବ କରି ନେଇଛନ୍ତି ପଦକ୍ଷେପ । ତାଙ୍କ ପାଇଁ ନିଜର କେଶ ଦାନ କରିଛନ୍ତି । ମାମାଲି ନିଜେ ଲଣ୍ଡା ହେଲେ ସତ ହେଲେ ଏବେ ତାଙ୍କର ଏଇ ପରୋପକାରୀ ଚିନ୍ତାଧାରା ପାଇଁ ସାରା ଭଦ୍ରକରେ ଏବେ ପ୍ରିୟପାତ୍ର ପାଲଟିଗଲେ ।
Also Read
କ୍ୟାନ୍ସର ରୋଗୀମାନେ କେମୋ ଥେରାପି ଯୋଗୁଁ ନିଜର କେଶ ହରାଉଥିବା ବେଳେ ଏଇ କେଶକୁ ପୁନଃ ରୋପଣ କରାଯାଇ ପାରିବ ବୋଲି ୟୁଟ୍ୟୁବରୁ ଦେଖି ମାମାଲି ନିଜ ବାପା ମାଆଙ୍କୁ ବାଧ୍ୟ କରିଥିଲେ ନିଜର କେଶ ଦେବାକୁ । ତେବେ ପରିବାର ପକ୍ଷରୁ ହାଇଦ୍ରାବାଦ ହେୟାର ଡୋନେଟ ଚେରିଟେବୁଲ ଟ୍ରଷ୍ଟ ସହ ଯୋଗାଯୋଗ ପରେ ଏପରି କେଶ ପ୍ରଦାନ କରି ନିଜେ ବେସ ଖୁସି ଥିବାବେଳେ ପରିବାର ଲୋକ ମଧ୍ୟ ବେଶ ଗର୍ବ ଅନୁଭବ କରୁଛନ୍ତି।
ଭଦ୍ରକରୁ ପାର୍ଥସାରଥୀ ନାଏକଙ୍କ ରିପୋର୍ଟ
OTV is now on Whatsapp
ପ୍ରତି ମୁହୂର୍ତ୍ତରେ ଖବରର ଅପଡେଟ୍ ପାଇଁ ଫଲୋ କରନ୍ତୁ ଓଟିଭିର ହ୍ଵାଟ୍ସଅପ ଚ୍ୟାନେଲ୍ କୁ
Join Now
