LIVE TV
ସମୁଦ୍ରରେ ୩ ଜଣ ବ୍ୟକ୍ତି ୧୧ଦିନ ଧରି ଭୋକ ଓ ଶୋଷରେ ପରେ ସ୍ପେନ କୋଷ୍ଟଗାର୍ଡ ଦ୍ୱାରା ଉଦ୍ଧାର ହୋଇଛନ୍ତି, ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ଏକ ବଡ ଜାହାଜରେ ନାଇଜେରିଆର ଲାଗୋସ୍ ଛାଡି ଲୁଚି ପଳେଇଯାଉଥିବା ଏହି ସମସ୍ତ ଲୋକ କେନରୀ ଦ୍ୱୀପରେ ପହଞ୍ଚିଥିଲେ।
ଏକ ରିପୋର୍ଟ ଅନୁଯାୟୀ, ଯେତେବେଳେ ସମସ୍ତଙ୍କୁ ଉଦ୍ଧାର କରାଯାଇଥିଲା, ସେତେବେଳେ ସେମାନଙ୍କ ପାଖରେ ଡିହାଇଡ୍ରେସନ୍ ଏବଂ ହାଇପୋଥର୍ମିଆର ଲକ୍ଷଣ ମିଳିଥିଲା। ପରେ ସେମାନଙ୍କୁ ତୁରନ୍ତ ସେହି ଦ୍ୱୀପରେ ଥିବା ଏକ ଡାକ୍ତରଖାନାକୁ ଚିକିତ୍ସା ପାଇଁ ସ୍ଥାନାନ୍ତର କରାଯାଇଥିଲା।
Also Read
ସଲ୍ଲାମେଣ୍ଟୋ ମାରିଟିମୋ ନାମକ ଜଣେ ବ୍ୟକ୍ତି ସୋମବାର ଏହାର ଏକ ଫଟୋ ଟ୍ୱିଟର୍ରେ ପୋଷ୍ଟ୍ କରିଛନ୍ତି। ଏହି ତିନି ଛଦ୍ମବେଶୀ ଯାତ୍ରୀ ତୈଳ ଏବଂ ରାସାୟନିକ ଟ୍ୟାଙ୍କର୍ ଆଲିଥିନି-୨ର ମଙ୍ଗରେ ଲୁଚିଥିବା ଦେଖିବାକୁ ମିଳିଥିଲା।
ସେହି ପୋଷ୍ଟର କ୍ୟାପ୍ସନ ସେଠାକାର ଲୋକାଲ୍ ଭାଷାରେ ଲେଖାଥିଲା। ଅନୁବାଦ କରିବାରୁ ଜଣାପଡିଥିଲା ଯେ “ଆଜି ଅପରାହ୍ନରେ ସାଲଭାମର ନୁଙ୍କି ଲାସ୍ ପାଲମାସ୍ ବନ୍ଦରରେ ଲଙ୍ଗର ହୋଇଥିବା ଏବଂ ନାଇଜେରିଆରୁ ଆସୁଥିବା ଆଲିଥିନି-୨ ଜାହାଜର ରଡର୍ ବ୍ଲେଡରେ ତିନିଜଣ ଯାତ୍ରୀଙ୍କୁ ଉଦ୍ଧାର କରାଯାଇଥିଲା। ସେମାନଙ୍କୁ ବନ୍ଦର ଆଡକୁ ଅଣାଯାଇ ଚିକିତ୍ସା କରାଯାଉଛି।”
କୁହାଯାଉଛି ଯେ, ତିନିଜଣ ପ୍ରବାସୀ ଜାହାଜର ମଙ୍ଗରେ ବସିଥିବା ବେଳେ ଆଟଲାଣ୍ଟିକ୍ ମହାସାଗରର କିଛି ଫୁଟ ଉପରେ ସେମାନଙ୍କ ଗୋଡ ଝୁଲୁଥିଲା। ସାମୁଦ୍ରିକ ଯାତାୟାତ ଅନୁଯାୟୀ ନାଇଜେରିଆର ଲାଗୋସ୍ରୁ ୧୧ ଦିନିଆ ଯାତ୍ରା ପରେ ସୋମବାର ଅପରାହ୍ନରେ ମାଲ୍ଟିଜ୍-ଫ୍ଲାଗ୍ ଥିବା ଆଲିଥିନି-୨ ଜାହାଜ ଗ୍ରେନ୍ କେନରିଆର ଲାସ୍ ପାଲମାସରେ ପହଞ୍ଚିଥିଲା।
La Salvamar Nunki ha rescatado esta tarde a tres polizones localizados en la pala del timón del buque Althini II, fondeado en entrediques del puerto de Las Palmas y procedente de Nigeria. Han sido trasladados al puerto y atendidos por servicios sanitarios. pic.twitter.com/1Ei1FieAV3
— SALVAMENTO MARÍTIMO (@salvamentogob) November 28, 2022
ଆହୁରି ମଧ୍ୟ କୁହାଯାଇଛି ଯେ ଭୂମଧ୍ୟସାଗର ମାର୍ଗରେ ଯାଞ୍ଚ କଡାକଡି ହେବା ପରେ ୨୦୨୧ ଶେଷ ସୁଦ୍ଧା ଉତ୍ତର ଆଫ୍ରିକାରୁ କେନରିକୁ ପ୍ରବାସୀଙ୍କ ବିପଜ୍ଜନକ ସୀମା ପାର୍ ଆଶ୍ଚର୍ଯ୍ୟଜନକ ଭାବେ ବୃଦ୍ଧି ପାଇଛି।
