କର୍ମଚାରୀଙ୍କ ପାଇଁ ଖୁସି ଖବର: ଏଣିକି ସପ୍ତାହରେ ୪ ଦିନ କାମ

କର୍ମଚାରୀଙ୍କ ପାଇଁ ଖୁସି ଖବର। ବ୍ରିଟେନ୍‌ରେ ସାପ୍ତାହିକ କାର୍ଯ୍ୟ ଦିବସ ୪ ଦିନ ହେବ। ରାଣୀ ଏଲିଜାବେଥ୍‌ଙ୍କ ଶାସନର ପ୍ଲାଟିନମ ଜୁବୁଲି ପାଳନ ଅବସରରେ ଗତ ସୋମବାରଠାରୁ ପରୀକ୍ଷାମୂଳକ ଭାବେ ପ୍ରାୟ ୭୦ଟି ସଂସ୍ଥାର ୩ ହଜାର ୩ଶହ କର୍ମଚାରୀଙ୍କୁ ନେଇ ଏହା କାର୍ଯ୍ୟକାରୀ ହୋଇଛି।

ଆସନ୍ତା ୬ ମାସ ଯାଏ ଏହା ଜାରି ରହିବ। ତେବେ ଅନୁପସ୍ଥିତି ପାଇଁ କର୍ମଚାରୀଙ୍କ ଦରମା ମଧ୍ୟ କଟାଯିବ ନାହିଁ। କର୍ମଚାରୀଙ୍କ ଉପକାରିତା ଓ ଉତ୍ପାଦନ କ୍ଷମତା ନେଇ ଏହି ସମୟରେ ତଥ୍ୟ ରଖାଯିବ।

ପୂର୍ବରୁ ନ୍ୟୁଜିଲାଣ୍ଡ, ସ୍କଟଲାଣ୍ଡ, ଆମେରିକା ଓ କାନାଡ଼ାରେ ଏହା ଆରମ୍ଭ ହୋଇଛି। ୧୯୫୬ରେ ଆମେରିକା ଉପରାଷ୍ଟ୍ରପତି ରିଚାର୍ଡ ନିକ୍ସନ ପ୍ରଥମେ ଏଭଳି ଯୋଜନା ସପକ୍ଷରେ ମତ ଦେଇଥିଲେ।