LIVE TV
ଇସ୍ରାଏଲ ଓ ହମାସ ମଧ୍ୟରେ ଲାଗି ଥିବା ଯୁଦ୍ଧ ଦିନକୁ ଦିନ ଉଗ୍ର ହେଉଥିବାବେଳେ ଜାତିସଂଘରେ ମଧ୍ୟ ଏହି ପ୍ରସଙ୍ଗରେ ଆଲୋଚନା ହୋଇଛି। ଏବେ କିନ୍ତୁ ଯୁଦ୍ଧକୁ ନେଇ ଜାତିସଂଘ ସହ ମୁହାଁମୁହିଁ ହୋଇଛି ଇସ୍ରାଏଲ । ଜାତିସଂଘ ସୁରକ୍ଷା ପରିଷଦରେ ଆଲୋଚନାରେ ଜାତିସଂଘ ମହାସଚିବ ହମାସ ସପକ୍ଷରେ ବାହାରିଥିଲେ। ଏହାର ତୀବ୍ର ବିରୋଧ କରି ଇସ୍ରାଏଲ ଜାତିସଂଘ ମହାସଚିବ ଉପରେ ବର୍ଷିଛନ୍ତି। ଏପରିକି ଆଣ୍ଟୋନିଓ ଗୁଟେରେସଙ୍କ ଇସ୍ତଫା ଦାବି କରିବା ସହ ସେ ଏହି ପଦ ପାଇଁ ଯୋଗ୍ୟ ନୁହନ୍ତି ବୋଲି କହିଛନ୍ତି ଇସ୍ରାଏଲ୍ ରାଷ୍ଟ୍ରଦୂତ। ...
ଆଣ୍ଟୋନିଓ ଗୁଟେରେସ୍ ହମାସ ସପକ୍ଷରେ ବାହାରିବା ପରେ ତାଙ୍କ ଉପରେ ବର୍ଷିଛନ୍ତି ଜାତିସଂଘ ସ୍ଥିତ ଇସ୍ରାଏଲର ରାଷ୍ଟ୍ରଦୂତ ଜିଲାଡ୍ ଏର୍ଡାନ୍ । ସେ କହିଛନ୍ତି ଅସଂଖ୍ୟ ପିଲା, ମହିଳା ଓ ବୟୋବୃଦ୍ଧଙ୍କ ସଂହାର ଅଭିଯାନ ପ୍ରତି ସମବେଦନା ପ୍ରଦର୍ଶନ କରୁଥିବା ଜାତିସଂଘର ମହାସଚିବ ଜାତିସଂଘର ନେତୃତ୍ୱ ନେବାକୁ ଯୋଗ୍ୟ ନୁହନ୍ତି । ସେ ଆହୁରି ମଧ୍ୟ କହିଛନ୍ତି, ମୁଁ ଗୁଟେରେସ୍ ଙ୍କୁ ତୁରନ୍ତ ଇସ୍ତଫା ଦେବାକୁ କହୁଛି।
Also Read
ଇସ୍ରାଏଲୀ ନାଗରିକ ଓ ଇହୁଦୀମାନଙ୍କ ପ୍ରତି କ୍ରୂରତା ପ୍ରଦର୍ଶନ କରିଥିବା ଲୋକମାନଙ୍କ ପ୍ରତି ସମବେଦନା ଦେଖାଇବାରେ କୌଣସି ଯଥାର୍ଥତା ନାହିଁ । ଇସ୍ରାଏଲ ବୈଦେଶିକ ମନ୍ତ୍ରୀ ମଧ୍ୟ ଜାତିସଂଘରେ ନିଜ ଅଭିଭାଷଣରେ ହମାସର ବର୍ବରତାର ବର୍ଣ୍ଣନା କରି ଏହାକୁ ନୂଆ ‘ନାଜି’ ବୋଲି କହିଛନ୍ତି। ...
ଗାଜାରେ ଇସ୍ରାଏଲ୍ ଆକ୍ରମଣ ଜାରି ରହିଥିବାରୁ ଗତ ମଙ୍ଗଳବାର ଆଣ୍ଟୋନିଓ ଗୁଟେରେସ୍ ଚିନ୍ତାବ୍ୟକ୍ତ କରିଥିଲେ। ଜାତିସଂଘ ନିରାପତ୍ତା ପରିଷଦ୍ ବୈଠକରେ ସେ କହିଥିଲେ, ହମାସ୍ ଆକ୍ରମଣ ଅକାରଣରେ ହୋଇଛି ବୋଲି ଧରିନେବାକୁ ପଡ଼ିବ ନାହିଁ। ପାଲେଷ୍ଟାଇନ୍ ବାସୀ ୫୬ ବର୍ଷ ହେବ ଦୁର୍ଦ୍ଦଶାଗ୍ରସ୍ତ ହୋଇ ରହିଛନ୍ତି। ସେମାନଙ୍କ ଦେଶକୁ କ୍ରମଶଃ ଜନବସତି ଗ୍ରାସ କରୁଛି। ମହାମାରୀ ଭଳି ହିଂସା ବ୍ୟାପୁଥିବା ସେମାନେ ଦେଖୁଛନ୍ତି। ଦୁର୍ଦ୍ଦଶାର ରାଜନୈତିକ ସମାଧାନ ଲାଗି ସେମାନେ କରିଥିବା ଆଶା ନିଶ୍ଚିହ୍ନ ହୋଇଯାଉଥିବା ସେମାନେ ଜାଣୁଛନ୍ତି।
ସେପଟେ ଇସ୍ରାଏଲର ଜବାବରେ ପାଲେଷ୍ଟାଇନ ବୈଦେଶିକ ମନ୍ତ୍ରୀ ରିୟାଦ୍ ଅଲ୍ -ମାଲିକି କହିଛନ୍ତି, ଇସ୍ରାଏଲ୍ ଆକ୍ରମଣ ଯୋଗୁଁ ୨ ହଜାର ୩୦୦ ପିଲା, ୧୩୦୦ ମହିଳାଙ୍କ ସମେତ ୫,୭୦୦ ପାଲେଷ୍ଟିନୀୟଙ୍କର ମୃତ୍ୟୁ ଘଟିଲାଣି।
ଇସ୍ରାଏଲ ମଧ୍ୟରେ ଯୁଦ୍ଧବିରାମ ପାଇଁ ମିଳିତ ଜାତିସଂଘ ମଙ୍ଗଳବାର ଏକ ଉଚ୍ଚ ସ୍ତରୀୟ ବୈଠକ କରି ଯୁଦ୍ଧ ବନ୍ଦ କରିବାକୁ ଉଭୟ ପକ୍ଷଙ୍କୁ ଅନୁରୋଧ କରିଥିଲା। ହେଲେ ଇସ୍ରାଏଲ ଏହି ଅନୁରୋଧକୁ ଅସ୍ୱୀକାର କରିଥିବା ଜଣାପଡିଛି ।
