ରାଷ୍ଟ୍ରପତି ଗୋଟାବାୟା ଦେଶ ଛାଡ଼ିବା ପରେ ଶ୍ରୀଲଙ୍କା ପରିସ୍ଥିତି ସାଂଘାତିକ

ଶ୍ରୀଲଙ୍କା ରାଷ୍ଟ୍ରପତି ଗୋଟାବାୟା ଆଜି ଦେଶ ଛାଡ଼ି ପଳାୟନ କରିବା ପରେ ସାଧାରଣ ଲୋକେ ପଦାକୁ ବାହାରି ସାଂଘାତିକ ପରିସ୍ଥିତି ସୃଷ୍ଟି କରିଛନ୍ତି। ରାଜରାସ୍ତାରେ ଲୋକମାନେ ସରକାର ବିରୋଧୀ ନାରା ଦେବା ସହ ବିକ୍ଷୋଭ ପ୍ରଦର୍ଶନ କରିଛନ୍ତି।

ଦେଖନ୍ତୁ କିପରି ରାଷ୍ଟ୍ରପତି ଭବନର ସୁଇମିଂପୁଲ୍‌ରେ ଗାଧୋଉଛନ୍ତି ଆନ୍ଦୋଳନକାରୀ :-

#ଶ୍ରୀଲଙ୍କା_ରାଷ୍ଟ୍ରପତି_ଭବନରେ_ବିକ୍ଷୋଭକାରୀଙ୍କ_କାରନାମା
ଆବାସ ଛାଡ଼ି ପଳାଇଲେ ଶ୍ରୀଲଙ୍କା ରାଷ୍ଟ୍ରପତି...ଏପଟେ ଭବନ ଭିତରେ ପଶି ସୁଇମିଂ ପୁଲ୍‌ରେ ଗାଧୋଇଲେ ଆନ୍ଦୋଳନକାରୀ... #SriLankaProtests#SrilankaCrisis#OTVpic.twitter.com/MfUiqzW6rC

— ଓଟିଭି (@otvkhabar) July 9, 2022

ସୂଚନାଯୋଗ୍ୟଯେ, ଶ୍ରଲଙ୍କା ସଂପ୍ରତି ଘୋର ଆର୍ଥିକ ସଂକଟ ଦେଇ ଗତି କରୁଛି ଏବଂ ଏହାରି ଭିତରେ ଆଜି ରାଷ୍ଟ୍ରପତି ଦେଶ ଛାଡ଼ି ପଳାଇଛନ୍ତି। ରାଷ୍ଟ୍ରପତି ଦେଶ ଛାଡ଼ିବା ପରେ ଉଗ୍ରମୁଖା ଜନତା ରାଷ୍ଟ୍ରପତି ଭବନ ଭିତରେ ପଶି ବ୍ୟାପକ ଭଙ୍ଗାରୁଜା କରିବା ସହ ଭିତରେ ଥିବା ସୁଇମିଂପୁଲରେ ଦଳ ଦଳ ହୋଇ ଗାଧୋଉଥିବା ଦେଖିବାକୁ ମିଳିଛି।

ତେବେ ଏତେ ସଂଖ୍ୟାରେ ଲୋକ ଏକାଠି ହୋଇଛନ୍ତିଯେ, ଗୋଟାବାୟାଙ୍କ ବାସଭବନ ଆଖପାଖ ଅଞ୍ଚଳର ଟ୍ରାଫିକ୍ ବ୍ୟବସ୍ଥା ନିୟନ୍ତ୍ରଣ ବାହାରକୁ ଚାଲିଯାଇଛି। ଉତ୍ତ୍ୟକ୍ତ ଜନତା ପୋଲିସ ଗାଡ଼ି ଉପରକୁ ଚଢ଼ି ନାରାବାଜି କରୁଥିବା ମଧ୍ୟ ଲକ୍ଷ୍ୟ କରାଯାଇଛି।