ଅଗ୍ନିବୀରଙ୍କ ପାଇଁ କେନ୍ଦ୍ରର ବଡ଼ ଘୋଷଣା; BSFରେ ୧୦% ଚାକିରି ପକ୍କା

ସେନାରେ ସାମିଲ ହେବାକୁ ଇଚ୍ଛୁକ ଅଛନ୍ତି କି ? ଅଗ୍ନିପଥ ଯୋଜନାରେ ଭାରତୀୟ ସେନାରେ ନିଯୁକ୍ତି ନେଇ ପ୍ରକ୍ରିୟା ଆରମ୍ଭ ହୋଇଛି । ଅଉ ଏହି ସମୟରେ ସେନାରେ ନିଯୁକ୍ତି ନେଇ ଏକ ଖୁସିର ଖବର ଦେଇଛନ୍ତି କେନ୍ଦ୍ର ସରକାର । ହୋଲି ପରେ ଅଗ୍ନିବୀରମାନଙ୍କୁ କେନ୍ଦ୍ର ସରକାର ଉପହାର ଦେଇଥିବା କୁହାଯାଉଛି ।

ନିଯୁକ୍ତି ହେବାକୁ ଥିବା ବିଏସଏଫ୍‌ ପଦବୀରେ ୧୦ ପ୍ରତିଶତ ସଂରକ୍ଷଣ ଘୋଷଣା କରାଯାଇଛି । ଖାଲି ସେତିକି ନୁହେଁ ଅଗ୍ନିବୀର ମାନଙ୍କ ବୟସ ସୀମା ମଧ୍ୟ କୋହଳ କରାଯିବା ନେଇ କୁହାଯାଉଛି । ମାର୍ଚ୍ଚ ୬ ତାରିଖରେ ଏନେଇ ଗୃହ ମନ୍ତ୍ରଣାଳୟ ପକ୍ଷରୁ ବିଜ୍ଞପ୍ତି ଜାରି କରାଯାଇଥିବା ବେଳେ ଘୋଷଣା ଆଦେଶକୁ ଅନୁମୋଦନ କରାଯାଇଛି ।

ଅଧିକ ପଢ଼ନ୍ତୁ: B.A ପରେ କ୍ୟାରିୟର୍‌କୁ ନେଇ ଚିନ୍ତାରେ ଅଛନ୍ତି କି; ଜାଣନ୍ତୁ କ’ଣ କରିବେ

ଅନ୍ୟପଟେ କେନ୍ଦ୍ର ଗୃହମନ୍ତ୍ରଣାଳୟ ଦ୍ୱାରା ଜାରି କରାଯାଇଥିବା ବିଜ୍ଞପ୍ତିରେ ଆହୁରି ଏକ ବଡ଼ ସୂଚନା ପ୍ରଦାନ କରାଯାଇଛି । ଦିଆଯାଇଥିବା ସୂଚନା ଅନୁସାରେ ଅଗ୍ନିବୀର ପାଇଁ କରାଯାଇଥିବା ପରୀକ୍ଷାରେ ପାସ୍‌ କାରିଥିବା ୨୫ ପ୍ରତିଶତ ପ୍ରାର୍ଥୀଙ୍କୁ ସିଧାସଳଖ ସେନାରେ ସ୍ଥାୟୀ ଭାବେ ଚାକିରି ଦିଆଯିବ ।

ଅନ୍ୟ ୭୫% ଅଗ୍ନୀବିର ପାଇଁ ଇଚ୍ଛୁକଥିବା ପ୍ରାର୍ଥୀଙ୍କୁ ସେନାର ବିଭିନ୍ନ ବିଭାଗରେ ନିଯୁକ୍ତି ମିଳିବ । ଅର୍ଥାତ୍‌ ସେନା ୟୁନିଟ୍, ପୋଲିସ୍ ନିଯୁକ୍ତି, କେନ୍ଦ୍ରୀୟ ସଶସ୍ତ୍ର ବାହିନୀ ଭଳି ଚାକିରି ଦିଆଯିବ ବୋଲି କୁହାଯାଇଛି । ଖାଲି ସେତିକି ନୁହେଁ, ଏହା ଛଡ଼ା ସେନାରେ ସେମାନଙ୍କୁ ଅନ୍ୟାନ୍ୟ ସୁବିଧା ଦିଆଯିବ ବୋଲି କୁହାଯାଇଛି ।

ପ୍ରଥମ ବ୍ୟାଚ୍‌ରେ ସମସ୍ତ ବର୍ଗର ପ୍ରାର୍ଥୀମାନଙ୍କ ପାଇଁ ମଧ୍ୟ କେନ୍ଦ୍ର ସରକାରଙ୍କ ପକ୍ଷରୁ ବୟସ ସୀମାରେ କୋହଳ କରାଯାଇଛି । ପ୍ରାର୍ଥୀମାନଙ୍କ ପାଇଁ ୫ ବର୍ଷ ବୟସ ସୀମା କମାଇଦିଆଯାଇଛି ।