ୟୁକ୍ରେନ୍‌ରେ ବର୍ଷୁଛି ଭାକ୍ୟୁମ୍ ଓ କ୍ଲଷ୍ଟର୍ ବୋମା: କ’ଣ ଏହି ବୋମା

ୟୁକ୍ରେନ୍‌ ଅଭିଯୋଗ କରିଛି ଯେ, ଋଷ୍‌ ଭାକ୍ୟୁମ୍ ବୋମା ସହ ଆକ୍ରମଣ କରୁଛି। ବିଶ୍ୱାସ କରାଯାଏ ଯେ, ଏହି ବୋମାଗୁଡ଼ିକ ପରମାଣୁ ବୋମାଠାରୁ ବି ଅଧିକ ବିପଦପୂର୍ଣ୍ଣ। ଏହାକୁ ସବୁ ବୋମାର ବାପା କୁହାଯାଏ।

ଏହି ବୋମାଗୁଡିକ TOS-01 ଟ୍ୟାଙ୍କ୍‌ରେ ରକେଟ୍ ଲଞ୍ଚର୍ ମାଧ୍ୟମରେ ଚଳାଯାଇପାରେ। TOS ର ପରିସର ପ୍ରାୟ ୪ ମାଇଲ୍। ଟ୍ୟାଙ୍କରେ ଲାଗିଥିବା ରକେଟ୍ ଲଞ୍ଚର୍ ଠାରୁ ବୋମା ଫିଙ୍ଗାଯାଏ। ଏହା ନିଆଁ ଛାଡି ବାହାରକୁ ଆସେ।

ଏହା ଅନେକ ପ୍ରକ୍ରିୟାରେ କାମ କରେ। ଯେତେବେଳେ ଏହା ଭୂମିଠାରୁ ୧୦୦ଫୁଟ ଉଚ୍ଚରେ ଥାଏ ଏହା ପ୍ରଥମ ଚାର୍ଜରେ ଏରୋସୋଲର ଅତ୍ୟଧିକ ଜ୍ୱଳନ୍ତ ବେଲୁନ୍ ଉତ୍ପାଦନ କରେ। ଏହାକୁ ଆର୍ସେନିକ୍ କ୍ଲାଉଡ୍ ମଧ୍ୟ କୁହାଯାଏ। ଏରୋସୋଲ୍ ନିଜ ସହିତ ମେଟାଲ୍, ଜ୍ୱଳନ୍ତ ଧୂଳି ଏବଂ ରାସାୟନିକ ପଦାର୍ଥର ଅସଂଖ୍ୟ ବୁନ୍ଦା ଛାଡିଥାଏ।

ଏହା ପରେ ଦ୍ୱିତୀୟ ଚାର୍ଜରେ, ଏହା ଆର୍ସେନିକ୍ କ୍ଲାଉଡର ତୀବ୍ରତାକୁ ବଢାଇଥାଏ ଏବଂ ଏକ ଶକ୍ତିଶାଳୀ ବିସ୍ଫୋରଣ ସହିତ ବଡ଼ ଆକାରର ସକ୍‌ୱେବ୍ସ ଦୀର୍ଘ ସମୟ ଧରି ଚାଲିଥାଏ। ଏହା ବଙ୍କର୍ ଭିତରକୁ ପ୍ରବେଶ କରେ, ଯାହା ବହୂ ଦୂରରୁ ଲୋକମାନଙ୍କର ଶରୀରକୁ କ୍ଷତି କରେ। ଏହା ଶରୀରର ପ୍ରାୟ ପ୍ରତ୍ୟେକ ପ୍ରଣାଳୀ ଏବଂ ଅଙ୍ଗକୁ ଖରାପ କରିଦେଇଥାଏ।

ଯେତେବେଳେ ବିସ୍ଫୋରଣ ହୁଏ କ୍ଲାଉଡ୍ ବାୟୁର ଅମ୍ଳଜାନ ମଧ୍ୟ ବ୍ୟବହାର କରେ। ସେହି ଅଞ୍ଚଳର ବାୟୁ ସଙ୍କୁଚିତ ହେବା ଆରମ୍ଭ କରେ ଏବଂ ଏକ ଶୂନ୍ୟସ୍ଥାନ ସୃଷ୍ଟି ହୁଏ। ବିସ୍ଫୋରଣ ଦ୍ୱାରା ଉତ୍ପନ୍ନ ତରଙ୍ଗ ଅଧିକ ସମୟ ଏବଂ ଅଧିକ ଦୂର ପର୍ଯ୍ୟନ୍ତ ରହିଥାଏ। ସାଧାରଣ ବିସ୍ଫୋରଣରୁ ଏହା ବହୁତ ଭିନ୍ନ ଏବଂ ଅତ୍ୟନ୍ତ ବିପଜ୍ଜନକ।

ଏହି ବୋମା ୧୯୬୦ ମସିହାରେ ଆମେରିକା ଏବଂ ସୋଭିଏତ ସଂଘ ଦ୍ୱାରା ବିକଶିତ ହୋଇଥିଲା କିନ୍ତୁ ଜେନେଭା ସମ୍ମିଳନୀରେ ଏହାର ବ୍ୟବହାର ନିଷେଧ କରାଯାଇଛି । କିନ୍ତୁ ୨୦୦୭ରେ ତାଲିବାନ ବିରୁଦ୍ଧରେ ଆମେରିକା ଏହାକୁ ବ୍ୟବହାର କରିଥିଲା। ଏହି କାରଣରୁ, ସେଠାରେ ୩୦୦ ମିଟର ପର୍ଯ୍ୟନ୍ତ ଏକ ଖାଲ ହୋଇ ଯାଇଥିଲା।

ଭାକ୍ୟୁମ୍ ବୋମା ଏତେ ବିପଜ୍ଜନକ ଯେ ଏହା ଅତ୍ୟଧିକ ତାପମାତ୍ରା ସୃଷ୍ଟି କରିବା ସହିତ ବିପର୍ଯ୍ୟୟ ଘଟାଇଥାଏ ଏବଂ ଯଦି କୌଣସି ମଣିଷ ଏହାର ପ୍ରଭାବରେ ଆସେ, ତେବେ ସେ ବାଷ୍ପ ପରି ଅଦୃଶ୍ୟ ହୋଇଯାଏ। ଏହାକୁ ବ୍ୟବହାର କରିବା ଯୁଦ୍ଧ ଅପରାଧ ଶ୍ରେଣୀ ଅଧୀନରେ ଅଛି। ଏହି ଅସ୍ତ୍ରଗୁଡ଼ିକୁ ଥର୍ମୋବାରିକ୍ ଅସ୍ତ୍ର ମଧ୍ୟ କୁହାଯାଏ।

ଆଫଗାନିସ୍ତାନରେ ବିନ୍ ଲାଦେନ ଉପରେ ଆକ୍ରମଣ କରୁଥିବାବେଳେ ଆମେରିକା ଏଭଳି ବୋମା ବ୍ୟବହାର କରିଥିଲା। ବାସ୍ତବରେ ଏକ କ୍ଲଷ୍ଟର ବୋମା ହେଉଛି ଅନେକ ବୋମାର ଏକ ଗୁଚ୍ଛ। ଏହା ବିସ୍ଫୋରଣ ହେବା ମାତ୍ରେ ସମସ୍ତ ବୋମା ସେଥିରୁ ବାହାରି ବହୁ ଦୂରକୁ ମାଡିଯାଏ ଏବଂ ହତ୍ୟା କରିଥାଏ।