ଅଡୁଆରେ ଶ୍ରୀଲଙ୍କା ସରକାର ! କଲମ୍ବୋ ରାସ୍ତାକୁ ଓହ୍ଲାଇଲେ ଲକ୍ଷାଧିକ ଲୋକ

ଶ୍ରୀଲଙ୍କାରେ ରାଜପକ୍ଷ ସରକାରଙ୍କ ବିରୋଧରେ ବଢ଼ୁଛି ବିରୋଧ । ଗତକାଲି ଲକ୍ଷାଧିକ ଲୋକ କଲୋମ୍ବରେ ରାସ୍ତା ଉପରକୁ ଓହ୍ଲାଇଥିଲେ । ରାସ୍ତାକୁ ଆସି ସରକାରଙ୍କ ବିରୋଧରେ ବିକ୍ଷୋଭ ପ୍ରଦର୍ଶନ କରିଛନ୍ତି । ପିଲାଠୁ ବୟସ୍କ ସମସ୍ତେ ଏକାଠି ହୋଇ ସରକାରଙ୍କ ନୀତି ଓ ବ୍ୟବସ୍ଥା ଉପରେ ବର୍ଷିଥିଲେ ।

Massive protest erupts in heart of Colombo amid economic crisis

Read @ANI Story | https://t.co/dnmhIi5N8f#SriLankaCrisis#Colombopic.twitter.com/u56gWBwVOU

— ANI Digital (@ani_digital) April 14, 2022

ସୂଚନା ଅନୁସାରେ, ଗତ କିଛି ମାସ ଧରି ଶ୍ରୀଲଙ୍କାରେ ଆଥିକ ସ୍ଥିତି ବିଗିଡ଼ିଛି । ଋ଼ଣ ଭାର ଏତେ ହୋଇଛି ଯେ, ଲୋକଙ୍କ ପକ୍ଷେ ଚାଉଳ, ଡାଲି, ଅଣ୍ଡା ପରି ଅତ୍ୟାବଶ୍ୟକ ଜିନିଷ କିଣିବା ସମ୍ଭବପର ହେଉ ନାହିଁ । ତେଲ ଦର ଏତେ ହେଲାଣି ଯେ, ଲୋକେ ଗାଡ଼ି ମଟର, ଯାନବାହନ ବ୍ୟବହାର କରୁନାହାନ୍ତି । ଏଭଳି ସ୍ଥିତି ସୁଧାରିବା ସହ କ୍ଷମତା ପରିବର୍ତ୍ତନ ପାଇଁ ଲୋକେ ଅଡ଼ି ବସିଛନ୍ତି ।

ଅନ୍ୟପକ୍ଷେ, ଏପରିସ୍ଥଳେ ଶ୍ରୀଲଙ୍କା ବାହ୍ୟ ଋଣ ଶୁଝି ପାରିବନି ବୋଲି କହି ହାତ ଟେକି ଦେଇଛି । ଅନ୍ୟ ଦେଶରୁ କରିଥିବା ଋଣ ୫୧ ବିଲିୟନ ଡଲାରରେ ପହଞ୍ଚି ଥିବା ବେଳେ ଡିଫଲ୍ଟର ଭାବେ ନିଜକୁ ଘୋଷଣା କରିସାରିଛି । ତେବେ ଦେଶର ଆର୍ଥିକ ସମସ୍ୟା ଖୁବଶୀଘ୍ର ହଟିବ, ଲୋକେ ଧୈର୍ଯ୍ୟ ଧରନ୍ତୁ ବୋଲି କହିଛନ୍ତି ଶ୍ରୀଲଙ୍କା ପ୍ରଧାନମନ୍ତ୍ରୀ ।