LIVE TV
ପ୍ରାୟତଃ ଛାତ୍ରମାନେ ଦ୍ୱାଦଶ ପରେ BA ରେ ସ୍ନାତକ ଡିଗ୍ରୀ କରନ୍ତି। ଏହା ଏକ ବହୁତ ଲୋକପ୍ରିୟ ପାଠ୍ୟକ୍ରମ। ଏହି ପାଠ୍ୟକ୍ରମ ପରେ, ଆପଣ କେବଳ ଉଚ୍ଚଶିକ୍ଷା ପାଇପାରିବେ ନାହିଁ, ସରକାରୀ ଚାକିରି ପାଇଁ ମଧ୍ୟ ଅନେକ ବିକଳ୍ପ ଅଛି। ଯଦି ଆପଣଙ୍କର BA କରିବାକୁ ଇଛା ଅଛି, ତେବେ ଏହି ପାଠ୍ୟକ୍ରମ ପରେ କ’ଣ କରିବେ ତାହା ଜାଣିବା ଦରକାର। ଆସନ୍ତୁ ଜାଣିବା।
MA:
ଏହି ପାଠ୍ୟକ୍ରମର ଫୁଲ୍ ଫର୍ମ ହେଉଛି ମାଷ୍ଟର ଅଫ୍ ଆର୍ଟ। ଏହାକୁ ଦୁଇ ବର୍ଷ ପାଇଁ କରାଯାଏ। ଏହି ପାଠ୍ୟକ୍ରମରେ, ଆପଣ ଆପଣଙ୍କର ମନୋନୀତ ବିଷୟ ଉପରେ ଗଭୀର ଅଧ୍ୟୟନ କରିବାର ସୁଯୋଗ ପାଇବେ। ଏହି ପାଠ୍ୟକ୍ରମ ସମାପ୍ତ କରିବା ପରେ, ନିଜ ବିଷୟ ସହିତ ଜଡିତ କ୍ଷେତ୍ରରେ କାମ କରିପାରିବ। ଅଧିକାଂଶ ଲୋକ M.A ପରେ ଶିକ୍ଷାଦାନ କ୍ଷେତ୍ରକୁ ଯିବାକୁ ପସନ୍ଦ କରନ୍ତି।
Also Read
ଅଧିକ ପଢ଼ନ୍ତୁ: କ୍ୟାରିୟର୍ ବାଛିବା ପୂର୍ବରୁ ଏହି ୫ଟି କଥା ଉପରେ ନଜର ପକାନ୍ତୁ
B.Ed:
ଅନେକ ଛାତ୍ର B.A ପରେ B.Ed ପାଠ୍ୟକ୍ରମ ଚୟନ କରନ୍ତି। ଏହା ମଧ୍ୟ ଦୁଇ ବର୍ଷର ପାଠ୍ୟକ୍ରମ ଯାହା ପାଇଁ ଆପଣଙ୍କୁ ପ୍ରବେଶିକା ପରୀକ୍ଷା ଦେବାକୁ ପଡିବ। ଏହି ପରୀକ୍ଷାରେ ଉତ୍ତୀର୍ଣ୍ଣ ହେବା ପରେ ହିଁ ଆପଣ B.Ed ରେ ଆଡ୍ମିଶନ ନେଇପାରିବେ। ଏହି ପାଠ୍ୟକ୍ରମ ସମାପ୍ତ କରିବା ପରେ, ଆପଣ ଜଣେ ଶିକ୍ଷକ ହୋଇପାରିବେ।
ସର୍ଟଟର୍ମ କୋର୍ସ:
ଅନେକ ଛାତ୍ର ଅଛନ୍ତି ଯେଉଁମାନେ ଦ୍ୱାଦଶ ପରେ ତୁରନ୍ତ ଚାକିରି ପାଇବାକୁ ଚାହାଁନ୍ତି, ତେଣୁ ସେମାନେ ସର୍ଟଟର୍ମ କୋର୍ସ କରିବାକୁ ପସନ୍ଦ କରନ୍ତି। ଧନ୍ଦାମୂଳକ ପାଠ୍ୟକ୍ରମ ୧ କିମ୍ବା ୨ବର୍ଷର ହୋଇଥାଏ, ଯାହା ପରେ ଆପଣ ଚାକିରି ପାଇପାରିବେ।
ପୋଷ୍ଟ୍ ଗ୍ରାଜୁଏଟ୍ (PG):
BA ପରେ, ଆପଣ MCA ଏବଂ MBA କରିପାରିବେ ଯେଉଁଥିରେ ଅନେକ ଚାକିରିର ବିକଳ୍ପ ଅଛି। MBA ରେ, ପରିଚାଳନା, ମାର୍କେଟିଂ, ବ୍ୟବସାୟ ଇତ୍ୟାଦି ଶିକ୍ଷା ଦିଆଯାଏ।
IAS:
BA କରିବା ପରେ, ଆପଣ IAS କ୍ଷେତ୍ର ପାଇଁ ପ୍ରସ୍ତୁତ ହୋଇପାରିବେ। ଏହା ଦେଶର ସବୁଠାରୁ କଠିନ ପରୀକ୍ଷା, ଯାହାକୁ ପାସ୍ କରିବା ଟିକେ କଷ୍ଟକର, କିନ୍ତୁ ଯଦି କଠିନ ପରିଶ୍ରମ ଏବଂ ମନୋବଳ ସହିତ ପ୍ରସ୍ତୁତ କରାଯାଏ ସବୁ ସହଜ ହୋଇଯାଏ।
ବ୍ୟାଙ୍କିଙ୍ଗ୍ ପାଠ୍ୟକ୍ରମ:
ବିଏ ପରେ, ଆପଣ ବ୍ୟାଙ୍କିଙ୍ଗ କ୍ଷେତ୍ରକୁ ଯିବାକୁ ପ୍ରତିଯୋଗୀତା ପରୀକ୍ଷାରେ ଉପସ୍ଥିତ ହୋଇପାରିବେ। ପ୍ରତିବର୍ଷ କେନ୍ଦ୍ର ଏବଂ ରାଜ୍ୟ ସରକାର ଏହି ପରୀକ୍ଷା ଆୟୋଜନ କରନ୍ତି। ବ୍ୟାଙ୍କିଙ୍ଗ୍ ମଧ୍ୟ ଆପଣଙ୍କ ପାଇଁ ଏକ ଉତ୍ତମ ବୃତ୍ତିର ବିକଳ୍ପ ହୋଇପାରେ।
LLB:
ଯେଉଁମାନେ ଓକିଲାତିରେ କ୍ୟାରିୟର କରିବାକୁ ଚାହୁଁଛନ୍ତି ସେମାନେ ବିଏ କରିବା ପରେ ଆଇନରେ ପାଠ୍ୟକ୍ରମ କରିପାରିବେ। ଏହି ପାଠ୍ୟକ୍ରମ ମଧ୍ୟ ଆପଣଙ୍କ ପାଇଁ ଏକ ଉତ୍ତମ ବିକଳ୍ପ ବୋଲି ପ୍ରମାଣିତ କରିପାରେ।
