ହୃଦୟ ବିଦାରକ !! ଫାର୍ମରେ ଭୟଙ୍କର ବିସ୍ଫୋରଣ; ଜଳିଗଲେ ୧୮ ହଜାର ଗାଈ

ଭୟଙ୍କର ବିସ୍ଫୋରଣରେ ଚାଲିଗଲା ଏକାଥରକେ ୧୮ ହଜାର ଗାଈଙ୍କ ଜୀବନ । ଆମେରିକାର ଟେକ୍ସାସ୍‌ରେ ଘଟିଛି ଏହି ଅଭାବନୀୟ ଘଟଣା । ଟେକ୍ସାସ୍‌ର ଏକ ଫାର୍ମରେ ରହୁଥିବା ୧୮ହଜାର ଗାଈ ବିସ୍ଫାରଣରେ ପ୍ରାଣ ହରାଇଥିବା ନେଇ ସୂଚନା ମିଳିଛି । ତେବେ ନିଆଁ ଲାଗିବାର କାରଣ ଏଯାଏଁ ଜଣାପଡ଼ିନାହିଁ ।

କାଷ୍ଟରୋ କଣ୍ଟ୍ରି ସେରିଫ୍ସ ଅଫିସ୍‌ ପକ୍ଷରୁ ଏହାର ଫଟୋ ସେୟାର କରାଯାଇଛି । ଫଟୋରେ ଭୟଙ୍କର ବିସ୍ଫୋରଣ ହୋଇଥିବା ଦେଖବାକୁ ମିଳିଛି । ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି  ନିଆଁକୁ ଆୟତ୍ତ କରିବା ସହ ଜଣଙ୍କୁ ଉଦ୍ଧାର କରିଛି । ବିସ୍ଫୋରଣ ବେଳେ ସେ ବିଲ୍ଡିଂ ଭିତରେ ରହିଯାଇଥିଲେ । ବିଲ୍ଡିଂ ଆଖପାଖର ସମସ୍ତ ରାସ୍ତାକୁ ସୁରକ୍ଷା ଦୃଷ୍ଟିରୁ ବନ୍ଦ କରାଯାଇଛି ।

ପୂର୍ବରୁ ଆମେରିକାରେ ଏଭଳି ଅଘଟଣ କାରଣରୁ ଅନେକ ପଶୁଙ୍କ ମୃତ୍ୟୁ ହୋଇଛି । ପଶୁ କଲ୍ୟାଣ ପ୍ରତିଷ୍ଠାନ ପକ୍ଷରୁ ବାରମ୍ବାର ସଚେତନ କରାଗଲେ ମଧ୍ୟ ଏଯାଏଁ ପଶୁଙ୍କ ସୁରକ୍ଷା ପାଇଁ ଫାର୍ମ ମାନଙ୍କରେ ଅଗ୍ନି ନିରାପତ୍ତା ବ୍ୟବସ୍ଥା କରାଯାଇନାହିଁ । କେତେକ ଫାର୍ମ ଏହି ନିୟମକୁ ମାନି ଅଗ୍ନି ନିରାପତ୍ତା ବ୍ୟବସ୍ଥା ଉପରେ ଗୁରୁତ୍ୱ ଦେଇଥିବା ବେଳେ ଅନେକ ଏହାକୁ ଅଣଦେଖା କରିଛନ୍ତି । 

୨୦୧୩ ପରେ ଆମେରିକାରେ ଏଭଳି ଭୟଙ୍କର ଅଗ୍ନିକାଣ୍ତ ଦେଖିବାକୁ ମିଳିଛି । ଯେଉଁଥିରେ ୧୮ହଜାର ଗାଈଙ୍କ ପ୍ରାଣ ଯାଇଛି ।