Relationship Tips: ବୈବାହିକ ଜୀବନକୁ ରୋମାଣ୍ଟିକ୍ କରିବା ନେଇ ନିଜ ପାର୍ଟନର୍‌ଙ୍କୁ ପଚାରନ୍ତୁ ଏହି ୫ ପ୍ରଶ୍ନ

ବହୁ ବର୍ଷ ଧରି ପ୍ରେମ ଏବଂ ରୋମାନ୍ସ ସିନେମାରେ ହିଁ ଥିଲା। ଯୁବତୀମାନେ ଶାହାରୁଖ ଖାନ ଏବଂ ସଲମାନଙ୍କ ପରି ରୋମାଣ୍ଟିକ ପ୍ରେମିକ ଚାହୁଁଥିବାବେଳେ ପୁଅମାନଙ୍କ ହୃଦୟ 'ବିବାହ'ର ସୁମନ ଏବଂ 'କବୀର ସିଂ'ର ପ୍ରୀତି ପରି ଝିଅମାନଙ୍କୁ ଖୋଜେ।

ଆଜିର ଯୁଗରେ, ରୋମାନ୍ସ ଏବଂ ସୋସିଆଲ ମିଡିଆରେ ପିଡିଏ (Public Display of Affection) କରିବା ଭଳି ଯୋଡି ମଧ୍ୟ ଜେନ ଜେଙ୍କୁ ପସନ୍ଦ କରନ୍ତି। ଏହା କ’ଣ ରୋମାନ୍ସର ଆଦର୍ଶ ରୂପ? ପ୍ରାୟତଃ ସୋସିଆଲ ମିଡିଆରେ 'ପରଫେକ୍ଟ ଯୋଡି' ଦେଖିବା ପରେ, ଆମେ ମଧ୍ୟ ସମାନ ପ୍ରେମକୁ ଆଦର୍ଶ କରିବା ଆରମ୍ଭ କରିଥାଉ।

ଅଧିକ ପଢ଼ନ୍ତୁ: Relationship Tips: ଜଣେ ପ୍ରତାରଣା କରିବାକୁ ଚାହିଁଲେ କହିଥାଏ ଏମିତି; ଜାଣନ୍ତୁ ବାହାନାର ୭ଟି କଥା

କିନ୍ତୁ ସତ୍ୟ ହେଉଛି ଏହି ସମସ୍ତ ଚମକପୂର୍ଣ୍ଣ ଚିତ୍ର ଏକ ସୁସ୍ଥ ସମ୍ପର୍କଠାରୁ ବହୁ ଦୂରରେ। ଏକ ସୁସ୍ଥ ସମ୍ପର୍କ ସମ୍ମାନ ଏବଂ ମନଖୋଲା ଯୋଗାଯୋଗ ଉପରେ ଆଧାରିତ। ଆଜି ଆମେ ଆପଣଙ୍କୁ ଏମିତି ୫ଟି କଥା କହିବି ଯାହା ବିଷୟରେ ଆପଣ ନିଜ ପାର୍ଟନର ସହିତ ଖୋଲାଖୋଲି ଭାବେ କଥା ହେବା ଉଚିତ। ଏହି ପ୍ରଶ୍ନଗୁଡ଼ିକ ଆପଣଙ୍କ ସମ୍ପର୍କକୁ ବୃଢ କରିବାରେ ସାହାଯ୍ୟ କରିବ।

ଏକତ୍ର ସମୟ ବିତାଇବା:

ସୁସ୍ଥ ସଂପର୍କରେ, ଏକତ୍ର ସମୟ ବିତାଇବା ଏବଂ ନିଜକୁ ବ୍ୟକ୍ତିଗତ ସ୍ଥାନ ଦେବା ମଧ୍ୟରେ ସଠିକ୍ ସନ୍ତୁଳନ ରହିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ସର୍ବଦା ମନେରଖିବା ଉଚିତ ଯେ, ସମସ୍ତେ ନିଜ ସହିତ ଆରାମ ଏବଂ ସମୟ ବିତାଇବା ଆବଶ୍ୟକ କରନ୍ତି, ଏବଂ ପରସ୍ପର ସହିତ ଗୁଣାତ୍ମକ ସମୟ ବିତାଇବା ମଧ୍ୟ ଗୁରୁତ୍ୱପୂର୍ଣ୍ଣ।

ଏପରି ପରିସ୍ଥିତିରେ ନିଜ ପାର୍ଟନରଙ୍କୁ ପଚାରନ୍ତୁ - “ତୁମେ ଭାବୁଛ କି ଆମେ ଏକାଠି ଅଧିକ / କମ୍ ସମୟ ବିତାଉଛୁ?” କିମ୍ବା “ତୁମେ ଅନୁଭବ କରୁଛ ଯେ ତୁମେ ନିଜ ପାଇଁ ସମୟ ପାଉ ନାହଁ କି?”

ଭାବନାତ୍ମକ ଏବଂ ବ୍ୟବହାରିକ କଥା:

ଅନେକ ସମୟରେ ପାର୍ଟନରମାନଙ୍କ ମଧ୍ୟରେ ଏକ ଅଭିଯୋଗ ଥାଏ ଯେ 'ସେ ବୁଝୁ ନାହାଁନ୍ତି'। ଏହାର କାରଣ ହେଉଛି ଆମେ ବ୍ୟବହାରିକ ଏବଂ ଭାବପ୍ରବଣ ବାର୍ତ୍ତାଳାପକୁ ମିଶେଇ ଦେଉ। ସମସ୍ତଙ୍କର କଥାବାର୍ତ୍ତା ଏବଂ ଭାବନା ପ୍ରକାଶ କରିବାର ନିଜସ୍ୱ ପଦ୍ଧତି ଅଛି।

ତେଣୁ ନିଜ ପାର୍ଟନର୍‌ଙ୍କୁ ପଚାରିବାକୁ ନିଶ୍ଚିତ ହୁଅନ୍ତୁ, “ତୁମେ ବର୍ତ୍ତମାନ ଆମ ସମ୍ପର୍କକୁ ନେଇ କିପରି ଅନୁଭବ କରୁଛ?” କିମ୍ବା “ଏମିତି କିଛି ଅଛି କି ଯାହା ତୁମକୁ ଅବୁବିଧାରେ ପକାଉଛି?”

ଅସୁରକ୍ଷାକୁ ବୁଝିବା:

କୌଣସି ରୋମାଣ୍ଟିକ ସଂପର୍କରେ ଈର୍ଷା କିମ୍ବା ଅସୁରକ୍ଷା ଆସିବା ଅତି ସାଧାରଣ କଥା। କିନ୍ତୁ ଏହାକୁ ଅଣଦେଖା କରିବା ଠିକ୍ ନୁହେଁ। ଯଦି ଏହା ଖୋଲାଖୋଲି ଏବଂ ସଚ୍ଚୋଟତାର ସହିତ ସମାଧାନ ନ ହୁଏ ତେବେ ଏହା ଆପଣଙ୍କ ସମ୍ପର୍କ ଉପରେ ବିଶ୍ୱାସକୁ ନଷ୍ଟ କରିପାରେ।

ତେଣୁ ବେଳେ ବେଳେ ଆପଣଙ୍କ ସାଥୀଙ୍କୁ ପଚାରନ୍ତୁ, “ ତୁମେ ଆମ ସମ୍ପର୍କକୁ ନେଇ କେବେ ଅସୁରକ୍ଷିତ ମନେ କର କି?' କିମ୍ବା “ତୁମକୁ ଅଧିକ ନିରାପଦ ଏବଂ ଭଲ ଅନୁଭବ କରିବା ପାଇଁ ମୁଁ କିଛି କରିପାରିବି କି?”

ଅର୍ଥ ସମ୍ବନ୍ଧୀୟ ଗୁରୁତ୍ୱପୂର୍ଣ୍ଣ କଥା:

ସମ୍ପର୍କରେ ଆର୍ଥିକ ଇଛାକୁ ନେଇ ଖୋଲାଖୋଲି ଭାବେ ଆଲୋଚନା ହେବା ଉଚିତ। ଟଙ୍କା ପ୍ରାୟତଃ ସମ୍ପର୍କରେ ସମସ୍ୟା ସୃଷ୍ଟି କରିପାରେ।

ତେଣୁ ଆପଣ ଆପଣ ନିଜ ପାର୍ଟନର୍‌ଙ୍କୁ ଏହା ପଚାରନ୍ତୁ ଯେ “ଆମର ଆର୍ଥିକ ସ୍ଥିତିକୁ ନେଇ ତୁମେ କିପରି ଅନୁଭବ କର?' କିମ୍ବା “ତୁମର ଆର୍ଥିକ ଲକ୍ଷ୍ୟ କ’ଣ, ଏବଂ ଆମେ କିପରି ଏକାଠି ସବୁଦିନ ରହି ପାରିବା?”

ନୂତନତା ମଧ୍ୟ ଗୁରୁତ୍ୱପୂର୍ଣ୍ଣ:

ଆପଣ ନିଶ୍ଚୟ ଧ୍ୟାନ ଦେଇଥିବେ ଯେ ଯେତେବେଳେ ଆପଣଙ୍କ ପାର୍ଟନର ଆପଣଙ୍କ ବିଷୟରେ ଭଲ କଥା କରନ୍ତି, ସେମାନେ କେବଳ ପୁରୁଣା ସମୟକୁ ମନେ ପକାଇଥାଆନ୍ତି। ଆମେ ବୁଝିବା ଉଚିତ ଯେ ସମୟ ସହିତ ସମ୍ପର୍କ ବଦଳିଯାଏ। ତେଣୁ ପାର୍ଟନର୍‌ଙ୍କ ସହିତ କିଛି ନୂଆ ଚେଷ୍ଟା ଜାରି ରଖିବା ଉଚିତ।

ତେଣୁ ନିଜ ପାର୍ଟନରଙ୍କୁ ପଚାରନ୍ତୁ, “ତୁମେ କିଛି ନୂଆ ଚେଷ୍ଟା କରିବାକୁ ଚାହୁଁଛ କି?” କିମ୍ବା “ତୁମେ ଆମ ସମ୍ପର୍କକୁ ନେଇ କିଛି ପରିବର୍ତ୍ତନ କରିବାକୁ ଚାହୁଁଛ କି?”

ଏଗୁଡ଼ିକ ହେଉଛି ଏମିତି କିଛି ପ୍ରଶ୍ନ ଯାହାକୁ ଆମେ ପ୍ରାୟତଃ ପଚାରି ପାରୁନା। କିନ୍ତୁ ଯେତେବେଳେ ଏହି ସମ୍ବନ୍ଧୀୟ ପ୍ରଶ୍ନ ଆସେ, ସମ୍ପର୍କର କାନ୍ଥ ଫାଟିବା ଆରମ୍ଭ କରେ। ତେଣୁ ବେଳସୁ ନିଜ ପାର୍ଟନରଙ୍କୁ ଏହିସବୁ ପ୍ରଶ୍ନ ପଚାରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ।

ଅଧିକ ପଢ଼ନ୍ତୁ: Relationship Tips: ବୈବାହିକ ଜୀବନକୁ ନଷ୍ଟ କରୁଛି ଇମୋସନାଲ ଆଫେୟାର; କିପରି ଜାଣିବେ ଏହାର ଲକ୍ଷଣ