LIVE TV
ଏୟାର ସୋରେ ଦୁଇ ସାମରିକ ବିମାନ ଧକ୍କା (airplanes collide and crash ) । ମଝି ଆକାଶରେ ବାଡ଼େଇ ହେଲେ ଏୟାର ସୋରେ ଜଲୱା ଦେଖାଉଥିବା ଦୁଇ ବିମାନ । ଆମେରିକା ଡଲାସରେ ଏୟାର ସୋ ଚାଲିଥିବା ବେଳେ ଏହି ଅଘଟଣ ଘଟିଛି । ଦୁଇ ବିମାନ ପରସ୍ପର ସହ ବାଡେଇ ହେବା ପରେ ଗୋଟିଏ ବିମାନ ଦୁଇ ଖଣ୍ଡ ହୋଇଯାଇଥିବା ବେଳେ ଅନ୍ୟ ଏକ ବିମାନଟି ଚୁରମାର ହୋଇଯାଇଛି । ଏଥିରେ ୬ ଜଣଙ୍କର ମୃତ୍ୟୁ ହୋଇଛି ।
Also Read
अमेरिका के डलास एयरपोर्ट पर एयर शो के दौरान दो विमानों की टक्कर।
— Umashankar Singh उमाशंकर सिंह (@umashankarsingh) November 12, 2022
pic.twitter.com/Keoo34BAvu
ଫେଡେରାଲ୍ ଏଭିଏସନ୍ ଆଡମିନିଷ୍ଟ୍ରେସନ୍ (FAA) ଅନୁସାରେ, ଶନିବାର ଦିନ ଆମେରିକାର ଡଲାସ୍ ଠାରେ ଏକ ଏୟାର ସୋ ଆୟୋଜିତ ହୋଇଥିଲା । ଡଲାସ୍ ଏକଜିକ୍ୟୁଟିବ୍ ଏୟାରପୋର୍ଟରେ ଏହି ଏୟାର ସୋ ଦେଖିବାକୁ ହଜାର ହଜାର ସଂଖ୍ୟାରେ ଦର୍ଶକ ଏକାଠି ହୋଇଥଲେ । ଦ୍ୱିତୀୟ ବିଶ୍ୱଯୁଦ୍ଧ ସମୟରେ ବ୍ୟବହୃତ ହୋଇଥିବା ବିମାନକୁ ନେଇ ଚାଲିଥିଲା ଏୟାର ସୋ । ହଠାତ୍ ବୋଇଙ୍ଗ ବି -୧୭ ଫ୍ଲାଇଙ୍ଗ ଫୋର୍ଟସ ବମ୍ବର , ବେଲ୍ P-63 କିଙ୍ଗକୋବ୍ରା ଯୁଦ୍ଧ ବିମାନ ସହିତ ମୁହାଁମୁହିଁ ଧକ୍କା ହୋଇଥିଲା । ଏଥିରେ ୬ ଜଣଙ୍କର ଜୀବନ ଚାଲିଯାଇଥିବା ବେଳେ ଦୁର୍ଘଟଣାସ୍ଥଳରେ ଆକାଶ ଧୂଆଁମୟ ହୋଇଯାଇଥିଲା । ଆମେରିକା ସେନାବାହିନୀ ପକ୍ଷରୁ ଚାଲିଥିଲା ଏହି ଏୟାର ସୋ ।
ବିମାନବନ୍ଦର ଜଣେ ଅଧିକାରୀ ଟ୍ୱିଟ କରି କହିଛନ୍ତି, ଦୁର୍ଘଟଣାସ୍ଥଳରେ ପହଞ୍ଚିଛନ୍ତି ଜରୁରୀକାଳୀନ କର୍ମଚାରୀ । ଦୁର୍ଘଟଣା ପରେ ବିମାନର କ୍ରୁ ସଦସ୍ୟଙ୍କୁ ଖୋଜାଚାଲିଛି । ହେଲେ ଉଭୟ ବିମାନରେ କେତେ ଲୋକ ଥିଲେ ଏବେ ସୁଦ୍ଧା ସ୍ପଷ୍ଟ ହୋଇପାରିନାହିଁ । ତେବେ ସୋସିଆଲ ମିଡିଆରେ ପୋଷ୍ଟ ହୋଇଥିବା ଏକ ଭିଡିଓ କ୍ଲିପ୍ରେ ପୂରା ଘଟଣା କଏଦ ହୋଇଛି, ଯେଉଁଥିରେ ଦୁଇଟି ବିମାନ ଧକ୍କା ହୋଇ ନିଆଁରେ ଲାଗିଯାଉଥିବା ଦେଖିବାକୁ ମିଳୁଛି ।
A WWII bomber just crashed at Dallas Executive Airport. It was part of the Commemorative Air Force’s Wings Over Dallas Show. Wing just came off as it made a pass over the airfield. Tragic and horrible to witness. #CAF #WingsOverDallas #WarBirds pic.twitter.com/oojv4KmUsX
— Christopher Kratovil (@chris_kratovil) November 12, 2022
ବର୍ତ୍ତମାନ ଉଭୟ FAA ଏବଂ ଜାତୀୟ ପରିବହନ ସୁରକ୍ଷା ବୋର୍ଡ (NTSB) ଦୁର୍ଘଟଣା ସମ୍ପର୍କରେ ଯାଂଚ ଆରମ୍ଭ କରିଛି ।
