Hindu Tradition: ହୃଦ୍‌ରୋଗକୁ ଏଡାଇବା ପାଇଁ ଏହି ଆଙ୍ଗୁଠିରେ ମୁଦି ପିନ୍ଧନ୍ତୁ…

ଜୀବନର ସବୁଠାରୁ ଖୁସିର ମୁହୂର୍ତ୍ତ ମଧ୍ୟରୁ ବିବାହ ହେଉଛି ଅନ୍ୟତମ। ହିନ୍ଦୁ ପରମ୍ପରା ଅନୁଯାୟୀ ବିବାହରେ ବିଭିନ୍ନ ରୀତିନୀତି କରାଯାଏ। ହିନ୍ଦୁ ବିବାହ ପରମ୍ପରାରେ ବିବାହର ସମସ୍ତ ରୀତିନୀତି ନିର୍ବନ୍ଧରୁ ଆରମ୍ଭ ହୋଇଥାଏ। ଏହି ସମୟରେ ଉଭୟ ପୁଅ-ଝିଅ ମୁଦି ବିନିମୟ କରିଥାନ୍ତି।

ଏହି ରୀତିନୀତିରେ ଝିଅର ବାମ ହାତର ଅନାମିକା ଆଙ୍ଗୁଠିରେ ଏକ ନିର୍ବନ୍ଧ ମୁଦି ପିନ୍ଧାଯାଏ। ଏପରି ପରିସ୍ଥିତିରେ, ଏହି ପ୍ରଶ୍ନ ଆପଣଙ୍କ ମନରେ ନିଶ୍ଚୟ ଆସୁଥିବ ଯେ ନିର୍ବନ୍ଧ କିମ୍ବା ବିବାହରେ ପିନ୍ଧାଯାଉଥିବା ମୁଦି ସବୁବେଳେ ଅନାମିକା ଆଙ୍ଗୁଠିରେ ପିନ୍ଧାଯାଏ କାହିଁକି?

ବୈଦିକ ଜ୍ୟୋତିଷ ଶାସ୍ତ୍ର ଅନୁଯାୟୀ ଅନାମିକା ଆଙ୍ଗୁଠି ପ୍ରେମ, ଉତ୍ସାହ ଏବଂ ଉଜ୍ଜ୍ୱଳତା ସହିତ ଜଡିତ ବୋଲି ବିବେଚନା କରାଯାଏ। ବାମ ହାତର ଏହି ଆଙ୍ଗୁଠି ଦାମ୍ପତ୍ୟ ଜୀବନରେ ଏକ ଗୁରୁତ୍ୱପୂର୍ଣ୍ଣ ସ୍ଥାନ ଅଧିକାର କରେ। ଏହା ଦମ୍ପତିଙ୍କ ମଧ୍ୟରେ ଥିବା ପ୍ରେମକୁ ଦର୍ଶାଏ। ଏହି ଆଙ୍ଗୁଠି ଜନ୍ମଜନ୍ମାନ୍ତର ପର୍ଯ୍ୟନ୍ତ ଏକାଠି ରହିବାର ପ୍ରତୀକ ହୋଇଥାଏ। ତେଣୁ ନିର୍ବନ୍ଧ କିମ୍ବା ବିବାହରେ ଏହି ଆଙ୍ଗୁଠିରେ ମୁଦି ପିନ୍ଧାଯାଏ।

ଅଧିକ ପଢ଼ନ୍ତୁ: ବୈଜ୍ଞାନିକ ମତ; ମହିଳାମାନେ କାହିଁକି ପିନ୍ଧନ୍ତି ଗୋଡରେ ମୁଦି

ନିର୍ବନ୍ଧ ବା ବିବାହର ମୁଦି ଗୋଲାକାର ଆକୃତିର ହେବା ଉଚିତ। ଏହା ପଛର କାରଣ ହେଉଛି ବୃତ୍ତର କୌଣସି ଅନ୍ତ ନାହିଁ। ତେଣୁ ବୈବାହିକ ସମ୍ପର୍କକୁ ଚିରସ୍ଥାୟୀ ରଖିବା ପାଇଁ ଅନାମିକା ଆଙ୍ଗୁଠିରେ ଏକ ଗୋଲାକାର ମୁଦି ପିନ୍ଧାଯାଏ। କୁହାଯାଏ ଯେ ବାମ ହାତର ଅନାମିକା ଆଙ୍ଗୁଠି ସିଧାସଳଖ ହୃଦୟ ସହିତ ଜଡିତ। ସେଥିପାଇଁ ଏହି ଆଙ୍ଗୁଠିରେ ମୁଦି ପିନ୍ଧାଯାଏ।

ଜ୍ୟୋତିଷ ଶାସ୍ତ୍ର ଅନୁସାରେ, ଅନାମିକା ଆଙ୍ଗୁଠିର ସଂପର୍କ ସୂର୍ଯ୍ୟ ଦେବତାଙ୍କ ସହିତ ରହିଛି। ସମସ୍ତ ଗ୍ରହ ମଧ୍ୟରେ ସୂର୍ଯ୍ୟଙ୍କୁ ରାଜା କୁହାଯାଏ। ସୂର୍ଯ୍ୟ ହେଉଛନ୍ତି ଯଶ, ଗୌରବ, ତେଜ ଏବଂ ଶକ୍ତିର ପ୍ରତୀକ। ଏଭଳି ପରିସ୍ଥିତିରେ ଅନାମିକା ଆଙ୍ଗୁଠିରେ ମୁଦି ପିନ୍ଧିବା ଶୁଭ ହୋଇଥାଏ। ଏହା ଆପଣଙ୍କୁ ଶକ୍ତି ପ୍ରଦାନ କରେ ଏବଂ ଜୀବନରେ ନିଜର ପ୍ରିୟ ଲୋକଙ୍କ ସହିତ ସମ୍ପର୍କକୁ ଦୃଢ କରିଥାଏ। ସେଥିପାଇଁ ଏହି ଆଙ୍ଗୁଠିରେ ମୁଦି ପିନ୍ଧାଯାଏ।

କ’ଣ କୁହେ ବିଜ୍ଞାନ:

କୁହାଯାଏ ଯେ ଅନାମିକା ଆଙ୍ଗୁଠିର ଶିରା ଆମ ହୃଦୟ ସହିତ ସିଧାସଳଖ ସଂଯୋଗ ଅଛି। ଏହି ଆଙ୍ଗୁଠିରେ କୌଣସି ବି ଧାତୁ ପିନ୍ଧିବାର ଗୋଟିଏ କାରଣ ହେଉଛି ଏହା ଶରୀରର ସିଷ୍ଟମକୁ ସ୍ଥିର କରିଥାଏ। ସୁନା ମୁଦି ପିନ୍ଧିବା ଦ୍ୱାରା ଏହା ସେହି ଆଙ୍ଗୁଠିରେ ଚାପ ପକାଏ ଆଉ ଏହାର ଶିରା ପ୍ରଭାବିତ ହୁଏ। ଫଳରେ ମହିଳାଙ୍କ ହୃଦୟ ଉପରେ ଭଲ ପ୍ରଭାବ ପଡିଥାଏ ଏବଂ ଏହା ଜୀବନରେ ଉତ୍ସାହ ଏବଂ ଉଦ୍ଦୀପନା ଆଣିଥାଏ। ଏହା ମଧ୍ୟ ହୃଦରୋଗ ଆଶଙ୍କାକୁ କମାଇ ଦିଏ। ସେଥିପାଇଁ ଏହି ଆଙ୍ଗୁଠିରେ ମୁଦି ପିନ୍ଧାଯାଏ।

ଅଧିକ ପଢ଼ନ୍ତୁ: ବିବାହିତା ମହିଳାମାନେ ସିନ୍ଥିରେ ସିନ୍ଦୂର କାହିଁକି ଲଗାନ୍ତି; କ’ଣ କୁହେ ବିଜ୍ଞାନ…