LIVE TV
ବିଦ୍ୟୁତ ତାରର ବେଆଇନ ହୁକ୍ରେ ଲାଗିଗଲା ଛେଳି । ସେହି ଛେଳିକୁ ବଞ୍ଚାଇବାକୁ ଯାଇ ବିଦ୍ୟୁତ ଆଘାତରେ ଗୋଟିଏ ପରିବାରର ୩ ମହିଳାଙ୍କ ମୃତ୍ୟୁ । ଏହି ଅଘଟଣ ଘଟିଛି କେନ୍ଦୁଝର ଜିଲ୍ଲା ତେଲକୋଇ ଥାନା ଟାଙ୍କିରି ଜୁଆଙ୍ଗ ସାହିରେ ।
ମୃତକ ହେଲେ ନିରାଧି ଜୁଆଙ୍ଗ, କାଠି ଜୁଆଙ୍ଗ ଓ ମଞ୍ଜରୀ ଜୁଆଙ୍ଗ । ସଂପର୍କରେ ଏମାନେ ଶାଶୁ, ବୋହୂ ଓ ପୁତୁରା ବୋହୂ । ପରିବାର ଲୋକଙ୍କ କହିବା ଅନୁସାରେ ଜଙ୍ଗଲକୁ ଏମାନେ ଛେଳି ଚରଇବାକୁ ଯାଇଥିଲେ । ଏହି ସମୟରେ ବେଆଇନ ଭାବେ ଏଲ୍ଟି ଲାଇନ୍ରୁ ହୁକ୍ କରାଯାଇଥିବା ତାରରେ ଲାଗି ଯାଇଥିଲା ଗୋଟିଏ ଛେଳି ।
Also Read
ସେହି ଛେଳିକୁ ବିଦ୍ୟୁତ ତାରରୁ ଅଲଗା କରିବାକୁ ଯାଇ ଜଣକ ପରେ ଜଣେ ୩ ମହିଳାଙ୍କ ମୃତ୍ୟୁ ହୋଇଛି । ବେଆଇନ ହୁକ୍ କରିଥିବା କୁମୁଦ ନାୟକ ଓ କୁବେର ନାୟକ ନାଁ ଟାଟା ପାୱାର ପକ୍ଷରୁ ଥାନାରେ ଅଭିଯୋଗ କରାଯାଇଛି ।
ତେବେ ପ୍ରକାଶ ଥାଉକି, ଜଙ୍ଗଲ ମଧ୍ୟରେ ବେଆଇନ୍ ଭାବେ ବିଦ୍ୟୁତ୍ ତାର ଟଣା ଯାଇଥିଲେ ସୁଦ୍ଧା, ଏଥିପ୍ରତି ବିଦ୍ୟୁତ ବିଭାଗ ଓ ବନ ବିଭାଗର ନିଘା ନଥିବା ଅଭିଯୋଗ ହୋଇଛି। ଉଭୟ ବିଭାଗର ଦାୟିତ୍ଵହୀନତା ଯୋଗୁ ଆଜି ତିନି ତିନିଟି ମୂଲ୍ୟବାଦ ଜୀବନ ଯାଇଛି।
