ବେଲୁଚିସ୍ତାନରେ ଆତ୍ମଘାତୀ ବିସ୍ଫୋରଣ । ୩ ମୃତ, ୨୦ ରୁ ଅଧିକ ଆହତ

ନୂଆଦିଲ୍ଲୀ: ବେଲୁଚିସ୍ତାନରେ ଆତ୍ମଘାତୀ ବିସ୍ଫୋରଣ। ବିସ୍ଫୋରଣରେ ଅତି କମରେ ତିନି ଜଣଙ୍କର ମୃତ୍ୟୁ ହୋଇଥିବା ନେଇ ଅନ୍ତର୍ଜାତୀୟ ଗଣମାଧ୍ୟମରେ ରିପୋର୍ଟ ପ୍ରକାଶ ପାଇଛି । ଏଥି ସହିତ ଏହି ବିସ୍ଫୋରଣରେ ୧୮ ଜଣ ସୁରକ୍ଷା କର୍ମୀଙ୍କ ସମେତ ୨୦ ଜଣ ଆହତ ହୋଇଛନ୍ତି। ପାକିସ୍ତାନୀ ଗଣମାଧ୍ୟମ ଅନୁଯାୟୀ ଏହି ବିସ୍ଫୋରଣ ଫ୍ରଣ୍ଟିୟର କର୍ପସ ଚେକପୋଷ୍ଟରେ ଘଟିଛି। Sama TVର ସୂଚନା ଅନୁଯାୟୀ, ପ୍ରାଥମିକ ଅନୁସନ୍ଧାନ ରିପୋର୍ଟରେ କୁହାଯାଇଛି ଯେ ଏହି ଅଞ୍ଚଳରେ ପାଟ୍ରୋଲିଂ କରୁଥିବା ଫ୍ରଣ୍ଟିୟର କର୍ପସର ଗାଡିକୁ ଟାର୍ଗେଟ କରି ଏହି ଆକ୍ରମଣ କରାଯାଇଛି। ଏହି ବିସ୍ଫୋରଣରେ ୫ କିଲୋଗ୍ରାମ ବିସ୍ଫୋରକ ସାମଗ୍ରୀ ବ୍ୟବହାର କରାଯାଇଥିବା ଜଣାପଡ଼ିଛି।

Also Read

ସମୁଦ୍ରରେ ଶକ୍ତି ବଢାଉଛି ନୌସେନା, ୧୦ରେ ଜଳାବତରଣ କରିବ ଆଇଏନଏସ ଧ୍ରୁବ

ଦୁନିଆ କଣ ଦେଖି ପାରୁନଥିଲେ ବି ଅନ୍ୟକୁ ଦେଖାଉଛନ୍ତି ଶିକ୍ଷାର ଆଲୋକ

ଗୁରୁମାନେ ହିଁ ଏ ଦେଶର ସର୍ବୋତ୍କୃଷ୍ଣ ଚିନ୍ତାନାୟକ ହେବା ଉଚିତ

ବେଲୁଚିସ୍ତାନ ଏହି ଆକ୍ରମଣକୁ ନିଶ୍ଚିତ କରିଛି ଏବଂ ଘଟଣାସ୍ଥଳରେ ବରିଷ୍ଠ ଅଁଧିକାରୀ ପହଞ୍ଚି ତଦନ୍ତ କରୁଛନ୍ତି। ପାକିସ୍ତାନ ତେହେରିକ-ଇ-ତାଲିବାନ ଏହି ଆକ୍ରମଣ ପାଇଁ ନିଜକୁ ଦାୟୀ କରିଛି। ଏଠାରେ କହିରଖୁଛୁ ଯେ ଅଗଷ୍ଟ ମାସରେ ବେଲୁଚିସ୍ତାନ ପ୍ରଦେଶର କ୍ୱେଟା ସହରରେ ଏକ ପୋଲିସ୍ ଭ୍ୟାନ୍ ନିକଟରେ ବିସ୍ଫୋରଣ ଘଟିଥିଲା ​​ଯେଉଁଥିରେ ଦୁଇ ଜଣ ପୋଲିସ୍ ପ୍ରାଣ ହରାଇଥିଲେ ଏବଂ ଅନ୍ୟ ୨୧ ଜଣ ଆହତ ହୋଇଥିଲେ। ଆହତଙ୍କ ମଧ୍ୟରେ ୧୨ ଜଣ ପୋଲିସ କର୍ମଚାରୀ ମଧ୍ୟ ରହିଥିଲେ।

ଏହି ଘଟଣା ପରେ ପିପିପି ଦଳର ସଭାପତି ବିଲାୱାଲ ଭୁଟ୍ଟୋ ଜରଦାରୀ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କୁ ଟାର୍ଗେଟ କରିଛନ୍ତି। ସେ ଟ୍ୱିଟ୍ କରି କହିଛନ୍ତି ଯେ ଇମ୍ରାନ ଖାନଙ୍କ ପାକିସ୍ତାନ ସରକାର ଆତଙ୍କବାଦୀଙ୍କୁ ପ୍ରୋତ୍ସାହିତ କରିବା ବନ୍ଦ କରିବା ଉଚିତ ଏବଂ ଜାତୀୟ କାର୍ଯ୍ୟ ଯୋଜନା କାର୍ଯ୍ୟକାରୀ କରିବା ଉଚିତ। ଏହି ଆତଙ୍କବାଦୀ ଆକ୍ରମଣକୁ ମଧ୍ୟ ସେ ନିନ୍ଦା କରିଛନ୍ତି।

ତେବେ ଗୋଟିଏ ପଟେ ଆଫଗାନିସ୍ତାନରେ ଅଶାନ୍ତି ବୃଦ୍ଧି ପାଉଥିବା ବେଳେ ବେଲୁଚିସ୍ତାନରେ ମଧ୍ୟ ଆତ୍ମଘାତୀ ବିସ୍ଫୋରଣ ହୋଇଛି। ଯାହାକୁ ନେଇ ଏବେ ଅନ୍ତର୍ଜାତୀୟ ସ୍ତରରେ ମଧ୍ୟ ଆଲୋଚନା ହେଉଛି। ବର୍ତ୍ତମାନ ସମୟରେ ଆତଙ୍କୀ ସଂଗଠନ ଗୁଡ଼ିକୁ ଉଚିତ୍‌ ଜବାବ ଦେବା ପାଇଁ ସମୟ ଆସିଯାଇଥିବା ଅନେର ରାଷ୍ଟ୍ର କହିଲେଣି।