LIVE TV
ଯୁଦ୍ଧ ଯେଉଁ ଦେଶରେ ବି ହେଉ ଏହା ମୂଳଭିତ୍ତି ଠାରୁ ଆରମ୍ଭ କରି ଜନସଂଖ୍ୟା ପର୍ଯ୍ୟନ୍ତ ସବୁ କିଛି କ୍ଷତି ହୋଇଥାଏ। ଦେଶର ସୈନ୍ୟବାହିନୀରେ କାମ କରୁଥିବା ସୈନିକମାନଙ୍କ ଜୀବନ ସବୁବେଳେ ବିପଦରେ ଥାଏ ଏବଂ ସେମାନଙ୍କ ପରିବାରର ଭବିଷ୍ୟତ ମଧ୍ୟ ଅନିଶ୍ଚିତତା ମଧ୍ୟରେ ରହିଥାଏ।
ୟୁକ୍ରେନର ସୈନିକମାନେ ବର୍ତ୍ତମାନ ଏପରି ଦୁଃଖଦ ପରିସ୍ଥିତିର ସମ୍ମୁଖୀନ ହେଉଛନ୍ତି। ଏହାକୁ ଦୃଷ୍ଟିରେ ରଖି ସେମାନେ ଏପରି ଏକ ଜୁଗାଡ ଗ୍ରହଣ କରିଛନ୍ତି, ଯାହା ଦ୍ୱାରା ସେମାନଙ୍କ ବଂଶ ସେମାନଙ୍କ ଅନୁପସ୍ଥିତିରେ ମଧ୍ୟ ଆଗକୁ ବଢିପାରିବ।
ବର୍ତ୍ତମାନ ସୁଦ୍ଧା ଆପଣ ବିଜ୍ଞାନର ପ୍ରଯୁକ୍ତିବିଦ୍ୟା ବିଷୟରେ ଶୁଣିଥିବେ, ଯେଉଁଥିରେ ମହିଳାମାନେ ସେମାନଙ୍କର ଡିମ୍ବାଣୁ ଫ୍ରିଜ୍ କରନ୍ତି। ଏହା ଦ୍ୱାରା ସେମାନେ ଯେକୌଣସି ବି ବୟସରେ ମା ହୋଇପାରିବେ। ବର୍ତ୍ତମାନ, ୟୁକ୍ରେନରେ ଏପରି କ୍ଲିନିକ୍ଗୁଡିକର ଚାହିଦା ବଢିଚାଲିଛି, ଯେଉଁଠାରେ ପୁରୁଷମାନଙ୍କ ଶୁକ୍ରାଣୁକୁ ଫ୍ରିଜ୍ କରାଯାଉଛି। ବିଶେଷକରି ୟୁକ୍ରେନ୍ରେ ଯୁଦ୍ଧ କରିବାକୁ ଯାଉଥିବା ସୈନିକମାନେ ଏହି କ୍ଲିନିକଗୁଡିକୁ ବ୍ୟବହାର କରୁଛନ୍ତି, ଯାହା ଦ୍ୱାରା ସେମାନଙ୍କର ବଂଶ ଆଗକୁ ବଢିପାରିବ।
Also Read
ୟୁକ୍ରେନର ସୈନିକମାନେ ୪୫୦୦ଟଙ୍କା ଦେଇ ଶୁକ୍ରାଣୁ ଫ୍ରିଜ୍ କରିବା ସହ ସ୍ଥଳ ବିଶେଷରେ ମାଗଣା ମଧ୍ୟ ଫ୍ରିଜ୍ କରୁଛନ୍ତି। ଅନେକ ଲୋକ ଜାଣନ୍ତି ଯେ ଯୁଦ୍ଧରେ ପ୍ରବେଶ କରିବା ପରେ ସୈନିକମାନେ ଜୀବନ୍ତ ଫେରିବା ଅତ୍ୟନ୍ତ କଷ୍ଟକର ହୋଇଯାଏ।
ଏଭଳି ପରିସ୍ଥିତିରେ, ସେମାନେ ଫ୍ରିଜ୍ରେ ଥିବା ଶୁକ୍ରାଣୁ ମାଧ୍ୟମରେ ବଂଶ ବଢେଇ ପାରିବେ। ରିପୋର୍ଟ ଅନୁଯାୟୀ, ନତାଲିୟା ନାମକ ଜଣେ ମହିଳାଙ୍କ ସ୍ୱାମୀ ଯୁଦ୍ଧରେ ମୃତ୍ୟୁବରଣ କରିଥିଲେ ଏବଂ ମୃତ୍ୟୁ ପୂର୍ବରୁ ସେ ତାଙ୍କ ଶୁକ୍ରାଣୁକୁ ଫ୍ରିଜ୍ କରିଥିଲେ।ଫଳରେ ତାଙ୍କ ପତ୍ନୀ ମା’ ହେବାର ସୌଭାଗ୍ୟ ଅର୍ଜନ କରିଥିଲେ।
ନାତାଲିୟା କହିଛନ୍ତି ଯେ ଏହି ସେବା ଆମ ପ୍ରିୟ ବ୍ୟକ୍ତିଙ୍କ ବିନା ଉପସ୍ଥିତିରେ ତାଙ୍କ ପିଲାଙ୍କୁ ଜନ୍ମ ଦେବା ଏବଂ ସାହସୀ ନାଗରିକ ତିଆରି କରିବାର ସୁଯୋଗ ଦେଉଛି। ସେ ନିଜ ଫେସ୍ବୁକ୍ ପେଜ୍ ମାଧ୍ୟମରେ ଲୋକଙ୍କୁ ଏଭଳି କରିବାକୁ ଉତ୍ସାହିତ କରୁଛନ୍ତି।
କେବଳ ଏତିକି ନୁହେଁ, ଶୁକ୍ରାଣୁ ଫ୍ରିଜ୍ ସେବା ଉପରେ ସବ୍ସିଡି ଦିଆଯାଉ ବୋଲି ସରକାରକୁ ଏକ ଦାବି ମଧ୍ୟ ହୋଇଛି, ଯେପରି ଏହି କାମ ମହଙ୍ଗା ନହୁଏ। ଏଠାରେ ଏମିତି ମଧ୍ୟ କିଛି ପ୍ରସିଦ୍ଧ କ୍ଲିନିକ୍ ଅଛି ଯେଉଁମାନେ ଏହି ସେବାକୁ ମାଗଣାରେ ଯୋଗାଇ ଯୁଦ୍ଧରେ ସାହାଯ୍ୟ କରୁଛନ୍ତି।
