ଝିଅ ମୁଣ୍ଡରେ CCTV ଲଗାଇଦେଲେ ବାପା, କାରଣ ଜାଣିଲେ ହେବେ ଆଶ୍ଚର୍ଯ୍ୟ

ନିଜ ସନ୍ତାନଙ୍କ ପ୍ରତି ପିତାମାତାଙ୍କ ସ୍ନେହ ସଂସାରର ସବୁଠୁ ଦାମୀ ସାମଗ୍ରୀ ଠାରୁ ଅଧିକ ଅମୂଲ୍ୟ । ସବୁ ପିତାମାତା ଚାହାନ୍ତି ତାଙ୍କର ଝିଅ କିମ୍ବା ପୁଅ ସୁରକ୍ଷିତ ରୁହନ୍ତୁ । ଘରୁ ଗୋଡ଼ କାଢ଼ି ଯୁଆଡ଼େ ବି ଯାଆନ୍ତୁ ସୁରକ୍ଷିତ ଘରକୁ ଫେରନ୍ତୁ । ସନ୍ତାନଙ୍କ ଚିନ୍ତା ସର୍ବଦା ପିତାମାତାଙ୍କର ରହିଥାଏ । ତେବେ ନିଜ ଝିଅର ସୁରକ୍ଷା ପାଇଁ ଜଣେ ପାକିସ୍ତାନୀ ପିତା ଏମିତି କିଛି ନିଷ୍ପତ୍ତି ନେଇଛନ୍ତି ଯାହା ଏବେ ଚର୍ଚ୍ଚାର ବିଷୟ ପାଲଟିଛି । 

ଝିଅ ମୁଣ୍ଡରେ ସିସିଟିଭି ଲଗାଇଛନ୍ତି ଜଣେ ବାପା । ଜଣେ ଝିଅଙ୍କ ମୁଣ୍ଡରେ ସିସିଟିଭି ଲାଗିଛି ଓ ସେ ସାକ୍ଷାତକାର ଦେଉଥିବାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ସାକ୍ଷାତକାରରେ ଝିଅଟି ମଧ୍ୟ ସ୍ପଷ୍ଟ କରୁଛନ୍ତି ଯେ କାହିଁକି ତାଙ୍କର ମୁଣ୍ଡରେ ବାପା ସିସଟିଭା ଲଗାଇଛନ୍ତି । ତେବେ ଝିଅକୁ ଟ୍ରାକ୍ କରିବା ଓ ସୁରକ୍ଷିତ ରଖିବା ପାଇଁ ତାଙ୍କର ବାପା ଏମିତି ଯୋଜନା କରିଥିବା କୁହାଯାଉଛି ।  ଏହି ଭିଡିଓକୁ ସେୟାର କରି ଜଣେ ୟୁଜର୍ସ ଲେଖିଛନ୍ତି 'ନେକ୍ସଟ ଲେଭେଲ୍ ସିକ୍ୟୁରିଟି' ।

ସାକ୍ଷାତକାରରେ ମହିଳାଙ୍କ ବାବଦରେ କୌଣସି ସୂଚନା ନଥିବାବେଳେ ସେ କହିଛନ୍ତି ଯେ ତାଙ୍କର ବାପା ସେ କୁଆଡ଼େ ଯାଉଛନ୍ତି, କଣ କରୁଛନ୍ତି ସବୁ ନଜର ରଖିବାକୁ ଏପରି କରିଛନ୍ତି । ମୁଣ୍ଡରେ ସିସିଟିଭି ଲଗାଇବାକୁ ବାପାଙ୍କୁ ବିରୋଧ କରିଥିଲେ କି ପ୍ରଶ୍ନର ସେ ମନା କରିଛନ୍ତି ।
ତେବେ ନିକଟରେ କରାଚୀରେ ଜଣେ ମହିଳାଙ୍କୁ ହତ୍ୟା କରାଯାଇଥିବା ଘଟଣାକୁ  ମନେପକାଇ ମହିଳା ଜଣଙ୍କ କହିଛନ୍ତି ବାପା ତାଙ୍କର ସିକ୍ୟୁରିଟି ଗାର୍ଡ । କ୍ୟାମେରା ସାହାଯ୍ୟରେ ତାଙ୍କୁ ଟ୍ରାକ କରିବେ ବାପା । କେହି ବି ସୁରକ୍ଷିତ ନୁହଁନ୍ତି, କରାଚୀ ଭଳି ଘଟଣା ତାଙ୍କ ସହିତ ବି ଘଟିପାରେ କହିଛନ୍ତି ମହିଳାଜଣଙ୍କ । 

ତେବେ ସବୁଠୁ ମଜାଦାର କଥା ହେଉଛି, ଏହି ସାକ୍ଷାତକାର ଭିଡିଓକୁ ଅନେକ ୟୁଜର୍ସ ସୋସିଆଲ ମିଡିଆରେ ସେୟାର କରୁଛନ୍ତି ଓ ଖୁସି ବ୍ୟକ୍ତ କରିଛନ୍ତି । ଜଣେ ୟୁଜର୍ସ ଲେଖିଛନ୍ତି, ଏତେ ପରିମାଣର ଡିଜିଟାଲ ବି ହେବାର ନଥିଲା । ସେହିପରି ଅନ୍ୟଜଣେ ଲେଖିଛନ୍ତି 'SheCTV camera' । ଆଉଜଣେ ୟୁଜର୍ସ ମଜାଦାର କମେଣ୍ଟ ସହ ଲେଖିଛନ୍ତି, 'ପଛପଟୁ ଆକ୍ରମଣ କଲେ ଜାଣିବା କଷ୍ଟକର ହେବ' ।

next level security pic.twitter.com/PpkJK4cglh

— Dr Gill (@ikpsgill1) September 6, 2024