LIVE TV
ସିରିଆରେ କାର୍ ବୋମା ବିସ୍ଫୋରଣ । ୮ ଜଣଙ୍କ ମୃତ୍ୟୁ । ୨୦ରୁ ଅଧିକ ଗୁରୁତର । ସିରିଆର ତୁର୍କୀ ଅଧିକୃତ ଅଞ୍ଚଳର ଦକ୍ଷିଣ-ପୂର୍ବ ସଲୁକଠାରେ ଏଭଳି ବିସ୍ଫୋରଣ ଘଟିଛି। ଏଥିରେ ୨୦ରୁ ଅଧିକ ଲୋକ ଆହତ ହୋଇଛନ୍ତି। ସୂଚନାଯୋଗ୍ୟ, ସିରିୟା-ତୁର୍କୀ ସୀମାର ତାଲ୍ ଆବିଦ୍ରେ ବିସ୍ଫୋରଣ ହେବାର ଏକ ସପ୍ତାହ ପରେ ଏହି ବିସ୍ଫୋରଣ ଘଟିଛି। ରବିବାର ସକାଳେ ତୁର୍କୀ ସମର୍ଥକ ବାହିନୀ ଦ୍ୱାରା ଦଖଲ ହୋଇଥିବା ଉତ୍ତର ସିରିଆର ଏକ ବଜାରରେ କାର୍ ବୋମା ବିସ୍ଫୋରଣ ହୋଇଛି।
Also Read
ମାନବ ଅଧିକାର ପାଇଁ ସିରିଆର ଅବଜରଭେଟୋରୀ କହିଛି ଯେ ଆଲେପ୍ପୋ ପ୍ରଦେଶର ଆଜାଜର ଏକ ଜନଗହଳିପୂର୍ଣ୍ଣ ବଜାରର କେନ୍ଦ୍ର ସ୍ଥଳରେ ଏକ କାର ବୋମା ବିସ୍ଫୋରଣ ହୋଇଛି। ମୃତାହତଙ୍କ ସଂଖ୍ୟା ଆହୁରି ବଢ଼ିବାର ଆଶଙ୍କା ରହିଛି।
ସିରିଆରେ ନେଟୱାର୍କ ଥିବା ବ୍ରିଟେନ ସ୍ଥିତ ଅବଜରଭେଟୋରୀ ,ସମ୍ପର୍କରେ ସୂଚନା ଦେଇଛି। ବିସ୍ଫୋରଣ ସ୍ଥଳରେ ଉଦ୍ଧାର କାର୍ଯ୍ୟରେ ଆମ୍ବୁଲାନ୍ସ ଏବଂ ଉଦ୍ଧାରକାରୀ ଦଳଙ୍କୁ ନିୟୋଜିତ କରାଯାଇଥିବା ସ୍ଥାନୀୟ ପ୍ରଶାସନ ପକ୍ଷରୁ କୁହାଯାଇଛି।
ସୂଚନାଯୋଗ୍ୟ, ୨୦୧୧ ରେ ସରକାର ଶାନ୍ତିପୂର୍ଣ୍ଣ ବିରୋଧକୁ ଦମନ କରିବା ପରେ ସିରିଆର ଗୃହଯୁଦ୍ଧ ଆରମ୍ଭ ହୋଇଥିଲା। ଜିହାଦୀ ତଥା ବିଦେଶୀ ବାହିନୀ ଏଥିରେ ସାମିଲ ହୋଇଥିଲେ। ଫଳରେ ଗୃହଯୁଦ୍ଧ ଏକ ବିପଜ୍ଜନକ ବିବାଦରେ ପରିଣତ ହୋଇଥିଲା।
ଏହି ଗୃହଯୁଦ୍ଧରେ ୫୦୭,୦୦୦ରୁ ଅଧିକ ଲୋକ ପ୍ରାଣ ହରାଇଛନ୍ତି, ଲକ୍ଷ ଲକ୍ଷ ଲୋକ ବିସ୍ଥାପିତ ହୋଇଛନ୍ତି ଏବଂ ଦେଶର ଭିତ୍ତିଭୂମି ଏବଂ ଶିଳ୍ପକୁ ବ୍ୟାହତ କରିଛନ୍ତି। ତୁର୍କୀ ସିରିଆରେ କ୍ରମାଗତ ସାମରିକ ଆକ୍ରମଣ ଜାରି ରଖିଛି। ସେମାନଙ୍କ ମଧ୍ୟରୁ ଅଧିକାଂଶ କୁର୍ଦ୍ଦ ଆତଙ୍କବାଦୀଙ୍କୁ ଟାର୍ଗେଟ କରିଛନ୍ତି ଯାହା ତୁର୍କୀ ରାଜ୍ୟ ବିରୁଦ୍ଧରେ ଦଶନ୍ଧି ଧରି ବିଦ୍ରୋହ କରିଆସୁଥିବା କୁର୍ଦ୍ଦିସ୍ତାନ ୱାର୍କର୍ସ ପାର୍ଟି ପିକେକେ ସହିତ ଅଙ୍କାର ଲିଙ୍କ୍ ରହିଛି।
