ବିଶ୍ୱରେ ମିଳୁଥିବା ବିଭିନ୍ନ ପ୍ରକାର ସ୍ୱାଦିଷ୍ଟ ଓ ସ୍ୱାସ୍ଥ୍ୟକର ଫଳ ମଧ୍ୟରୁ କଦଳୀ ଅନ୍ୟତମ । ପ୍ରତିଦିନ କଦଳୀ ଖାଇଲେ ଶରୀରକୁ ଅନେକ ଫାଇଦା ମିଳେ । ଏହା ଏପରି ଏକ ଫଳ ଯାହା ବର୍ଷାସାରା ଯେକୌଣସି ଋତୁ ମିଳିଥାଏ । କେତେକ ଦେଶରେ କଦଳୀ ପ୍ରଚୁର ପରିମାଣରେ ଉତ୍ପାଦନ ହୁଏ ଏବଂ ବିଶ୍ୱ ବଜାରକୁ ରପ୍ତାନୀ କରାଯାଏ । ଆଜି ଏହି ଖବରରେ ଜାଣିବା, ୨୦୨୫ରେ ବିଶ୍ୱର ୫ଟି ସର୍ବାଧିକ କଦଳୀ ରପ୍ତାନୀକାରୀ ଦେଶ ସମ୍ପର୍କରେ...
ବିଶ୍ୱରେ ପ୍ରତିବର୍ଷ ପ୍ରାୟ ୧୭୯ ମିଲିୟନ ଟନ କଦଳୀ ଉତ୍ପାଦନ କରାଯାଏ । ଅନେକ ଦେଶରେ କଦଳୀ ଏକ ମୁଖ୍ୟ ଫସଲ ଅଟେ, ଯାହା ଚାଷୀମାନଙ୍କ ଜୀବିକା ନିର୍ବାହରେ ସାହାଯ୍ୟ କରେ । ତେବେ ଜଳବାୟୁ ପରିବର୍ତ୍ତନର ପ୍ରଭାବ ଏବଂ ଅନେକଗୁଡିକ ରୋଗ ଯୋଗୁଁ କଦଳୀ ଚାଷ ପ୍ରଭାବିତ ହେଉଛି ।
Also Read
ଅଧିକ ପଢ଼ନ୍ତୁ: ହାଇୱେରେ ଧାଉଁଥାଏ ଓଟ, ପିଠିରେ ଶୋଇଥାଏ ମାତାଲ୍; ଘଟିଗଲା କିଛି ଏମିତି...
କଦଳୀ ବିଶ୍ୱର ଏକ ଲୋକପ୍ରିୟ ଫଳ ଅଟେ । ଏହାର ସ୍ୱାଦ ମିଠା, ଦେହ ପାଇଁ ଭଲ ଏବଂ ଖାଇବା ମଧ୍ୟ ସହଜ । ଅନେକ ଦେଶରେ କଦଳୀ ଉତ୍ପାଦନ ହେଉଥିଲେ ହେଁ ମାତ୍ର ହାତ ଗଣତି କିଛି ଦେଶ ଅନ୍ୟ ଦେଶକୁ କଦଳୀ ରପ୍ତାନୀ କରିଥାନ୍ତି । ୨୦୨୫ରେ ସର୍ବାଧିକ କଦଳୀ ରପ୍ତାନୀକାରୀ ଦେଶଗୁଡିକ ହେଲେ:-
- ଇକ୍ୱେଡର
- ଫିଲିପାଇନ୍ସ
- କୋଷ୍ଟାରିକା
- କଲମ୍ବିଆ
- ଗୁଆଟେମାଲା
ଇକ୍ୱେଡର: ଏହି ଦେଶ ବିଶ୍ୱର ସର୍ବାଧିକ କଦଳୀ ରପ୍ତାନୀକାରୀ ଦେଶ ଅଟେ । ପ୍ରତିବର୍ଷ ଏକ୍ୱାଡୋର ୬.୫ ମିଲିୟନ ମେଟ୍ରିକ ଟନ କଦଳୀ ରପ୍ତାନୀ କରେ । ଏହାର ଜଳବାୟୁ କଦଳୀ ଚାଷ ପାଇଁ ଭାରି ଅନୁକୂଳ । ତେଣୁ ଦେଶର ଅଧିକାଂଶ ଚାଷୀଙ୍କ ଜୀବିକା କଦଳୀ ଚାଷ ଉପରେ ନିର୍ଭରଶୀଳ ।
ଫିଲିପାଇନ୍ସ: ଇକ୍ୱେଡର ପରେ ଫିଲିପାଇନ୍ସ ବିଶ୍ୱରେ ଦ୍ୱିତୀୟ ସର୍ବାଧିକ କଦଳୀ ରପ୍ତାନୀକାରୀ ଦେଶ । ଏହା ବାର୍ଷିକ ୨.୪ ମିଲିୟନ ମେଟ୍ରିକ ଟନ କଦଳୀ ରପ୍ତାନୀ କରେ । ମୁଖ୍ୟତଃ ପଡୋଶୀ ଦେଶ ଚୀନ, ଜାପାନ ଓ ସାଉଥ କୋରିଆ ବଜାରକୁ ଏହି ଦେଶରୁ କଦଳୀ ରପ୍ତାନୀ ହୁଏ ।
କୋଷ୍ଟାରିକା: ଏହା ବିଶ୍ୱର ତୃତୀୟ ସର୍ବାଧିକ କଦଳୀ ରପ୍ତାନୀକାରୀ ଦେଶ ଏବଂ ବାର୍ଷିକ ୨.୨ ମିଲିୟନ ଟନ କଦଳୀ ରପ୍ତାନୀ କରେ । କୋଷ୍ଟାରିକାରୁ ଆମେରିକା ଏବଂ ୟୁରୋପୀୟ ଦେଶଗୁଡିକୁ ଅଧିକ ରପ୍ତାନୀ ହୋଇଥାଏ ।
କଲମ୍ବିଆ: ବିଶ୍ୱର ଚତୁର୍ଥ କଦଳୀ ରପ୍ତାନୀକାରୀ ଦେଶ ହେଉଛି କଲମ୍ବିଆ । ଏହା ବାର୍ଷିକ ୨ ମିଲିୟନ ମେଟ୍ରିକ ଟନ କଦଳୀ ରପ୍ତାନୀ କରେ । ସାଧାରଣତଃ କଲମ୍ବିଆର ସହରାଞ୍ଚଳରେ ଅଧିକ କଦଳୀ ଚାଷ କରାଯାଏ ଏବଂ ଆମେରିକା ଓ ୟୁରୋପୀୟ ବଜାରକୁ ଯୋଗାଣ ହୁଏ ।
ଗୁଆଟେମାଲା: ଏହି ଦେଶ ବିଶ୍ୱର ପଞ୍ଚମ ସର୍ବାଧିକ କଦଳୀ ରପ୍ତାନୀକାରୀ ଦେଶ । ଗୁଆଟେମାଲା ବାର୍ଷିକ ୧.୮ ମିଲିୟନ ମେଟ୍ରିକ ଟନ କଦଳୀ ରପ୍ତାନୀ କରେ ଏବଂ ଉତ୍ତର ଆମେରିକା ଏହାର ସବୁଠୁ ବଡ଼ ଆମଦାନୀକାରୀ ଅଟେ । ଚିକ୍ୱିଟା ଏବଂ ଡୋଲେ ଭଳି ବଡ଼ ବଡ଼ କମ୍ପାନୀଗୁଡିକ ଗୁଆଟେମାଲାରେ କାର୍ଯ୍ୟ କରନ୍ତି ଏବଂ ଏହାର କଦଳୀ ଶିଳ୍ପର ବୃଦ୍ଧିରେ ସାହାଯ୍ୟ କରିଥାନ୍ତି ।