ମହାକାଶରେ ଶେଷ ହେଲା ପ୍ରଥମ ଫିଲ୍ମ ସୁଟିଂ : ପୃଥିବୀକୁ ଫେରିଲେ ରୁଷୀୟ ଟିମ୍‌

ମହାକାଶରେ ନିର୍ମାଣ ହେଲା ପ୍ରଥମ ଫିଚର୍ ଫିଲ୍ମ ଦ ଚ୍ୟାଲେଞ୍ଜ୍ । ଇତିହାରେ ପ୍ରଥମ ଥର ପାଇଁ ମହାକାଶରେ ଶୁଭିଛି ଲାଇଟ-କ୍ୟାମେରା-ଆକ୍ସନ । ଜିରୋ-ଗ୍ରାଭିଟିରେ ଭାସିଭାସି ଅଭିନୟ କରିଛନ୍ତି ଅଭିନେତା ଓ ଅଭିନେତ୍ରୀ । ସ୍ପେସ୍‌ରେ ପ୍ରଥମ ଫିଲ୍ମ ସୁଟିଂ ହେବା ପରେ ପୃଥିବୀକୁ ଫେରିଛନ୍ତି ରୁଷୀୟ ଟିମ୍‌ । ଫିଲ୍ମ ସୁଟିଂ ପାଇଁ ୧୨ ଦିନ ମହାକାଶରେ ବିତାଇଥିଲା ପୂରା ଟିମ୍‌ ।

କାଜାଖାସ୍ତାନ ବାଇକୋନରରୁ ସୋୟୁଜ MS-19 ମହାକାଶ ଯାନରେ ଅନ୍ତର୍ଜାତୀୟ ମହାକାଶ କେନ୍ଦ୍ର ଅଭିମୁଖେ ଯାତ୍ରା କରିଥିଲେ ସମସ୍ତ କ୍ର୍ୟୁ ମେମ୍ବର । ଅଭିନେତ୍ରୀ ୟୁଲିଆ ପେରେସିଡ୍ ଏବଂ ଚଳଚ୍ଚିତ୍ର ନିର୍ଦ୍ଦେଶକ ସିପେନକୋ ଅକ୍ଟୋବର ୫ ରେ ଫିଲ୍ମ ସୁଟିଂ ପାଇଁ ସ୍ପେସ୍ ଷ୍ଟେସନରେ ପହଞ୍ଚି ସେଠାରେ ୧୨ ଦିନ ରହିଥିଲେ। ଏହି ଚଳଚ୍ଚିତ୍ରର କାହାଣୀ ଅନ୍ତରୀକ୍ଷ ଯାତ୍ରୀଙ୍କୁ ସ୍ପେଶ୍ ଷ୍ଟେସନରେ ସହାୟତା ଯୋଗାଇଥିବା ଜଣେ ଡାକ୍ତରଙ୍କ ଉପରେ ଆଧାରିତ । ଡାକ୍ତର ଭୂମିକାର ଅଭିନୟ କରୁଥିବା ୟୁଲିଆ ପେରେସିଡଙ୍କୁ ଜଣେ କ୍ରୁ ସଦସ୍ୟଙ୍କୁ ମହାକାଶ କକ୍ଷପଥରେ ଅପରେସନ୍‌ କରିବାକୁ ପଡେ । ଆଉ ସେଥିପାଇଁ ୟୁଲିଆ ପେରେସିଡ ମହାକାଶ ଯାତ୍ରା କରନ୍ତି ।

Also Read

ଚୀନ୍ ତିଆରି କରୁଛି ବିଶ୍ୱର ସବୁଠାରୁ ଶକ୍ତିଶାଳୀ କ୍ଷେପଣାସ୍ତ୍ର : ନୂଆ ଅସ୍ତ୍ର ସମ୍ମୁଖରେ ସବୁ ସିଷ୍ଟମ୍ ଫେଲ୍, ଚିନ୍ତାରେ ଆମେରିକା

ରିଲିଜ୍ ପୂର୍ବରୁ ଆଇଏମ୍‌ଡିବିରେ ଶୀର୍ଷରେ ରହିଲା ସଲମାନଙ୍କ ‘ଅନ୍ତିମ’

ଆଜିଠୁ ଓଡ଼ିଶାର ଏହି ସହରରେ ଲାଗୁ ହେବ ନାଇଟ୍‌ କର୍ଫ୍ୟୁ

ତେଣୁ ସତସତିକା ଇଣ୍ଟରନ୍ୟାସନାଲ ସ୍ପେଶ୍ ଷ୍ଟେସନ୍‌ରେ ହିଁ ଫିଲ୍ମର କିଛି ଅଂଶ ସୁଟ୍ କରିବାକୁ ଯୋଜନା କରିଥିଲେ ରୁଷୀୟ ଫିଲ୍ମ ନିର୍ଦ୍ଦେଶକ କିମ୍ ସିପେନକୋ । ଆଉ ସେଥିପାଇଁ ସେ ନିଜେ ଅଭିନେତ୍ରୀ ୟୁଲିଆ ପେରେସିଡ୍ ଏବଂ ଭେଟେରାନ ମହାକାଶଚାରୀ ଆନଣ୍ଟେନ୍ ସାପ୍ଲେରୋଭଙ୍କ ସହ ସେଠାକୁ ଯାଇଥିଲେ । ପୂର୍ବରୁ ସ୍ପେଶ୍ ଏକ୍ସ ମାଲିକ ଇଲନ୍ ମସ୍କ ହଲିଉଡ୍ ସୁପର୍ଷ୍ଟାରଷ୍ଟାର ଟମ୍ କ୍ରୁଜ୍‌ଙ୍କୁ ନେଇ ମହାକାଶରେ ଫିଲ୍ମ ସୁଟିଂ କରିବାକୁ ଘୋଷଣା କରିଥିବା ବେଳେ, ରୁଷ ଏହି ରେସ୍‌ରେ ଆଗେଇ ଯାଇଛି ।

OTV is now on Whatsapp

Join and get latest news update delivered to you via whatsapp

Join Now