Chanakya Niti: କେବେ କାହାରିକୁ ଅପମାନିତ କରିବା ଉଚିତ୍ ନୁହେଁ, କାହିଁକି..?

ଚାଣକ୍ୟ ନିତୀ ଭାରତୀୟ ଇତିହାସର ଏକ ଗୁରୁତ୍ୱପୂର୍ଣ୍ଣ ଗ୍ରନ୍ଥ, ଯାହାକୁ କୌଟିଲ୍ୟ ଏବଂ ବିଷ୍ଣୁଗୁପ୍ତ ନାଁରେ ପ୍ରସିଦ୍ଧ ଚାଣକ୍ୟ ନିଜେ ଲେଖିଥିଲେ । ଏହି ଗ୍ରନ୍ଥ କେବଳ ରାଜନୀତି ଏବଂ ପ୍ରଶାସନିକ କ୍ଷେତ୍ରରେ ମାର୍ଗଦର୍ଶନ କରିଥାଏ ତାହା ନୁହେଁ, ବରଂ ଜୀବନର ପ୍ରତ୍ୟେକ କ୍ଷେତ୍ରରେ ସଫଳତା ହାସଲ କରିବା ପାଇଁ ଗୁରୁତ୍ୱପୂର୍ଣ୍ଣ ପରାମର୍ଶ ମଧ୍ୟ ଦେଇଥାଏ । ଏଥିରେ ଶତ୍ରୁକୁ ପରାସ୍ତ କରିବାକୁ ଅନେକ ଗୁରୁତ୍ୱପୂର୍ଣ୍ଣ ପରାମର୍ଶ ଦିଆଯାଇଛି । ଯାହାକୁ ଉପଯୋଗ କରି ଜଣେ ବ୍ୟକ୍ତି ନିଜ ଜୀବନର କଠିନ ପରିସ୍ଥିତିକୁ ସାମ୍ନା କରିପାରିବ ।

ତେବେ ଚାଣକ୍ୟ କହିଛନ୍ତି ଜୀବନରେ କେବେ କାହାକୁ ଅପମାନିତ କରିବା ଉଚିତ୍‌ ନୁହେଁ । କିଏ କୌଣସି ବି ପରିସ୍ଥିତିରେ ଥିଲେ ବି ନିଚ୍ଚା ଦେଖାଇ ଅପମାନିତ କରିବା ଉଚିତ୍ ନୁହେଁ । ଚାଣକ୍ୟ ନୀତିରେ ଏକ ବାକ୍ୟ ଲେଖା ଅଛି, ‘କଦାପି ପୁରୁଷଂ ନାବମନ୍ୟତ୍’ ।

ଏହା ସହ ପଢ଼ନ୍ତୁ: କେମିତି ଶତ୍ରୁକୁ କରିବେ ପରାସ୍ତ, ଜାଣନ୍ତୁ ୯ ଗୁରୁତ୍ୱପୂର୍ଣ୍ଣ ଉପାୟ

ଏହି ବାକ୍ୟରେ କୁହାଯାଇଛି ଯେ ଯଦି କୌଣସି ବ୍ୟକ୍ତି ଅନ୍ୟ ବ୍ୟକ୍ତିଙ୍କୁ ଅପମାନିତ କରୁଛନ୍ତି ବା ନିଚ୍ଚା ଦେଖେଇ କଥାବାର୍ତ୍ତା କରୁଛନ୍ତି ତେବେ ବାସ୍ତବରେ ସେ ବ୍ୟକ୍ତି ନିଜର ହିଁ ରୁଗ୍‌ଣ ମାନସିକତା ତଥା ହୀନ ମାନସିକତାକୁ ଦର୍ଶାଉଛନ୍ତି । ନାଁ କି ଅନ୍ୟକୁ ନିଚ୍ଚା ଦେଖାଉଛନ୍ତି । ସେଥିରୁ ଏହା ମଧ୍ୟ ପ୍ରମାଣିତ ହୋଇଥାଏ ଯେ, ସେ ବ୍ୟକ୍ତି କେଉଁ ସ୍ତରର ।

ଏହି ବାକ୍ୟର ଆହୁରି ମଧ୍ୟ ଗୁଢ଼ ଅର୍ଥ ହେଉଛି, ସଜ୍ଜନ ବ୍ୟକ୍ତି ସବୁବେଳେ ଅନ୍ୟକୁ ସଜ୍ଜନ ହିଁ ଭାବିଥାଏ । ଯେମିତି କୁହାଯାଏ ନିଜେ ଭଲ ଥିଲେ ଦୁନିଆ ଭଲ । ନିଜେ ଖରାପ ଥିଲେ ସାରା ଦୁନିଆ ଖରାପ ଲାଗେ । ଠିକ୍‌ ସେମିତି ସଜ୍ଜନ ବ୍ୟକ୍ତି ମାନେ ସମସ୍ତଙ୍କୁ ଭଦ୍ର ବ୍ୟବହାର କରିଥାନ୍ତି । କେବେ କାହାରି ମନରେ କଷ୍ଟ ହେବା ଭଳି କଥା କହିନଥାନ୍ତି । କାହାରିକୁ ଅପମାନିତ କରିନଥାନ୍ତି ।

ସେମାନେ ଅନ୍ୟମାନଙ୍କ ସହ ସେମିତି ବ୍ୟବହାର କରନ୍ତି ଯେମିତି ସେ ନିଜ ପାଇଁ ବ୍ୟବହାର ଚାହାନ୍ତି । ସେମାନେ ନିଜ ପାଇଁ ଲୋକଙ୍କଠାରୁ ଭଲ ବ୍ୟବହାର ଚାହାନ୍ତି ତେଣୁ ସେମାନେ ଅନ୍ୟକୁ ମଧ୍ୟ ଭଲ ବ୍ୟବହାର କରିଥାନ୍ତି ।

ତେଣୁ ପ୍ରତ୍ୟେକ ବ୍ୟକ୍ତି ଏଥିପ୍ରତି ଧ୍ୟାନ ଦେବା ଉଚିତ୍ । ସବୁବେଳେ ଅନ୍ୟକୁ ଭଲ ବ୍ୟବହାର କଲେ ନିଜେ ମଧ୍ୟ ଭଲ ବ୍ୟବହାର ପାଇବେ ।

ଏବେ ଆପଣ କୁହନ୍ତୁ, ଆପଣଙ୍କୁ ଯଦି କୌଣସି ବ୍ୟକ୍ତି ଅପମାନିତ କରିବେ ତେବେ ଆପଣଙ୍କୁ କେମିତି ଅନୁଭବ ହେବ ।

ଏହା ସହ ପଢ଼ନ୍ତୁ: ନବରଙ୍ଗପୁରରୁ ନେଇ ମହାରାଷ୍ଟ୍ରରେ ବିକୁଥିଲେ, ୧୪ ଦିନ ଗୃହବନ୍ଦୀ ରଖିଥିଲେ..!