LIVE TV
ଜନସଂଖ୍ୟାକୁ ନିୟନ୍ତ୍ରଣ କରିବା ପାଇଁ ଚାଇନା ଦଶନ୍ଧି ଧରି ଏକ ଚାଇଲ୍ଡ ପ୍ଲାନିଂ ଆପଣେଇ ଆସୁଛି। ଏହି ନୀତିରେ ଗୋଟିଏ ପରିବାରରେ ଗୋଟିଏରୁ ଅଧିକ ପିଲା ରହିପାରିବେ ନାହିଁ। ଏହି କାରଣରୁ ଦେଶରେ ଦ୍ରୁତଗତିରେ ଜନସଂଖ୍ୟା ହ୍ରାସ ପାଉଛି। ନିକଟରେ ସ୍ଥାନୀୟ ସରକାର ଘୋଷଣ କରିଛନ୍ତି ଯେ ଦଶନ୍ଧି ମଧ୍ୟରେ ପ୍ରଥମ ଥର ପାଇଁ ଜନ୍ମ ହାରରେ ଏଭଳି ହ୍ରାସ ଦେଖାଦେଇଛି। ଏ ବିଷୟରେ ଚିନ୍ତା କରି ଚୀନ୍ ବର୍ତ୍ତମାନ ଜନସଂଖ୍ୟା ବୃଦ୍ଧି ପାଇଁ ପ୍ରୟାସ ଆରମ୍ଭ କରିଛି।
ଆପଣ ବିଭିନ୍ନ ଯାଗାରେ ରକ୍ତଦାନ ଶିବିର ଆୟୋଜିତ ହେବାରେ ଦେଖିଥିବେ। ଏଠାରେ କିଛି ଶୁକ୍ରାଣୁ(ସ୍ପର୍ମ) ଦାନ ଶିବିର ଆୟୋଜିତ ହେଉଛି। ଏନେଇ ହଜାର ହଜାର ଟଙ୍କାର ଆକର୍ଷଣୀୟ ଅଫର ମଧ୍ୟ ଦିଆଯାଉଛି। ଏହାରୋ ଭିତରେ ଚୀନ୍ର ଶୁକ୍ରାଣୁ କାରଖାନା ବିଷୟରେ ଆଲୋଚନା ହେବାର ଟ୍ୱିଟରରେ ଏକ ଭିଡିଓ ଭାଇରାଲ ହେବାରେ ଲାଗିଛି। ଏଠାରେ ମେସିନ୍ ଦ୍ୱାରା କ୍ଷୀର ବାହାର କରିବା ଭଳି ଶୁକ୍ରାଣୁ ମଧ୍ୟ ବାହାର କରାଯାଉଛି। ଭିଡିଓ ଭାଇରାଲ ହେବା ପରେ ଉତ୍ତେଜନା ଦେଖାଦେଇଛି। ଏହାର ବାସ୍ତବତା ଆହୁରି ଅଦ୍ଭୁତ।
ସୋସିଆଲ ମିଡିଆରେ ଭାଇରାଲ ହେଉଥିବା ଏହି କ୍ଲିପ୍ରେ ଚାଇନାର ତିନି ଜଣ ବ୍ୟକ୍ତି ଡାକ୍ତରଖାନା ଶଯ୍ୟାରେ ଶୋଇଥିବାର ଦେଖାଯାଏ। ତାଙ୍କ ଶରୀରର ଉପର ଅଂଶ ଏକ କପଡ଼ାରେ ଆଚ୍ଛାଦିତ, କିନ୍ତୁ ଅଣ୍ଟାରୁ ତଳ ଭାଗରେ କୌଣସି କପଡା ନାହିଁ। ଏହି ସମୟରେ ଏକ ସ୍ୱୟଂଚାଳିତ ପମ୍ପ ମାଧ୍ୟମରେ ସେମାନଙ୍କ ଠାରୁ ଶୁକ୍ରାଣୁ ନିଆଯାଉଛି।
Also Read
ଭିଡିଓରେ କୁହାଯାଉଛି ଯେ ଏହା ଚାଇନାର ଶୁକ୍ରାଣୁ କାରଖାନା। ଏହା ପରେ ଲୋକମାନେ ଚୀନ୍ ଆଡକୁ ଅଙ୍ଗୁଳି ନିର୍ଦ୍ଦେଶ କରୁଛନ୍ତି। ଜଣେ ବ୍ୟକ୍ତି ଲେଖିଛନ୍ତି, ଚାଇନାରେ ଏ କ’ଣ ଚାଲିଛି? ସେ କ’ଣ ଏବେ ୩ ସନ୍ତାନ ନୀତିକୁ ପ୍ରତ୍ୟାହାର କରିଛି? ଦାର୍ଶନିକ ତଥା ଲେଖକ ଜୋର୍ଡାନ ପିଟରସନ କହିଛନ୍ତି ଯେ ଚୀନ୍ କମ୍ୟୁନିଷ୍ଟ ପାର୍ଟି ଲୋକଙ୍କୁ ନର୍କକୁ ଠେଲି ଦେଉଛି।
ତେବେ ଭିଡିଓଟିକୁ ଯାଞ୍ଚ କରାଗଲା, କାହାଣୀ ଭିନ୍ନ ଦେଖାଦେଇଛି। ଏନେଇ ଦ୍ୱନ୍ଦ୍ୱ ସୃଷ୍ଟି ହୋଇଛି। ଜଣେ ଟ୍ୱିଟର ବ୍ୟବହାରକାରୀ ଦାବି କରିଛନ୍ତି ଯେ ଏହି ଭିଡିଓ ଆଦୌ ଚୀନ୍ର ନୁହେଁ। ସେ ଲେଖିଛନ୍ତି, “ମୁଁ ଏହି ଭିଡିଓକୁ ୱେଚେଟ୍ରୁ ପାଇଛି। ଏଠାରେ ଚାଇନାର ଶୁକ୍ରାଣୁ ବ୍ୟାଙ୍କରେ ଶୁକ୍ରାଣୁ ସଂଗ୍ରହ କକ୍ଷ ଦେଖାଇବାକୁ ଦାବି କରାଯାଇଛି, କିନ୍ତୁ ପରେ ମୁଁ ଜାଣିବାକୁ ପାଇଲି ଯେ ଭିଡିଓଟି ବ୍ରିଟେନର।” ଏକ ରିପୋର୍ଟ ଅନୁସାରେ ଏହି କ୍ଲିପ୍ ପ୍ରକୃତରେ ବ୍ରିଟେନର ଏକ ଆଡଲ୍ଟ ୱେବସାଇଟରୁ ନିଆଯାଇଛି।
ତେବେ ଏହି ଭିଡିଓ ଚାଇନାର ହୋଇ ନପାରେ, କିନ୍ତୁ ନିକଟରେ ବେଜିଂ, ସାଂଘାଇ ସମେତ ଚାଇନାରେ ଥିବା ଅନେକ ଶୁକ୍ରାଣୁ ଦାନ କ୍ଲିନିକ୍ ବିଶ୍ୱବିଦ୍ୟାଳୟ ଛାତ୍ରମାନଙ୍କୁ ଶୁକ୍ରାଣୁ ଦାନ କରିବାକୁ ଆମନ୍ତ୍ରଣ କରିଛନ୍ତି। ଶୁକ୍ରାଣୁ ଦାନକୁ ଉତ୍ସାହିତ କରିବା ପାଇଁ ଅନେକ ଶୁକ୍ରାଣୁ ବ୍ୟାଙ୍କ୍ ଅତିରିକ୍ତ ଦେୟ ଘୋଷଣା କରିଛନ୍ତି। ପ୍ରତ୍ୟେକ ବ୍ୟକ୍ତିଙ୍କୁ ୫୬ ହଜାର ଟଙ୍କା ପର୍ଯ୍ୟନ୍ତ ଦିଆଯାଉଛି। ସେଥିପାଇଁ ଏହା ଆଦୌ ଆଶ୍ଚର୍ଯ୍ୟଜନକ ନୁହେଁ ଯେ ନିକଟ ଭବିଷ୍ୟତରେ ଚୀନ୍ରେ ଏକ ଶୁକ୍ରାଣୁ କାରଖାନା ହେବାର।
