Guinness World Record: ୫ ଲକ୍ଷ ପ୍ଲାଷ୍ଟିକ୍ ବୋତଲର ପୁନଃ ବ୍ୟବହାର କରି ତିଆରି ହେଲା ସବୁଠୁ ବଡ ଟି-ସାର୍ଟ

ଯେଉଁ ଜିନିଷ ତିଆରି କରିବା ବା ଚିନ୍ତା କରିବା ବି କଷ୍ଟକର ମନେହୁଏ, କିମ୍ବା ଯାହାକୁ ଆମ କଳ୍ପନା ବାହାରେ ବୋଲି କହିଥାଉ ତାହା ଏକ ରେକର୍ଡ ସୃଷ୍ଟି କରେ। ଆଜି ଆମେ ଆପଣଙ୍କୁ ଏପରି ଏକ ଟି-ସାର୍ଟ ବିଷୟରେ କହିବୁ ଯାହା ଆପଣଙ୍କୁ ଆଶ୍ଚର୍ଯ୍ୟ କରିବ। ଏହାକୁ ଯେମିତି ପ୍ରସ୍ତୁତ କରାଯାଇଛି ତାହା ଆପାଣଙ୍କ କଳ୍ପନା ବାହାରେ। ବୋଧହୁଏ ଏହି କାରଣ ଯୋଗୁଁ ଏହା ଗିନିଜ ବୁକ୍ ଅଫ୍ ୱାର୍ଲ୍ଡ ରେକର୍ଡରେ ପଞ୍ଜିକୃତ ହୋଇଛି।

ରୋମାନିଆରେ ୫ ଲକ୍ଷ ପ୍ଲାଷ୍ଟିକ୍ ବୋତଲର ପୁନଃ ବ୍ୟବହାର କରି ଏକ ଟି-ସାର୍ଟ ପ୍ରସ୍ତୁତ କରାଯାଇଛି, ଯାହା ଦୁନିଆର ସବୁଠୁ ବଡ ଟି-ସାର୍ଟ ଭାବେ ଗିନିଜ ୱାର୍ଲ୍ଡ ରେକର୍ଡ ସୃଷ୍ଟି କରିଛି। ପୁନଃ ବ୍ୟବହାରକୁ ପ୍ରୋତ୍ସାହିତ କରିବା ପାଇଁ, ଏହି ମାଷ୍ଟରପିସ୍ Asociatia 11 even, Kaufland Romania ଏବଂ Federatio Romana ଦ୍ୱାରା ପ୍ରସ୍ତୁତ କରାଯାଇଛି।

ଅଧିକ ପଢ଼ନ୍ତୁ: ୬ ଘଣ୍ଟା ଧରି ଗୋଟିଏ ଆଙ୍ଗୁଠିରେ ଛତା ବାଲାନ୍ସ କରି Guinness World Record କଲେ ଯୁବକ

ଗିନିଜ ୱାର୍ଲ୍ଡ ରେକର୍ଡର ବିବୃତ୍ତି ଅନୁଯାୟୀ, ରୋମାନିଆର ବୁଖାରେଷ୍ଟରେ ଯେତେବେଳେ ମାର୍ଚ୍ଚ ୨୭ରେ ଏହି ଟି-ସାର୍ଟକୁ ଖୋଲି ଦିଆଗଲା, ଏହାର ଲମ୍ବ ୧୦୮.୯୬ ମିଟର ଏବଂ ମୋଟେଇ ୭୩.୪୮ ମିଟର ଥିଲା। ୫ ଲକ୍ଷ ପ୍ଲାଷ୍ଟିକ୍ ବୋତଲକୁ ପୁନଃ ବ୍ୟବହାର କରି ଏହୁ ଟି-ସାର୍ଟର କପଡା ପ୍ରସ୍ତୁତ କରାଯାଇଛି।

ଏହି ସବୁ ପ୍ଲାଷ୍ଟିକ୍ ବୋତଲ ସଂଗ୍ରହ କରିବାକୁ ତିନି ସପ୍ତାହ ସମୟ ଲାଗିଥିବାବେଳେ ଟି-ସାର୍ଟ ସିଲେଇ କରିବାକୁ ଏକ ମାସ ସମୟ ଲାଗିଥିଲା। ଟି-ସାର୍ଟର ଡିଜାଇନ୍ ରୋମାନିଆର ପତାକାରୁ ଆସିଥିବା ବେଳେ ଏଥିରେ ବ୍ୟବହୃତ ଟ୍ରାଇ କଲର୍ ବେଲ୍ଟ ରୋମାନିଆର ରଗ୍‌ବୀ ଟିମ୍‌ର ଅଫିସିଆଲ୍ ଜର୍ସିରୁ ନିଆଯାଇଛି।

The largest t-shirt is 108.96 m (357.48 feet) long and 73.48 m (241.08 feet) wide, achieved by Asociatia 11even, Kaufland Romania and Federatia Romana.

After the record attempt, the t-shirt was broken down into 10,000 individual items of clothing for underprivileged children. pic.twitter.com/lFVS9hIbPw

— Guinness World Records (@GWR) May 24, 2023

ଏହି ବିଶାଳ ଟି-ସାର୍ଟ ରୋମାନିଆର ଆର୍କୁଲ୍ ଡି ଟ୍ରାଇମ୍ଫ୍ ନ୍ୟାସ୍‌ନାଲ ରଗ୍‌ବୀ ଷ୍ଟାଡିୟମରେ ଜନସାଧାରଣଙ୍କ ପାଇଁ ପ୍ରଦର୍ଶିତ କରାଯାଇଛି। ଟି-ସାର୍ଟକୁ ସଂପୂର୍ଣ୍ଣ ଭାବେ ବିସ୍ତାର କରିବା ପାଇଁ ୧୨୦ ଜଣ ସ୍ୱେଚ୍ଛାସେବୀଙ୍କର ଆବଶ୍ୟକତା ଥିଲା। ରୋମାନିଆର ରଗ୍‌ବୀ ଟିମ୍ ମଧ୍ୟ ଏଥିରେ ସାହାଯ୍ୟ କରିଛନ୍ତି।

ଏହି ବିଶାଳ ଟି-ସାର୍ଟରୁ ସାଧାରଣତଃ ବ୍ୟବହୃତ ହେଉଥିବା ଦଶ ହଜାର ଟି-ସାର୍ଟ ପ୍ରସ୍ତୁତ କରାଯାଇଛି। ସେସବୁକୁ ଗରିବ ପିଲାମାନଙ୍କ ମଧ୍ୟରେ ବଣ୍ଟନ କରାଯିବ।