ଆଖଡ଼ା ପାଲଟିଲା ରାସ୍ତା; ଗାଡ଼ି ଅଟକାଇ ଦମଦାର ଫାଇଟ୍‌ କଲେ ଗୋଧି

ଜୀବନରେ ମନୋରଞ୍ଜନର ତଡ଼କା ଲଗାଏ ସୋସିଆଲ ମିଡିଆ । ବର୍ତ୍ତମାନ ହେଉଛି ସୋସିଆଲ ମିଡିଆର ଯୁଗ । କିଛି ଭଲ ଘଟଣା ହେଉ ବା ଖରାପ, ତାହା ୟୁଜର୍ସମାନେ ଏଠାରେ ଖୁଲମ ଖୁଲା ବୟାନ କରିଥାନ୍ତି । ଭଲ ହୋଇଥିଲେ ଲୋକେ ସ୍ୱାଗତ କରନ୍ତି ଓ ଖରାପ ହୋଇଥିଲେ ତିରସ୍କାର କରନ୍ତି ।

ସୋସିଆଲ ମିଡିଆରେ ପ୍ରତିଦିନ ଏମିତି କିଛି ଭିଡିଓ ସେୟାର କରାଯାଏ, ଯାହା ଖୁବ୍‌ କମ୍‌ ସମୟ ମଧ୍ୟରେ ନିଆଁ ଭଳି ଖେଳିଯାଏ । ପଶୁପକ୍ଷୀଙ୍କର ଅନେକ ମଜାଦାର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥାଏ । କୁସ୍ତି ଖେଳ ମଣିଷ ଖେଳନ୍ତି ବୋଲି ସଭିଏଁ ଜାଣନ୍ତି, କିନ୍ତୁ କେବେ ଦେଖିଛନ୍ତି କି ଗୋଧି କୁସ୍ତି ଲଢିବାର । ବର୍ତ୍ତମାନ ସୋସିଆଲ ମିଡିଆରେ ସେହିପରି ଏକ ଭିଡିଓ ଭାଇରାଲ ହେବାରେ ଲାଗିଛି, ଯେଉଁଠିରେ ଦୁଇଟି ବିରାଚକାୟ ଗୋଧି ରାସ୍ତା ମଝିରେ କୁସ୍ତି ଲଢ଼ୁଛନ୍ତି । ଭାଇରାଲ ଭିଡିଓଟି ଥାଇଲାଣ୍ତ ସହରର ବୋଲି କୁହଯାଉଛି ।

View this post on Instagram

A post shared by NowThis (@nowthisnews)

ଭାଇରାଲ ହେଉଥିବା ଭିଡିଓରେ ଦେଖିବାକୁ ମିଳିଛି ଯେ, ଦୁଇଟି ଗୋଧି ବିଚ୍‌ ରାସ୍ତାରେ ପରସ୍ପରକୁ କୁଣ୍ଢାଇ କୁସ୍ତି ଲଢ଼ୁଛନ୍ତି । ଯାହାଫଳରେ ୩୦ ମିନିଟ୍‌ ପର୍ଯ୍ୟନ୍ତ ରାସ୍ତାରେ ଯାତାୟତ ସମ୍ପୂର୍ଣ୍ଣ ଠପ୍‌ ହୋଇଯାଇଛି । ସେଠାରେ ଉପସ୍ଥିତ ଥିବା ଜଣେ କାର୍‌ ଡ୍ରାଇଭର କହିଛନ୍ତି ଯେ, ‘ମୁଁ ପ୍ରଥମେ ସେହି ଦୁଇ ଗୋଧିଙ୍କୁ ବୟଫ୍ରେଣ୍ତ ଓ ଗାର୍ଲଫ୍ରେଣ୍ତ ଭାବିଥିଲି, କିନ୍ତୁ ଶେଷରେ ଜାଣିପାରିଲି କି ସେମାନେ ଝଗଡ଼ା ହେଉଛନ୍ତି’ ।

ଏହି ଭିଡିଓକୁ ଇନ୍‌ଷ୍ଟାଗ୍ରାମ ପେଜ୍‌ରେ ସେୟାର କରାଯାଇଥିଲା । ଏହାକୁ ବର୍ତ୍ତମାନ ଯାଏଁ ୮ ଲକ୍ଷରୁ ଅଧିକ ଲୋକ ଦେଖିସାରିଲେଣି ଓ ହଜାର ହଜାର କମେଣ୍ଟ ମଧ୍ୟ ଆସିଛି । ସେଥିମଧ୍ୟରୁ ଜଣେ ୟୁଜର୍ସ କହିଛନ୍ତି ଯେ, ଫାଇଟ୍‌ଟି ଦମଦାର ହେଉ ଏବଂ ଜଣେ ବିଜୟୀ ହେଉ । ଆଉ କେହି କମେଣ୍ଟ କରୁଛନ୍ତି ଯେ, ସେମାନଙ୍କ ଝଗଡ଼ା ମଧ୍ୟରେ ଜଣେ ରେଫରି ରେଫ୍ରିଂ କରୁ ।