SBIରେ ଖାଲିପଡିଛି ସ୍ପେଶାଲ କ୍ୟାଡର ଅଫିସର ପଦବୀ, କରନ୍ତୁ ଆବେଦନ

ଆପଣ ଗ୍ରାଜୁଏସନ୍ କରିଛନ୍ତି କି ? ଏସବିଆଇ ପକ୍ଷରୁ ସ୍ପେଶାଲ କ୍ୟାଡର ଅଫିସର(SCO) ପଦବୀ ପାଇଁ ବିଜ୍ଞପ୍ତି ଜାରି ହୋଇଛି। ଇଚ୍ଛୁକ ଏବଂ ଯୋଗ୍ୟ ପ୍ରାର୍ଥୀ ଏହିସବୁ ପଦବୀ ପାଇଁ ଆବେଦନ କରିପାରିବେ। ଏଥିପାଇଁ ଏସବିଆଇର ଅଫିସିଆଲ ୱେବସାଇଟ sbi.co.inକୁ ଯାଇ ଆବେଦନ କରିପାରିବେ। ଏହିସବୁ ପଦବୀରେ ଆବେଦନ କରିବା ପାଇଁ ଫେବୃଆରୀ ୫ ତାରିଖରୁ ଆରମ୍ଭ ହୋଇ ୨୫ ଫେବୃଆରୀରେ ସମାପ୍ତ ହେବ।

SBI ପକ୍ଷରୁ ମୋଟ୍ ୪୮ଟି ପଦବୀ ପାଇଁ ବିଜ୍ଞପ୍ତି ଜାରି କରାଯାଇଛି । ଆସିଷ୍ଟାଣ୍ଟ ମ୍ୟାନେଜର (ନେଟଓ୍ଵାର୍କ ସିକ୍ୟୁରିଟି ସ୍ପେଶାଲିଷ୍ଟ) ପଦବୀ ପାଇଁ ୧୫ଟି,ଆସିଷ୍ଟାଣ୍ଟ ମ୍ୟାନେଜର (ରାଉଟିଂ ଆଣ୍ଡ ସୁଇଚିଂ) ୩୩ଟି ପଦବୀ ରହିଛି ।

ବୟସ ସୀମା ଓ ଶିକ୍ଷାଗତ ଯୋଗ୍ୟତା:

ଏହି ପଦବୀରେ ଆବେଦନ କରିବା ପାଇଁ ଆବେଦନକାରୀଙ୍କ ବୟସ ସର୍ବାଧିକ ୪୦ ବର୍ଷ ହେବା ଜରୁରୀ। ଆବେଦନକାରୀ କୌଣସି ମାନ୍ୟତାପ୍ରାପ୍ତ ସଂସ୍ଥା କିମ୍ବା ୟୁନିଭରସିଟିରୁ କୌଣସି ବିଭାଗରେ ସ୍ନାତକ ଡିଗ୍ରୀ କରିଥିବା ଜରୁରୀ।

ଆବେଦନ ଶୁଳ୍କ:

ସାଧାରଣ ବର୍ଗ/ଓବିସି/ EWS ପ୍ରାର୍ଥୀଙ୍କ ପାଇଁ ଆବେଦନ ଶୁଳ୍କ ୭୫୦ ଟଙ୍କା ରହିଥିବା ବେଳେ ଅନୁସୂଚିତ ଜାତି/ଜନଜାତି/PWD ପ୍ରାର୍ଥୀ ଆବେଦନ ଶୁଳ୍କରେ ରିହାତି ମିଳିବ।

ଚୟନ ପ୍ରକ୍ରିୟା:

ଆବେଦନକାରୀଙ୍କ ଚୟନ ଅନଲାଇନ ଲିଖିତ ପରୀକ୍ଷା ଏବଂ ଇଣ୍ଟରଭ୍ୟୁ ଆଧାରରେ ହେବ।