LIVE TV
ଆଫଗାନିସ୍ତାନରେ ତାଲିବାନ କ୍ଷମତାକୁ ଆସିବା ପରଠାରୁ ଅର୍ଥନୀତି ପୁରା ଦେବାଳିଆ ହୋଇପଡିଛି । ହଜାର ହଜାର ଲୋକ ନିଯୁକ୍ତି ହରାଇଥିବା ବେଳେ ଲୋକମାନେ ଦୁଇମୁଠା ଖାଇବାକୁ ପାଉନାହାହାନ୍ତି । ଦିନକୁ ଦିନ ଆହୁରି ବିଗୁଡିଛି ସ୍ଥିତି ।
ଟିଭି ସାମ୍ବାଦିକ ମୁସା ମହମ୍ମାଦି ଚାକିରି ହରାଇବା ପରେ ରାସ୍ତା ବସି ଖାଦ୍ୟ ବିକୁଥିବା ଦୃଶ୍ୟ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଦିନେ ସେ ଆଫଗାନିସ୍ତାନର ଜଣେ ଆଗଧାଡିର ଉପସ୍ଥାପକ ଥିଲେ । ବିଭିନ୍ନ ଟିଭି ଚ୍ୟାନେଲ ପାଇଁ ସେ ରିପୋର୍ଟର, ଆଙ୍କର ଭାବେ କାମ ମଧ୍ୟ କରିଛନ୍ତି । କିନ୍ତୁ ଏବେ ଚାକିରି ଚାଲିଯିବା ପରେ ପରିବାର ଚଳାଇବା ପାଇଁ ତାଙ୍କୁ ସଂଘର୍ଷ କରିବାକୁ ପଡୁଛି । ଟଙ୍କା କିଛି ଯୋଗାଡ କରିବା ପାଇଁ ସେ ରାସ୍ତାରେ ବସି ଖାଦ୍ୟ ବିକୁଛନ୍ତି । ସୋସିଆଲ ମିଡିଆରେ ଏକ ଟ୍ୱିଟ୍ ଭାଇରାଲ ହେବା ପରେ ମୁସା ମହମ୍ମାଦିଙ୍କୁ ଚାକିରି ଦିଆଯିବ ବୋଲି ଆଫଗାନ୍ ସରକାର ଘୋଷଣା କରିଛନ୍ତି ।
Also Read
ଗୁରୁତର ଆର୍ଥିକ ସଂକଟଦେଇ ଗତି କରୁଛି ଆଫଗାନିସ୍ତାନ । ଏପରିକି ତାଲିବାନ କ୍ଷମତାକୁ ଆସିବା ପରେ ମଧ୍ୟ ପରିସ୍ଥିତିରେ କିଛି ବି ପରିବର୍ତ୍ତନ ହୋଇନାହିଁ । ଦିନକୁ ଦିନ ଆହୁରି ସ୍ଥିତି ବିଗିଡ଼ିବାରେ ଲାଗିଛି । ଅନେକ ଲୋକ ପେଟପୁୂରା ମୁଠାଏ ଖାଇବାକୁ ପାଉନାହାନ୍ତି । ଲୋକମାନେ ବାସହୀନ ହୋଇ ଯାଇଥିବା ବେଳେ ବେକାରୀ ସଂଖ୍ୟା ଦିନକୁ ଦିନ ବଢିବାରେ ଲାଗିଛି । ତାଲିବାନ ସରକାର କ୍ଷମତାକୁ ଆସିବାପରେ ଆଫଗାନିସ୍ତାନରେ ରାଜନୈତିକ ଓ ଆଥିିକ ଅସ୍ଥିରତା ଦେଖାଦେଇଛି । ବିଭିନ୍ନ ଗଣମାଧ୍ୟମ ସଂସ୍ଥାକୁ ଟାର୍ଗେଟ କରାଯାଇଛି । କ୍ଷମତାକୁ ଆସିବାର କିଛି ମାସ ମଧ୍ୟରେ ମହିଳା ଗଣମାଧ୍ୟମ କର୍ମଚାରୀ ଚାକିରିରୁ ବିଦା ହୋଇଛନ୍ତି ।
