LIVE TV
ସନ୍ତାନ ପାଇଁ ସେ ପଥର, ସେ ଚଟାଣ... ସେ ଶକ୍ତି, ସେ ସାହସ...ସେ ପିତା । ନିଜ ପିଲାଙ୍କୁ ଭଲରେ ରଖିବା ପାଇଁ, ଶାନ୍ତି ଦେବା ପାଇଁ ଯେ ନିଜକୁ ତିଳ ତିଳ କରି ଜାଳିଦିଏ... ସେ ବାପା । ସନ୍ତାନର ସୁଖ ତା’ପାଇଁ ସର୍ବପ୍ରଥମ ହୋଇଥାଏ । ପୁଅ, ଭାଇ, ସ୍ୱାମୀର ପରିଚୟରୁ ଉପରକୁ ଉଠି ସେ ପିତାର ସମ୍ମାନ ଲାଭ କରେ । ନିଜ ଜୀବନର ଚରମ ସୁଖ ସେ ସନ୍ତାନ ଜନ୍ମ ପରେ ପ୍ରାପ୍ତ କରେ । କିନ୍ତୁ ସେହି ପିତା ଯେତେବେଳେ ନିଜ ସନ୍ତାନ ପାଇଁ କାଳ ପାଲଟେ, ସେତେବେଳେ ସ୍ୱଂୟ ଭଗବାନ ମଧ୍ୟ କ୍ଷମା କରନ୍ତି ନାହିଁ ।
ଛୋଟିଆ ପିଲାଟିଏ, ବୟସ ମାତ୍ର ଛଅ ବର୍ଷ । ଟିକେ ଅଧିକ ମୋଟା ଥିଲା ବୋଲି ବାପାର ନଜର ପଡ଼ିଥିଲା । ପୁଅକୁ ପତଳା କରାଇବା ପାଇଁ ଟ୍ରେଡମିଲ୍ ରେ ଦୌଡ଼ାଇଥିଲା । କିନ୍ତୁ ସେ କଷ୍ଟ... ସେ ଯନ୍ତ୍ରଣା ସହିପାରିଲାନି ପୁଅ । ଶେଷରେ ଆଖି ବୁଜିଦେଲା । ସ୍ତବ୍ଦ କଲା ଭଳି ଏପରି ଏକ ଘଟଣା ବର୍ତ୍ତମାନ ହଇଚଇ ସୃଷ୍ଟି କରିଛି ।
ନ୍ୟୁଜର୍ସି ସହରରେ ନିଜ ପୁଅ କୋରୀ ମାଇକିଓଲୋ(୬)କୁ ହତ୍ୟା କରିବା ଅଭିଯୋଗରେ ପିତା ଖ୍ରୀଷ୍ଟୋଫର୍ ଗ୍ରେଗର୍(୩୧) କୋର୍ଟରେ ହାଜର ହୋଇଥିଲେ । ତେବେ କୋର୍ଟରେ ଉପସ୍ଥାପିତ ହୋଇଥିବା ପ୍ରମାଣ ସମସ୍ତଙ୍କୁ ନିସ୍ତବ୍ଦ କରିଦେଇଥିଲା । ଉକ୍ତ ଭିଡ଼ିଓ ପ୍ରମାଣରେ ଦେଖିବାକୁ ମିଳିଛି ଯେ, ପିଲାଟି ଟ୍ରେଡମିଲରେ ଦୌଡ଼ୁଛି । ବାର୍ ବାର୍ ଘୋଷାଡ଼ି ହୋଇପଡ଼ୁଛି । ପୁଣି ଉଠୁଛି ପୁଣି ପଡ଼ୁଛି ।
Also Read
NEW: Mother breaks down in court as she watches her son’s father abuse her child by making him run on the treadmill because he was “too fat.”
— Collin Rugg (@CollinRugg) May 1, 2024
New Jersey father Christopher Gregor is accused of killing his 6-year-old son Corey Micciolo.
New footage shows the boy repeatedly face… pic.twitter.com/aVKknkOGd5
ଟ୍ରେଡମିଲ୍ ର ବେଗ ଏତେ ଅଧିକ ରହିଛି ଯେ, ପିଲାଟି ଦୌଡ଼ିବାକୁ ଅସମର୍ଥ ରହୁଛି । ତଥାପି ତା’ର ବାପା ତାକୁ ବାର୍ ବାର୍ ଦୌଡ଼ାଉଛି । ଗତ ୨୦୨୧ ମାର୍ଚ୍ଚ ୨୦ର ଏହି ଭିଡିଓ । ବର୍ତ୍ତମାନ ପର୍ଯ୍ୟନ୍ତ କୋର୍ଟରେ ଏହି କେସ୍ ଚାଲିଥିବା ବେଳେ ଖ୍ରୀଷ୍ଟଫର୍ ଦୋଷୀ ସାବ୍ୟସ୍ତ ହୋଇନାହାନ୍ତି । ତେବେ ଦୋଷୀ ପ୍ରମାଣିତ ହେଲେ ସେ ଆଜୀବନ କାରାଦଣ୍ଡରେ ଦଣ୍ଡିତ ହେବେ ବୋଲି ଜଣା ପଡ଼ିଛି । କୋର୍ଟରେ ଏହି ଭିଡିଓ ଫୁଟେଜ୍ କୁ ଦେଖିବା ପରେ କୋରୀଙ୍କ ମାଆ କୋହ ସମ୍ଭାଳି ନପାରି କାନ୍ଦି ପକାଇଥିଲେ ।
ସୂଚନା ଅନୁଯାୟୀ, ପୁଅର ଆଘାତ ବିଷୟରେ ତାର ମୃତ୍ୟୁର କିଛି ଦିନ ପୂର୍ବରୁ ହିଁ ମାଆ ଆମେରିକାର ଚାଇଲ୍ଡ ପ୍ରୋଟେକ୍ଟିଭ୍ ସର୍ଭିସ୍ ରେ ଜଣାଇଥିଲେ । ପୁଅର ଚିକିତ୍ସା ଚାଲିଥିବା ବେଳେ ମାଆ ଏହି ଘଟଣା ବିଷୟରେ ଡାକ୍ତରଙ୍କୁ ଜଣାଇଥିଲେ । ସେ କହିଥିଲେ, ପୁଅର ଓଜନ ଅଧିକ ଥିବାରୁ ତାଙ୍କ ସ୍ୱାମୀ ଟ୍ରେଡମିଲ୍ ରେ ଦୌଡ଼ାଉଛନ୍ତି । ପୁଅର ଓଜନକୁ ନେଇ ଖ୍ରୀଷ୍ଟୋଫର୍ ସବୁବେଳେ ଚିନ୍ତାରେ ରହୁଥିଲେ ।
ଏପ୍ରିଲରେ ୧ ରେ ଏହି ଘଟଣା ଘଟିଥିବା ବେଳେ ପର ଦିନ ହିଁ କୋରୀ ଅସୁସ୍ଥ ହୋଇପଡ଼ିଥିଲେ । ପରେ ତାଙ୍କର ମୃତ୍ୟୁ ହୋଇଯାଇଥିଲା । ତେବେ ବ୍ୟବଚ୍ଛେଦ ରିପୋର୍ଟରୁ ଜଣାପଡିଥିଲା ଯେ, ହୃତପିଣ୍ତ ସହ ଯକୃତରେ ଭୀଷଣ ଆଘାତ ପାଇଁ ତାଙ୍କର ମୃତ୍ୟୁ ହୋଇଯାଇଥିଲା ।
ପରେ ଜୁଲାଇ ୨୦୨୧ ସିସିଟିଭି ଫୁଟେଜ୍ ଦେଖିବା ପରେ ଖ୍ରୀଷ୍ଟୋଫର୍ ଙ୍କୁ ଗିରଫ କରାଯାଇଥିଲା । ଫୁଟେଜରେ ଦେଖିବାକୁ ମିଳିଥିଲା କି କୋରୀ, ଅଧିକ ବେଗରେ ଟ୍ରେଡମିଲ୍ ଉପରେ ଦୌଡ଼ୁଥିଲେ, ବାରମ୍ବାର ତଳେ ପଡ଼ୁଥିଲେ, ଘୋଷାଡ଼ି ହେବା ସହ ମୁଣ୍ତ ମଧ୍ୟ ବାରମ୍ବାର ପିଟି ହୋଇଯାଉଥିଲା ।
ଏହା ପରେ ଫୋରେନସିକ୍ ପାଥୋଲୋଜିଷ୍ଟ କୋରିଙ୍କ ମୃତ୍ୟୁକୁ ଏକ ହତ୍ୟାକାଣ୍ଡ ବୋଲି ସ୍ଥିର କରିଥିଲେ । କାରଣ ଦୀର୍ଘ ସମୟ ଧରି ତାଙ୍କ ଛାତି ଓ ପେଟରେ ଗଭୀର ଆଘାତ ଲାଗିବା ସହ ଫୁସଫୁସ ସଂକ୍ରମଣ, ଯକୃତ କ୍ଷତରେ ସେ ପୀଡିତ ହୋଇଥିଲେ । ପୁଅର ମୃତ୍ୟୁ ପାଇଁ ଅଭିଯୁକ୍ତକୁ ମାର୍ଚ୍ଚ ୯, ୨୦୨୨ ରେ ଗିରଫ କରାଯାଇଥିଲା ।
