LIVE TV
କୌଣସି ଅପରାଧ କଲେ ଦୋଷୀକୁ ଜେଲ ଯିବାକୁ ପଡେ। ତେବେ ବନ୍ଦୀମାନଙ୍କୁ ରଖିବା ପାଇଁ ଦୁନିଆରେ ଅନେକ ଜେଲ ନିର୍ମାଣ କରାଯାଇଛି। ଏହି ଜେଲଗୁଡିକ ମଧ୍ୟରୁ ଅନେକ ଅତ୍ୟନ୍ତ ବିପଜ୍ଜନକ ଏବଂ ସେଗୁଡ଼ିକ ବିଷୟରେ ଜାଣିବା ପରେ ଯେ କେହିବି ଭୟଭୀତ ହୋଇପଡିବ। ଦୁନିଆର ସବୁଠାରୁ ବିପଜ୍ଜନକ ଜେଲ ଯେଉଁଠି ବନ୍ଦୀମାନଙ୍କୁ ନର୍କରେ ରହିବା ଭଳି ଅନୁଭୂତ ହୁଏ। ଦୁନିଆର ସବୁଠାରୁ ବିପଜ୍ଜନକ ଜେଲ ହେଉଛି ସାଲଭାଡୋର ଜେଲ।
Also Read
ସାଲଭାଡୋରର ଜେଲକୁ ଦୁନିଆର ସବୁଠାରୁ ବିପଜ୍ଜନକ ଜେଲ ବୋଲି ବିବେଚନା କରାଯାଏ। ଏଠାରେ ଲୋକଙ୍କୁ ଜୀବନ୍ତ ପୋଡି ଦିଆଯିବା ଏବଂ ମୁଣ୍ଡ କାଟିବା ପରେ ଫୁଟବଲ ଖେଳିବା ଭଳି ଘଟଣା ମଧ୍ୟ ସାମ୍ନାକୁ ଆସିଛି। ଏଠାରେ ଗୁରୁତର ଅପରାଧ କରୁଥିବା ଅପରାଧୀମାନଙ୍କୁ ରଖାଯାଏ। ସେମାନେ ଅନେକ ସମୟରେ ଜେଲକୁ ନିଜ ନିୟନ୍ତ୍ରଣାଧୀନ କରିବାକୁ ଚେଷ୍ଟା କରନ୍ତି। ଯାହା ଫଳରେ ଅନେକ ସମୟରେ ହିଂସାକାଣ୍ଡ ଘଟେ।
କୁହାଯାଏ ଯେ ସବୁଠାରୁ ବିପଦପୂର୍ଣ୍ଣ କଏଦୀମାନେ ଏହି ସାଲଭାଡୋରର ଜେଲରେ ରହନ୍ତି। ଏହି ଜେଲରେ ୧୦ ହଜାର କଏଦୀ ରହିବାର ବ୍ୟବସ୍ଥା ଅଛି। ମାତ୍ର ବର୍ତ୍ତମାନ ଏଠାରେ ୩୩ହଜାର କଏଦୀ ଏଠାରେ ରହୁଛନ୍ତି। ଏକ ରିପୋର୍ଟ ଅନୁଯାୟୀ, ଏକ ଗ୍ୟାଙ୍ଗର ସଦସ୍ୟମାନେ ଜଣେ କଏଦୀକୁ ହତ୍ୟା କରିବା ପରେ ତାଙ୍କ ମୁଣ୍ଡ କାଟି ଫୁଟବଲ ଖେଳିଥିଲେ। ଏଠାରେ ଜେଲରେ ଥିବା ଅନେକ ଲୋକଙ୍କୁ ଏହିପରି ହତ୍ୟା କରାଯାଇଛି।
ସାଲଭାଡୋରର ପ୍ରାୟ ୨ପ୍ରତିଶତ ବୟସ୍କ କୌଣସି ଅପରାଧ କିମ୍ବା ଅନ୍ୟ କାରଣରୁ ଜେଲରେ ଅଛନ୍ତି। ଏଭଳି ପରିସ୍ଥିତିରେ ଏହି ଦେଶରେ କାରାଗାରର ହାର ବହୁତ ଅଧିକ। ଗତବର୍ଷ ରାଷ୍ଟ୍ରପତି ବୁକେଲେ ୪୦ହଜାର କ୍ଷମତା ବିଶିଷ୍ଟ ଏକ ନୂତନ ଆତଙ୍କବାଦ ଜେଲ୍ର ଉଦଘାଟନ ଘୋଷଣା କରିଥିଲେ। କୁହାଯାଉଛି ଯେ ଏହି କାରାଗାର ସବୁଠାରୁ ହିଂସ୍ର ତଥା ବିପଜ୍ଜନକ ଅପରାଧୀଙ୍କୁ ରଖିବା ପାଇଁ ପରିକଳ୍ପନା କରାଯାଇଛି।
