LIVE TV
ହାତୀ ମଣିଷ ଲଢ଼େଇର ଆପଣ ଅନେକ ଚିତ୍ର ଦେଖିଛନ୍ତି । କେଉଁଠି ହାତୀ ଉପଦ୍ରବ ତ କେଉଁଠି ଆତଙ୍କରେ କମ୍ପିଥାଏ ଗାଁ, ଗଣ୍ଡା ଓ ସହର ଉପକଣ୍ଠ । ହାତୀ-ମଣିଷ ଓ ମଣିଷ-ହାତୀ ଲଢ଼େଇ ମଧ୍ୟରେ କେବେ ହାତୀ ଦଳି ଦେବାରୁ ମଣିଷ ମରୁଛି ତ ପୁଣେ କେଉଁଠି ଶିକାରୀ ଆକ୍ରମଣରେ ଆହତ ହୋଇ ଜୀବନ ହାରୁଛି ହାତୀ । ପୁଣି କେଉଁଠି ସାଥୀ ସାଜୁଛି ହାତୀ, ଆଉ ସେଇ ସାଥୀକୁ ବଞ୍ଚାଇବା ପାଇଁ ନିଜ ଜୀବନକୁ ତୁଚ୍ଛ କରିଥାଏ ମଣିଷ ।
ଠିକ୍ ଏମିତି କିଛି ଦୃଶ୍ୟ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ସୋସିଆଳ ମିଡିଆରେ ଏକ ଗଜଉଦ୍ଧାରଣ ଦୃଶ୍ୟ ଏବେ ଖୁବ୍ ଭାଇରାଲ ହେଉଛି । ଭିଡିଓଟି ଥାଇଲାଣ୍ଡର ବୋଲି ଜଣାପଡ଼ିଛି । ସ୍ଥାନୀୟ ଖାଓ ୟାଇ ନ୍ୟାସନାଲ ପାର୍କରୁ ଆସିଛି ସେହି ଚିତ୍ର । ସେଠାରେ କ୍ରେନ୍ ସାହାଯ୍ୟରେ କରାଯାଇଛି କୁନି ହାତୀର ରେସକ୍ୟୁ ଅପରେସନ । ପାଖରେ ଅଚେତ ଅବସ୍ଥାରେ ପଡ଼ିଥିବା ହାତୀକୁ ଉଦ୍ଧାର ପାଇଁ କରାଯାଇଛି ପ୍ରୟାସ ।
Also Read
Heart rendering moments of mother’s sacrificial attempt & successful artificial resuscitation of the mother & rescue of baby elephant by dedicated Thailand forest personnel🐘🐘……… pic.twitter.com/p7zUbEhHc7
— Sandeep Tripathi, IFS (@sandeepifs) July 17, 2022
ପାର୍କ ଓ ବନ ବିଭାଗ କତ୍ତୃପକ୍ଷ ତା ସାଙ୍ଗକୁ ପଶୁ ବିଶେଷଜ୍ଞ ଟିମ୍ ଲାଗି ପଡ଼ିଛନ୍ତି ହାତୀ ରେସକ୍ୟୁ ଅପରେସନରେ । ରାସ୍ତା କଡ଼ରେ ଥିବା ଏକ ଡ୍ରେନ୍ରେ ଗଳି ପଡ଼ିଥିଲା ଏହି ବର୍ଷକର ହାତୀ ଛୁଆ । ତାକୁ ଉଦ୍ଧାର କରିବାକୁ ଯାଇ ଫସିଯାଇଥିଲା ମାଆ ହାତୀ ।
ଖବର ପାଇ ରେସକ୍ୟୁ ଟିମ୍ ଘଟଣାସ୍ଥଳରେ ପହଞ୍ଚିଥିଲେ । ୧୦ ବର୍ଷୀୟ ମାଆ ହାତୀକୁ ସୁରକ୍ଷିତ ଉଦ୍ଧାର ପାଇଁ ତାକୁ ଟ୍ରାଙ୍କୁଲାଇଜ୍ କରାଯାଇଥିଲା । ଏହା ପରେ କ୍ରେନ୍ ସାହାଯ୍ୟରେ ମାଈ ହାତୀକୁ ସୁରକ୍ଷିତ ସ୍ଥାନକୁ ଉଠାଇ ଅଣଯାଇଥିଲା । ଏହାର କିଛି କ୍ଷଣ ମଧ୍ୟରେ ହିଁ ବର୍ଷକର କୁନି ହାତୀ ଛୁଆକୁ ମଧ୍ୟ ରେସକ୍ୟୁ ଟିମ୍ ସଫଳତାର ସହ ଉଦ୍ଧାର କରିବାରେ ସକ୍ଷମ ହୋଇଥିଲେ । ତେବେ ରେସକ୍ୟୁ ଟିମ୍ ମାଈ ହାତୀର ଚେତା ନ ଫେରିବାରୁ ଚିନ୍ତାରେ ପଡ଼ିଯାଇଥିଲେ, ଏହା ପରେ ହାତୀ ଉପରେ ଚଢ଼ିଯାଇଥିଲେ ପଶୁ ଡାକ୍ତରୀ ଟିମ୍ । ସିପିଆର ଦ୍ୱାରା ହାତୀର ଜୀବନ ରକ୍ଷା ପାଇଁ ଲାଗି ପଡ଼ିଥିଲା ଟିମ୍ । ବାସ୍ କିଛି ସମୟର ପରିଶ୍ରମ ପରେ ନାଟକୀୟ ଶୈଳୀରେ ହାତୀ ଉଠିଥିଲା ଏବଂ ଛୁଆ ହାତୀ ସହ ରାସ୍ତା ପାର୍ ହୋଇ ପାର୍କ ଭିତରକୁ ଚାଲିଯାଇଥିଲା । ଏବେ କିନ୍ତୁ ଏହି ଘଟଣାର ସମ୍ପୂର୍ଣ୍ଣ ଭିଡିଓ ସୋସିଆଲ ମିଡିଆରେ ବେଶ୍ ଭାଇରାଲ ହେଉଛି ।
ELEPHANT RESCUE: A veterinarian and national park staff saved an elephant mother in Thailand after they performed CPR on her Wednesday The elephant fainted from stress after her calf fell and got stuck in a hole. They were both rescued and safely walked back into the wild. pic.twitter.com/O1WZhzBDZW
— CBS News (@CBSNews) July 14, 2022
