LIVE TV
ଲମ୍ବା, ମୋଟା ଏବଂ ଚକଚକିଆ ଚୁଟି କେବଳ ଆକର୍ଷଣ ପ୍ରଦାନ କରେନି, ବରଂ ଏହା ସ୍ୱାସ୍ଥ୍ୟର ପ୍ରତୀକ ମଧ୍ୟ। ଯଦି ଆପଣଙ୍କ ଚୁଟିରେ ପର୍ଯ୍ୟାପ୍ତ ପୋଷଣ ନାହିଁ, ଏହା ଦୁର୍ବଳ ହୋଇପାରେ ଏବଂ ଛିଡିବା ଆରମ୍ଭ କରିପାରେ। ତେଣୁ, ଚୁଟିର ଆବଶ୍ୟକତା ଅନୁଯାୟୀ ଉପଯୁକ୍ତ ଯତ୍ନ ନେବା ଏବଂ ପୋଷଣ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ।
ଆଜିକାଲି ଅନେକ ଲୋକ ଚୁଟିକୁ ଲମ୍ବା ଓ ସୁସ୍ଥ ରଖିବା ପାଇଁ ବିଭିନ୍ନ ପଦକ୍ଷେପ ଗ୍ରହଣ କରନ୍ତି। ଏଥିପାଇଁ ଅନେକ ଘରୋଇ ଉପଚାର ଏବଂ ପ୍ରାକୃତିକ ଉପଚାର ରହିଛି। ସେଥିମଧ୍ୟରୁ ଗୋଟିଏ ହେଉଛି ଭୃସଙ୍ଗ ପତ୍ରର ବ୍ୟବହାର। ଚୁଟିକୁ ମୋଟା ଏବଂ ଲମ୍ବା କରିବାରେ ଭୃସଙ୍ଗ ପତ୍ରର ବ୍ୟବହାର ଅତ୍ୟନ୍ତ ପ୍ରଭାବଶାଳୀ ବୋଲି ବିବେଚନା କରାଯାଏ।
Also Read
ଅଧିକ ପଢ଼ନ୍ତୁ: କମ୍ ବୟସରେ କାହିଁକି ଧଳା ହୋଇଯାଏ କେଶ; ଜାଣିନିଅନ୍ତୁ ଏହି ୪ ପ୍ରମୁଖ କାରଣ
ପୋଷଣପୂର୍ଣ୍ଣ:
ଭୃସଙ୍ଗ ପତ୍ରରେ ଭିଟାମିନ୍ ଏବଂ ଆଣ୍ଟିଅକ୍ସିଡାଣ୍ଟ ଥାଏ ଯାହା ଚୁଟିର ସ୍ୱାସ୍ଥ୍ୟ ପାଇଁ ଉପଯୋଗୀ। ଏଥିରେ ଖଣିଜ ପଦାର୍ଥ ଏବଂ ପୋଷକ ତତ୍ତ୍ୱ ରହିଥାଏ ଯାହା ଚୁଟିକୁ ମଜବୁତ କରିବାରେ ସାହାଯ୍ୟ କରିଥାଏ।
କେଶ ବୃଦ୍ଧି:
ଭୃସଙ୍ଗପତ୍ରରେ ଭରପୂର ପରିମାଣର ବିତା-କ୍ୟାରିଟିନ୍ ଓ ଆଣ୍ଟିଅକ୍ସିଡାଣ୍ଟ ଥାଏ, ଯାହା କେଶର ବୃଦ୍ଧିକୁ ପ୍ରୋତ୍ସାହିତ କରିଥାଏ ଏବଂ ଏହାକୁ ମଜବୁତ କରିଥାଏ।
କେଶକୁ ପାଚିବାରୁ ରକ୍ଷା କରେ:
ଭୃସଙ୍ଗ ପତ୍ରର ବ୍ୟବହାର କେଶକୁ ପାଚିବାରୁ ରକ୍ଷା କରେ। ଏହା କେଶକୁ ପ୍ରାକୃତିକ ଭାବରେ କଳା କରିବାରେ ସାହାଯ୍ୟ କରିଥାଏ ଏବଂ ପାଚିବା ସଂଖ୍ୟା ହ୍ରାସ କରିଥାଏ।
କେଶକୁ କୋମଳ ଏବଂ ଚକଚକ୍ କରେ:
ଭୃସଙ୍ଗ ପତ୍ରରେ ଥିବା ଖଣିଜ ପଦାର୍ଥ ଏବଂ ପୋଷକ ତତ୍ତ୍ୱ କେଶକୁ କୋମଳ ଏବଂ ଚକଚକ୍ କରିବାରେ ସାହାଯ୍ୟ କରେ।
କେଶ ଝଡ଼ିବା ରୋକେ:
ଭୃସଙ୍ଗ ପତ୍ରର ବ୍ୟବହାର କେଶ ଝଡ଼ିବା କମାଇ ଏହାକୁ ଶକ୍ତିଶାଳୀ କରେ
କିପରି କରିବେ ବ୍ୟବହାର:
ହେୟାର୍ ମାସ୍କ:
ପ୍ରଥମେ, ମୁଠାଏ ଭୃସଙ୍ଗ ପତ୍ର ଧୋଇ ଦିଅନ୍ତୁ। ତା’ପରେ ଏହାକୁ ଗ୍ରାଇଣ୍ଡ୍ କରି ଏକ ପାତ୍ରରେ ବାହାର କରନ୍ତୁ। ଦୁଇରୁ ତିନି ଚାମଚ ଦହି ସହିତ ମିଶାଇ ଭଲ ଭାବେ ମିଶାନ୍ତୁ। ଏହି ମିଶ୍ରଣକୁ ଆପଣଙ୍କ କେଶରରେ ଲଗାନ୍ତୁ।
ହେୟାର୍ ସ୍ପ୍ରେ:
ଏକ ପାତ୍ରରେ ପାଣି ଫୁଟାନ୍ତୁ ଏବଂ ସେଥିରେ ଭୃସଙ୍ଗ ପତ୍ର ମିଶାନ୍ତୁ। ପାଣିକୁ ଘୋଡାଇ ଫୁଟାନ୍ତୁ। ଫୁଟିବା ପରେ ପାଣି ଥଣ୍ଡା କରି ଏକ ସ୍ପ୍ରେ ବୋତଲରେ ଭରନ୍ତୁ। ରାତିରେ ଏହାକୁ କେଶରେ ସ୍ପ୍ରେ କରନ୍ତୁ ଏବଂ ସକାଳେ କେଶ ଧୋଇ ଦିଅନ୍ତୁ।
ହେୟାର ପ୍ୟାକ୍:
ରାତିରେ ୪ ଚାମଚ ମେଥି ଦାନା ପାଣିରେ ପକେଇ ରଖନ୍ତୁ। ସକାଳେ ଏହାକୁ ଗ୍ରାଇଣ୍ଡ୍ କରି ପେଷ୍ଟ ପ୍ରସ୍ତୁତ କରନ୍ତୁ। ମୁଠାଏ ଭୃସଙ୍ଗ ପତ୍ର ଏଥିରେ ପକେଇ ମିକ୍ସ କରନ୍ତୁ। ଏହାକୁ ସାମ୍ପୁ କରିବାର ୧ ଘଣ୍ଟା ପୂର୍ବରୁ କେଶରେ ଲଗାନ୍ତୁ ଏବଂ ପରେ ଧୋଇ ଦିଅନ୍ତୁ।
ଅଁଳା- ଭୃସଙ୍ଗ ମାସ୍କ:
ଦୁଇଟି ଅଁଳାକୁ ନେଇ ଛୋଟ ଛୋଟ ଖଣ୍ଡରେ କାଟି ଗ୍ରାଇଣ୍ଡର୍ରେ ରଖନ୍ତୁ। ସେଥିରେ ମୁଠାଏ ଭୃସଙ୍ଗ ପତ୍ର ଏବଂ ଅଳ୍ପ ପାଣି ମିଶାଇ ଭଲ ଭାବରେ ଗ୍ରାଇଣ୍ଡ୍ କରନ୍ତୁ। ଏହି ପେଷ୍ଟକୁ ଖପୁରୀରେ ଲଗାନ୍ତୁ ଏବଂ ଏହାକୁ ୨ ଘଣ୍ଟା ପରେ ସାମ୍ପୁ କରି ଧୋଇ ଦିଅନ୍ତୁ।
ଏହିସବୁ କୌଶଳଗୁଡିକ ଗ୍ରହଣ କରି ଆପଣ କେଶକୁ ସୁସ୍ଥ, ଲମ୍ବା ଏବଂ ଚକ୍ଚକ୍ କରିପାରିବେ। ତେବେ ଏଠାରେ ଧ୍ୟାନ ଦିଅନ୍ତୁ ଯେ ପ୍ରତ୍ୟେକ ବ୍ୟକ୍ତିଙ୍କ କେଶର ପ୍ରକୃତି ଅଲଗା। ତେଣୁ ଆପଣ ନିଜ କେଶର ଆବଶ୍ୟକତା ଅନୁଯାୟୀ ପଦକ୍ଷେପ ଗ୍ରହଣ କରିବା ଉଚିତ।
