ମଞ୍ଚ ଉପରେ ଫ୍ରିଜ୍‌ ହୋଇଗଲେ ବାଇଡେନ୍‌, ଓବାମା ଡାକିବାରୁ ଚମକି ପଡ଼ିଲେ...

ଆମେରିକାର ରାଷ୍ଟ୍ରପତି ଜୋ ବିଡେନଙ୍କ ଏମିତି କିଛି କାର୍ଯ୍ୟକଳାପ ସମ୍ନାକୁ ଆସିଛି, ଯାହାକୁ ଦେଖିଲେ ତାଙ୍କ ସୁସ୍ଥତା ପ୍ରତି ପ୍ରଶ୍ନ ଉଠିବା ସହ ସନ୍ଦେହ ଉପୁଜିଛି । ଏହା ବ୍ୟତୀତ ପ୍ରଶ୍ନ ଉଠୁଛି ଯେ ସେ ପୁନର୍ବାର ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରିବେ କି ? ଆମେରିକାର ରାଷ୍ଟ୍ରପତି ପୁଣି ଥରେ ମଞ୍ଚ ଉପରେ ଫ୍ରିଜ୍ ହୋଇଯାଇଥିଲେ । ପୂର୍ବତନ ରାଷ୍ଟ୍ରପତି ବାରାକ ଓବାମା ତାଙ୍କୁ ସମ୍ଭାଳିଥିଲେ ଆଉ ମଞ୍ଚରୁ ତଳକୁ ଓହ୍ଲାଇଥିଲେ । ଓବାମା ତାଙ୍କୁ ନିୟନ୍ତ୍ରଣ କରୁଥିବା ଭିଡିଓ ଏବେ ଖୁବ୍‌ ଭାଇରାଲ ହେବାରେ ଲାଗିଛି । ଏହି କାରଣରୁ, ବାଇଡେନ୍‌ଙ୍କ ସ୍ୱାସ୍ଥ୍ୟାବସ୍ଥାକୁ ନେଇ ପୁଣି ପ୍ରଶ୍ନ ଉଠିଛି । ପୂର୍ବରୁ ମଧ୍ୟ ବାଇଡେନ୍‌ଙ୍କ ଏଭଳି ଭିଡିଓ ସାମ୍ନାକୁ ଆସିଥିଲା । ସେହି ଭିଡିଓଗୁଡ଼ିକୁ ଦେଖିଲେ ଲାଗୁଛି ବାଇଡେନ୍‌ ଅନେକ କଥା ଭୁଲିଯାଉଛନ୍ତି ।

ପଢନ୍ତୁ ଏହି ଖବର: ମୋଦି-ମେଲୋନୀଙ୍କ ଫଟୋ ପୋଷ୍ଟ ପରେ ଟ୍ରେଣ୍ଡ କରୁଛି ମେଲୋଡ଼ି, ୟୁଜର ଦେଉଛନ୍ତି ମଜାଦାର କମେଣ୍ଟ...

ଶନିବାର ଡେମୋକ୍ରାଟିକ୍ ପାର୍ଟି ପାଇଁ ଏକ ପାଣ୍ଠି ସଂଗ୍ରହ କାର୍ଯ୍ୟକ୍ରମରେ ଓବାମାଙ୍କ ସହ ଥିଲେ ବାଇଡେନ୍‌ । ଶୋ’ ଶେଷରେ, ଲସ୍ ଏ ଆଞ୍ଜଲେସର ପିକକ୍‌ ଥିଏଟରରେ ଲୋକମାନେ ଛିଡ଼ା ହୋଇ ତାଳିମାରିଥିଲେ । ସେତେବେଳେ ବାଇଡେନ ଏକ ମୂର୍ତ୍ତି ଭଳି ଗୋଟିଏ ସ୍ଥାନରେ ଛିଡ଼ା ହୋଇ ରହିଲେ । କିଛି ସମୟ ପାଇଁ ହଲ୍‌ଚଲ ବି ହେଲେ ନାହିଁ । କେବଳ ଲୋକଙ୍କୁ ହିଁ ଚାହିଁ ରହିଥିଲେ । ଏହି ସମୟରେ ପୂର୍ବତନ ରାଷ୍ଟ୍ରପତି ଓବାମା ହସିବା ସହ ହାତ ହଲାଉଥିଲେ । ପରେ, ସେ ଧୀରେ ଧୀରେ ବାଇଡେନଙ୍କ ହାତ ଧରି ଧୀରେ ଧୀରେ ତାଙ୍କୁ ସାଙ୍ଗରେ ନେଇଥିଲେ । ଯେତେବେଳେ ଓବାମା ତାଙ୍କ ହାତ ଧରିଥିଲେ, ଲାଗିଲା ବାଇଡେନଙ୍କ ନିଦ ଅଚାନକ ଭାଙ୍ଗିଗଲା ।

Biden froze again last night and had to get escorted out by Obama. Is this normal? pic.twitter.com/EJzDag2OQR

— End Wokeness (@EndWokeness) June 16, 2024

ପରଦା ପଛକୁ ଯିବା ପୂର୍ବରୁ ଓବାମାଙ୍କୁ ବାଇଡେନଙ୍କ ପିଠି ଥାପୁଡ଼ାଇବା ଓ ତାଙ୍କ କାନରେ କିଛି ଫୁସ୍‌ଫୁସ୍ କରି କହୁଥିବା ଭିଡିଓରେ ଦେଖାଯାଇଛି। ଏହା ହେଉଛି ସଦ୍ୟତମ ଘଟଣା ଯାହାକି ତାଙ୍କ ସ୍ୱାସ୍ଥ୍ୟ ସହ ଜଡିତ ଗୁଜବକୁ ପୁଣି ଚର୍ଚ୍ଚାର ଖୋରାକ ଯୋଗାଇଛି । ଜି -7 ଶିଖର ସମ୍ମିଳନୀର କିଛି ଦିନ ପରେ ଏହି ଘଟଣା ଦେଖିବାକୁ ମିଳିଛି, ଯେଉଁଠାରେ ବାଇଡେନ ଅନ୍ୟ ନେତାଙ୍କଠାରୁ ଦୂରେଇ ଯିବା ଆରମ୍ଭ କରିଥିଲେ। ଏହି ସମୟ ମଧ୍ୟରେ ଇଟାଲୀର ପ୍ରଧାନମନ୍ତ୍ରୀ ଜର୍ଜିଆ ମେଲୋବୀ ବାଇଡେନଙ୍କୁ ତାଙ୍କ ସ୍ଥାନକୁ ଫେରାଇ ଆଣିଥିଲେ । ଆଉ ଅନ୍ୟ ନେତାମାନେ ତାଙ୍କୁ ଘେରି ରହିଥିଲେ ।

ସଭାରେ ଶୋଇପଡ଼ନ୍ତି ବାଇଡେନ

ଗତ ସପ୍ତାହରେ ହ୍ୱାଇଟ ହାଉସରେ ଏକ ଇଭେଣ୍ଟ ସମୟରେ ବାଇଡେନ କିଛି ସମୟ ପାଇଁ ସ୍ଥିର ହୋଇଯାଇଥିଲେ । ଭିଡିଓ ଫୁଟେଜରେ ଦେଖାଯାଇଛି ଯେ ବାଇଡେନ ସ୍ଥିର ଅଛନ୍ତି । କିନ୍ତୁ ସେଠାରେ ଉପରାଷ୍ଟ୍ରପତି କମଲା ହାରିସ୍ ଏବଂ ଅନ୍ୟମାନେ ନାଚୁଥିଲେ । ଭିଡିଓ ଦେଖିବା ପରେ ଲାଗୁଛି ଯେ ବାଇଡେନଙ୍କ ଧ୍ୟାନ ଅନ୍ୟ କେଉଁଠାରେ ଅଛି । ଏହା ବ୍ୟତୀତ ଏମିତି ଅନେକ ମାମଲା ସାମ୍ନାକୁ ଆସିଛି, ଯେଉଁଠି ସେ ସଭାସ୍ଥଳରେ କିମ୍ବା କୌଣସି କାର୍ଯ୍ୟକ୍ରମ ସମୟରେ ଶୋଇପଡିଥିବା ଦେଖାଯାଇଛି ।