LIVE TV
Union Public Service Commission ବା (UPSC) ୨୦୨୩ରେ କେନ୍ଦ୍ରୀୟ ସଶସ୍ତ୍ର ପୋଲିସ ବାହିନୀ (ଆସିଷ୍ଟାଣ୍ଟ କମାଣ୍ଡାଣ୍ଟ) ପରୀକ୍ଷା ପାଇଁ ଏକ ସରକାରୀ ବିଜ୍ଞପ୍ତି ପ୍ରକାଶ ପାଇଛି । ଆବେଦନକାରୀମାନେ UPSCର ଅଫିସିଆଲ୍ ୱେବସାଇଟ୍ upsconline.nic.in ମାଧ୍ୟମରେ ଆବେଦନ କରିପାରିବେ ।
ଏଥିପାଇଁ ଆବେଦନ ପ୍ରକ୍ରିୟା ଆରମ୍ଭ ହୋଇସାରିଥିବାବେଳେ ମେ’ ୧୬ ତାରିଖ ଆବେଦନ କରିବାର ଶେଷ ତାରିଖ ରହିଛି । UPSC ପକ୍ଷରୁ CAPF ନିଯୁକ୍ତି ନେଇ ସମ୍ପୂର୍ଣ୍ଣ ବିବରଣୀ ପ୍ରକାଶ କରାଯାଇଛି । ମୋଟ ୩୨୨ଟି ପଦବୀ ପାଇଁ ବିଜ୍ଞପ୍ତି ପ୍ରକାଶ ପାଇଛି । ସେଥିମଧ୍ୟରୁ ବିଭିନ୍ନ ପଦବୀ ପାଇଁ ବିବରଣୀ ଦିଆଯାଇଛି । ଆସନ୍ତୁ ଜାଣିବା...
Also Read
BSF: ୮୬ଟି ପଦବୀ
CRPF: ୫୫ଟି ପଦବୀ
CISF: ୯୧ଟି ପଦବୀ
ITBP: ୬୦ଟି ପଦବୀ
SSB: ୩୦ଟି ପଦବୀ
ଅଧିକ ପଢ଼ନ୍ତୁ: ଭାରତୀୟ ନୌସେନା ପାଇଁ ବାହାରିଲା ଚାକିରି, ବେସିକ୍ ପେ’ ୫୬,୬୦୦ରୁ ଆରମ୍ଭ
ଏହି ସବୁ ପଦବୀ ପାଇଁ କ’ଣ ରହିଛି ଶିକ୍ଷାଗତ ଯୋଗ୍ୟତା ?
ଏହି ସମସ୍ତ ପଦବୀ ପାଇଁ ଆପଣ ଆବେଦନ କରିପାରିବେ । ହେଲେ ଏଥିପାଇଁ ଆପଣଙ୍କ ନିକଟରେ ବିଶ୍ୱବିଦ୍ୟାଳୟର ସ୍ନାତକ ଡିଗ୍ରୀ ଥିବା ଆବଶ୍ୟକ। ତାହା ସହ ପ୍ରାର୍ଥୀଙ୍କ ବୟସ ସୀମା ମଧ୍ୟ ନିର୍ଦ୍ଧାରିତ କରାଯାଇଛି । ଆବେଦନ କରିବାକୁ ଇଚ୍ଛୁକଥିବା ପ୍ରାର୍ଥୀଙ୍କ ବୟସ ସର୍ବନିମ୍ନ ୨୦ ବର୍ଷ ହୋଇଥିବା ଆବଶ୍ୟକ । ଅଗଷ୍ଟ ୧, ୨୦୨୩ ସୁଦ୍ଧା ପ୍ରାର୍ଥୀଙ୍କୁ ୨୫ ବର୍ଷ ବୟସ ହୋଇନଥିବା ଆବଶ୍ୟକ ବୋଲି କୁହାଯାଇଛି ।
କେତେ ରହିଛି ଅବେଦନ ଶୁକ୍ଳ:
ଏହି ସମସ୍ତ ପଦବୀ ପାଇଁ ପ୍ରାର୍ଥୀମାନଙ୍କୁ ୨୦୦ ଟଙ୍କା ଦେବାକୁ ପଡ଼ିବ । ହେଲେ ମହିଳା ଓ ଏସ୍ସି/ଏସ୍ଟି ପ୍ରାର୍ଥୀମାନଙ୍କ ପାଇଁ କୌଣସି ଆବେଦନ ଫି’ ରଖାଯାଇନାହିଁ ।
କିପରି କରିବେ ଆବେଦନ:
ଆପଣଙ୍କୁ ଆବେଦନ କରିବାକୁ ହେଲେ www.upsc.gov.inର ଅଫିସିଆଲ୍ ୱେବସାଇଟ୍ ପରିଦର୍ଶନ କରିବାକୁ ପଡ଼ିବ । ପ୍ରଥମ ପେଜ୍ରେ ଦିଆଯାଇଥିବା ଆବେଦନ ଫର୍ମ ଉପରେ କ୍ଲିକ୍ କରି ତଥ୍ୟ ଦେବାକୁ ହେବ । ଅବେଦନ କରିବା ସମୟରେ ପରିଚୟ ପତ୍ର ସହ ଡକ୍ୟୁମେଣ୍ଟ ଦେବାକୁପଡ଼ିବ । ପରେ ଆପଣ ଫି’ ମଧ୍ୟ ଭରିବେ । ଏ ସମ୍ପର୍କରେ ଅଧିକ ଜାଣିବାକୁ ସରକାରୀ ବିଜ୍ଞପ୍ତି ଯାଞ୍ଚ କରିପାରିବେ ।
