LIVE TV
ମହିଳା ସରକାରୀ କର୍ମଚାରୀଙ୍କ ପାଇଁ ବଢ଼ିବ ଛୁଟି । ଅତିରିକ୍ତ ୭ଦିନ କାଜୁଆଲ ଲିଭ୍ ବା CL ମହିଳାଙ୍କ ପାଇଁ ବଢ଼ାଇବାକୁ ମଧ୍ୟପ୍ରଦେଶ ସରକାର ଘୋଷଣା କରିଛନ୍ତି । ପୂର୍ବରୁ ମହିଳା କର୍ମଚାରୀମାନେ ୧୩ ଦିନର କାଜୁଆଲ ଲିଭ୍ ନେଇପାରୁଥିଲେ । ବର୍ତ୍ତମାନ ଏହାକୁ ଆଉ ୭ ଦିନ ବଢ଼ାଇଦିଆଯିବ ବୋଲି ସରକାର ଘୋଷଣା କରିଛନ୍ତି । ଫଳରେ ମହିଳା ସରକାରୀ କର୍ମଚାରୀଙ୍କ CL ୨୦ ଦିନକୁ ବୃଦ୍ଧି ପାଇବ ।
ମହିଳା ଦିବସ ଅବସରରେ ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହ୍ୱାନ ଏହା ଘୋଷଣା କରିଛନ୍ତି । ଶିବରାଜ କହିଛନ୍ତି, ରାଜ୍ୟର ମହିଳା କର୍ମଚାରୀମାନେ ଅଧିକ ଛୁଟି ନେବାର ହକ୍ ରହିଛି । କାରଣ ସେମାନେ ଉଭୟ ଘର ଓ ଅଫିସ୍ କାର୍ଯ୍ୟ କରୁଛନ୍ତି । ସବୁଠାରୁ ବଡ଼ କଥା ହେଉଛି ବର୍ତ୍ତମାନ ପ୍ରତ୍ୟେକ କାର୍ଯ୍ୟରେ ମହିଳାମାନେ ସଫଳତା ହାସଲ କରୁଛନ୍ତି ।
ଅଧିକ ପଢ଼ନ୍ତୁ: ଛୁଟିରେ ଯାଇଥିବା କର୍ମଚାରୀଙ୍କୁ ହଇରାଣ କଲେ ଏକ ଲକ୍ଷ ଫାଇନ୍ !
Also Read
ସେମାନେ ସେମାନଙ୍କର ମାତୃତ୍ୱ ଓ ପରିବାରର ଦାୟିତ୍ୱ ନେବାର ଅଧିକାର ରହିଛି । ସେଥିପାଇଁ ରାଜ୍ୟ ସରକାର ମହିଳା ସରକାରୀ କର୍ମଚାରୀଙ୍କ ପାଇଁ ଆଉ ୭ଦିନ ଛୁଟି ବଢ଼ାଇବାକୁ ନିଷ୍ପତ୍ତି ନେଇଛନ୍ତି । ବୁଧବାର ମୁଖ୍ୟମନ୍ତ୍ରୀ ଶିବରାଜ ସିଂ ଚୌହ୍ୱାନ ଟ୍ୱିଟ୍ କରି ସୂଚନା ଦେଇଥିବା ବେଳେ ସମସ୍ତ ବିଭାଗକୁ ଅବଗତ କରିଛନ୍ତି ।
ଟ୍ୱିଟ୍ ପରେ ପୁଣି ଗତକାଲି ମୁଖ୍ୟମନ୍ତ୍ରୀ ସାମ୍ୱାଦିକ ସମ୍ମିଳନୀ କରି ନିଜର ପ୍ରତିକ୍ରିୟା ରଖିଛନ୍ତି । ଶିବରାଜ ଆହୁରି କହିଛନ୍ତି ଯେ, ମହିଳା ମାନଙ୍କର ଉନ୍ନତି ମୋର ମୂଳ ଲକ୍ଷ୍ୟ । ମୁଁ ବିଶ୍ୱାସ କରେ ରାଜ୍ୟ ତଥା ଦେଶରେ ମହିଳା ମାନେ ଆଗକୁ ଗଲେ ସବୁ କିଛି ବିକାଶ ହୋଇପାରିବ । ସମସ୍ତ ମହିଳା କର୍ମଚାରୀଙ୍କୁ ଅତିରିକ୍ତ ଛୁଟି ଦିଆଯାଉ ବୋଲି ମୁଖ୍ୟମନ୍ତ୍ରୀ ଶିବରାଜ ସିଂ ଚୌହ୍ୱାନ ଅପିଲ୍ କରିଛନ୍ତି ।
कल अंतरराष्ट्रीय महिला दिवस था, होली के कारण हमने कोई कार्यक्रम नहीं किया लेकिन कल मैंने ट्वीट करके कुछ जानकारियां दीं थीं। हमने तय किया है कि मध्यप्रदेश में शासकीय सेवाओं में पदस्थ बहनों को 7 दिवसों का अतिरिक्त आकस्मिक अवकाश देंगे, जिसे वे अपनी आवश्यकता अनुरूप उपयोग कर सकेंगी। pic.twitter.com/oCDwKi5tPu
— Shivraj Singh Chouhan (@ChouhanShivraj) March 9, 2023
