LIVE TV
ଇସଲାମାବାଦ୍: ହସ୍ପିଟାଲ୍ର କଳାକାରନାମା, ନବଜାତ ଶିଶୁ ବଦଳରେ ମା’କୁ ଦେଲେ ପ୍ଲାଷ୍ଟିକ୍ କଣ୍ଢେଇ। ପାକିସ୍ତାନର ଏକ ହସ୍ପିଟାଲରୁ ଏଭଳି ମାମଲା ସାମ୍ନାକୁ ଆସିଛି । ଘଟଣାରେ ଏକ ନବଜାତ ଶିଶୁକୁ ଅପହରଣ କରାଯାଇ ଶିଶୁ ବଦଳରେ ଏକ ପ୍ଲାଷ୍ଟିକ୍ କଣ୍ଢେଇକୁ ରଖିଦିଆଯାଇଛି ।
ପାକିସ୍ତାନର ରାୱଲପିଣ୍ଡି ସ୍ଥିତ ହୋଲି ଫ୍ୟାମିଲି ହସ୍ପିଟାଲରେ ଏହି ଘଟଣା ଦେଖିବାକୁ ମିଳିଛି । ଗତ ନଭେମ୍ୱର ମାସ ୧ ତାରିଖରେ ଡାକ୍ତରଖାନାରୁ ଜଣେ ନବଜାତ ଶିଶୁ ଜନ୍ମ ହୋଇଥିଲା । ଜନ୍ମର କିଛି କ୍ଷଣ ମଧ୍ୟରେ ହିଁ ଶିଶୁଟିକୁ ଅପହରଣ କରାଯାଇଥିଲା । ଅପହରଣକାରୀ ପିଲା ବଦଳରେ ଅବିକଳ ଶିଶୁ ଭଳି ଦେଖିବାକୁ ଏକ ପ୍ଲାଷ୍ଟିକ୍ କଣ୍ଢେଇକୁ ରଖିଦେଇଥିଲା । ଯେତେବେଳେ ନବଜାତ ଶିଶୁର ମାଆଙ୍କ ଚେତା ଫେରିଥିଲା ସେତେବେଳେ ସେ ତାଙ୍କ ଛୁଆକୁ ଦେଖିବାକୁ ଇଚ୍ଛା ପ୍ରକାଶ କଲେ । ସେହି ସମୟରେ ହସ୍ପିଟାଲ୍ କର୍ମଚାରୀମାନେ ଶିଶୁ ବଦଳରେ ଏକ ପ୍ଲାଷ୍ଟିକ୍ କଣ୍ଢେଇକୁ ତାଙ୍କ କୋଳକୁ ଦେଇଥିଲେ ।
ہولی فیملی ہسپتال سے نوزائیدہ بچے کے اغوا کی اطلاع پر CPO محمد احسن یونس کا نوٹس، SDPO نیوٹاؤن بینش فاطمہ اور SHO موقعہ پر موجود، تحقیقات جاری ہیں۔ واقعہ کا مقدمہ درج کیاجارہاہے، بچےکی بحفاظت بازیابی یقینی بناتے ہوئے ملوث ملزم/ملزمان کوگرفتارکرکےقانون کےکٹہرے میں کھڑاکیا جائے گا۔ pic.twitter.com/woMfxYc3se
— Rawalpindi Police (@RwpPolice) October 31, 2021
Also Read
ନ୍ୟୁଜ୍ ଏଜେନ୍ସି ଏ.ଆର୍.ୱାଇର ରିପୋର୍ଟ ଅନୁସାରେ, ଶିଶୁର ପରିବାର ଲୋକେ ଉକ୍ତ ଘଟଣାକୁ ନେଇ ଥାନାରେ ଅଭିଯୋଗ କରିଥିଲେ । ଅଭିଯୋଗ ଅନୁଯାୟୀ ପୋଲିସ ଘଟଣାଟିର ତଦନ୍ତ ମଧ୍ୟ ଆରମ୍ଭ କରିଥିଲା । ଯାହା ପରେ ହସ୍ପିଟାଲ୍ କର୍ତ୍ତୁପକ୍ଷ ଶିଶୁଟିର ଅପହରଣ କରିଥିବାରୁ ନିଜ ଭୁଲ୍କୁ ସ୍ୱୀକାର କରିଥିଲେ । ଏହାସହ ମାମଲାରେ ପୋଲିସକୁ ସମ୍ପୂର୍ଣ୍ଣ ସହଯୋଗ କରିବେ ବୋଲି ହସ୍ପିଟାଲ୍ କର୍ତ୍ତୁପକ୍ଷ ପ୍ରିତିଶୃତି ଦେଇଛନ୍ତି ।
(ନବଜାତ ବଦଳରେ ରଖାଯାଇଥିବା ପ୍ଲାଷ୍ଟିକ୍ କଣ୍ଢେଇର ଚିତ୍ର)ସୂଚନା ଅନୁସାରେ,ଏହି ଘଟଣାର ଏକ ଭିଡିଓ ମଧ୍ୟ ସୋସିଆଲ୍ ମିଡିଆରେ ବେଶ୍ ଭାଇରାଲ୍ ହେବାରେ ଲାଗିଛି । ଭିଡିଓରେ ଦେଖିବାକୁ ମିଳିଛି ଯେ, ଘଟଣାକୁ ନେଇ ହସ୍ପିଟାଲ୍ରେ ତୀବ୍ର ଉତ୍ତେଜନା ଦେଖାଯାଇଛି । ନଭେମ୍ବର ମାସ ୧ ତାରିଖରେ ଏହି ଘଟଣାଟି ହୋଇଥିବାବେଳେ ବର୍ତ୍ତମାନ ପର୍ଯ୍ୟନ୍ତ ଘଟଣାଟିର ତଦନ୍ତ କରାଯାଉଛି । ପୋଲିସ୍ ହସ୍ପିଟାଲ୍ର ସିସିଟିଭି ଯାଂଚ କରିବା ସହ ବିଭିନ୍ନ ସ୍ଥାନରେ ଖୋଜାଖୋଜି ଜାରି ରଖିଥିବାର ସୂଚନା ମିଳିଛି । ତେବେ କେମିତି ଖୁବ୍ ଶୀଘ୍ର ଶିଶୁକୁ ଚିହ୍ନଟ କରାଯିବ ସେନେଇ ତଦନ୍ତ ପ୍ରକ୍ରିୟା ଜାରି ରଖାଯାଇଛି । ଏଭଳି ଅପ୍ରୀତିକର ପରିସ୍ଥିତିକୁ ଧୌର୍ଯ୍ୟର ସହ ସାମ୍ନା କରିବା ପାଇଁ ନବଜାତ ଶିଶୁର ମା’ କୁ ଲୋକମାନେ ପରାମର୍ଶ ଦେଇଛନ୍ତି ।
