LIVE TV
ବାହାଘର ଭୋଜି ହେଲା କାଳ । ବାହାଘର ଭୋଜି ଖାଇ କନ୍ୟାପକ୍ଷ ଅସୁସ୍ଥ ହୋଇଛନ୍ତି । ଗତକାଲି ୧୬ ଜଣ ଅସୁସ୍ଥ ହୋଇ ସମ୍ବଲପୁର ସଦର ମେଡିକାଲରେ ଭର୍ତ୍ତି ହୋଇଛନ୍ତି । ସେମାନଙ୍କ ମଧ୍ୟରେ କିଛି ଛୋଟ ପିଲା ରହିଥିବା ଜଣାପଡିଛି ।
ସୂଚନା ଅନୁସାରେ, ଗତକାଲି ୩୦ରୁ ୪୦ ଜଣ କନ୍ୟା ଯାତ୍ରୀ ବୌଦ୍ଧ ବଘିଆପଡ଼ା ଅଞ୍ଚଳରୁ ସମ୍ବଲପୁରକୁ ଆସିଥିଲେ । ବିବାହ ଭୋଜି ଖାଇବା ପରେ ସେମାନଙ୍କ ମଧ୍ୟରୁ ୧୬ ଜଣ ଲୋକ ବାନ୍ତି ଓ ଅନ୍ୟ ଅସୁସ୍ଥତା କାରଣରୁ ମେଡିକାଲ୍ରେ ଭର୍ତ୍ତି ହୋଇଥିବାବେଳେ ୭ ଜଣ ଚିକିତ୍ସାଧିନ ଅବସ୍ଥାରେ ରହିଛନ୍ତି । ଏବେ ସମସ୍ତଙ୍କ ଅବସ୍ଥା ସ୍ୱାଭାବିକ ଥିବା ଜଣାପଡ଼ିଛି ।
Also Read
ସେହିପରି ଭଦ୍ରକ ଜିଲ୍ଲା ହସନାବାଦ ଅଷ୍ଟକ ଗାଁରେ ମଧ୍ୟ ଏକ ଏକୋଇଶିଆ ଭୋଜି ଖାଇ ୪୦ ଜଣ ଅସୁସ୍ଥ ହୋଇଛନ୍ତି । ସମସ୍ତେ ପୁରୀ ଘାଣ୍ଟ ସହ ସିରିଣୀ ଓ ପଞ୍ଚାମୃତ ଖାଇଥିଲେ । ଯାହା ପରେ ସେମାନଙ୍କର ସ୍ୱାସ୍ଥବସ୍ଥା ବିଗିଡିବାରେ ଲାଗିଥିଲା ।
ଏମିତିକି ଛୋଟରୁ ବଡ଼ ଯାଏଁ ୪୦ରୁ ଅଧିକ ଲୋକ ଝାଡ଼ାବାନ୍ତିରେ ଅସୁସ୍ଥ ହୋଇପଡ଼ିଛନ୍ତି । ଗୁରୁତର ଅବସ୍ଥାରେ ଅସୁସ୍ଥମାନଙ୍କୁ ଯାଜପୁର ମଙ୍ଗଳପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି । ଅସୁସ୍ଥଙ୍କ ମଧ୍ୟରୁ ୧୫ ଜଣଙ୍କୁ ଯାଜପୁର ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି । ତେବେ ଫୁଡ୍ ପଏଜନିଂ କାରଣରୁ ଏପରି ହୋଇଥିବା ବେଳେ ବର୍ତ୍ତମାନ ଆକ୍ରାନ୍ତମାନେ ସୁସ୍ଥ ଥିବା ଡାକ୍ତର ସୂଚନା ଦେଇଛନ୍ତି ।
