LIVE TV
ଅଶାନ୍ତ ଶ୍ରୀଲଙ୍କାର ରାଜଧାନୀ କଲମ୍ବୋରେ ଲାଗିଲା କର୍ଫ୍ୟୁ । ଆଜି ମଧ୍ୟାହ୍ନରୁ ଆସନ୍ତାକାଲି ସକାଳ ୫ଟା ପର୍ଯ୍ୟନ୍ତ କଟକଣା ବଳବତ୍ତର ରହିବ । ସ୍ଥିତି ନିୟନ୍ତ୍ରଣ ପାଇଁ କାଲି ଦେଶରେ ଜରୁରୀ ପରିସ୍ଥିତି ଜାରି ହୋଇଥିବା ବେଳେ ଆଜି କଲମ୍ବୋରେ କର୍ଫ୍ୟୁ ଲାଗିଛି । ସେପଟେ ରାଷ୍ଟ୍ରପତି ଗୋଟାବାୟା ରାଜପକ୍ସେ ମାଳଦ୍ୱୀପରୁ ସିଙ୍ଗାପୁର ଚାଲିଯାଇଛନ୍ତି । ମାଳଦ୍ୱୀପରୁ ସେ ପ୍ରାଇଭେଟ୍ ଜେଟ୍ରେ ସିଙ୍ଗାପୁର ଯିବା ନେଇ ଚର୍ଚ୍ଚା ହେଉଥିଲା ।
#WATCH | Sri Lanka: Amid nationwide unrest in the country and raging protests, military armoured vehicles seen on the roads of capital Colombo pic.twitter.com/hosAiOkiqX
— ANI (@ANI) July 14, 2022Also Read
ସୂଚନା ଅନୁସାରେ, ଶ୍ରୀଲଙ୍କା ରାଷ୍ଟ୍ରପତି ଗୋଟାବାୟା ମାଳଦ୍ୱୀପ ଛାଡ଼ି ସିଙ୍ଗାପୁର ଯାଇଛନ୍ତି । ରାଜପକ୍ସେ ମାଳଦ୍ୱୀପରୁ ସେ ପ୍ରାଇଭେଟ୍ ଜେଟ୍ରେ ସିଙ୍ଗାପୁର ଯିବା ନେଇ ଚର୍ଚ୍ଚା ହେଉଥିଲା । ତେବେ ସେ ସାଉଦି ଏୟାରଲାଇନ୍ସ ଯୋଗେ ସିଙ୍ଗାପୁର ଯାଇଥିବା ଜଣାପଡ଼ିଛି । ଶ୍ରୀଲଙ୍କାରେ ସ୍ଥିତି ଅଣାୟତ୍ତ ହେବା ପରେ ସେ ଦେଶ ଛାଡ଼ି ମାଳଦ୍ୱୀପ ପଳାଇଥିଲେ ସେଠାରୁ ସେ ସିଙ୍ଗାପୁର ଚାଲିଯାଇଛନ୍ତି ।
ତେବେ ଗୋଟାବାୟା ସାଉଦି ଏୟାରଲାଇନ୍ସ ଯୋଗେ ସିଙ୍ଗାପୁର ଯାଇଥିବା ଜଣାପଡ଼ିଛି । ରାଷ୍ଟ୍ରପତି ଦେଶ ଛାଡ଼ିବା ପରେ ବି ଜନ ଆନ୍ଦୋଳନ ଥମିନି । ହଜାର ହଜାର ବିକ୍ଷୋଭକାରୀ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟରେ ଧସେଇ ପଶିବା ସହ ପାର୍ଲାମେଣ୍ଟ ଚାରିପାଖରେ ବି ରୁଣ୍ଡ ହୋଇଛନ୍ତି । ପ୍ରଧାନମନ୍ତ୍ରୀ ରାନିଲ ବିକ୍ରମାସିଂଘେ କାମଚଳା ରାଷ୍ଟ୍ରପତି ଦାୟିତ୍ୱ ନେବା ସହ ସ୍ଥିତି ନିୟନ୍ତ୍ରଣ ପାଇଁ ଉଦ୍ୟମ କରୁଛନ୍ତି । ଅରାଜକତା ଏଡେଇବା ପାଇଁ ବିକ୍ଷୋଭକାରୀଙ୍କୁ ଗିରଫ କରିବା ପାଇଁ କାମଚଳା ରାଷ୍ଟ୍ରପତି ବିକ୍ରମସିଙ୍ଘେ ନିର୍ଦ୍ଦେଶ ଦେଇଛନ୍ତି । ସେହିପରି ତାଙ୍କ ବାସଭବନକୁ ସେନା ଘେରି ରହିଥିବା ବେଳେ ହେଲିକପଟରରେ ପାଟ୍ରୋଲିଂ କରାଯାଉଛି ।
Sri Lankan President Gotabaya Rajapaksa and his wife boarded Saudia Airlines flight SV788 to Singapore from Male at 1130 hrs. They will arrive in Singapore by 7PM today. Sources also refute media reports of onward travel to Jeddah.Rajapaksa and his wife will remain in Singapore. https://t.co/5t1Xue1cQ2
— ANI (@ANI) July 14, 2022
ଅନ୍ୟପକ୍ଷେ, ଶ୍ରୀଲଙ୍କା ରାଷ୍ଟପତି ଦେଶ ଛାଡ଼ି ପଳାଇବା ପରେ ରାଷ୍ଟ୍ରପତି ଭବନରେ କିଲୋମିଟର କିଲୋମିଟର ଧରି ଲମ୍ବା ଲାଇନ ଲାଗିବାର ଦେଖିବାକୁ ମିଳିଥିଲା । ପିଲାଠାରୁ ଆରମ୍ଭ କରି ଯୁବକ ଯୁବତୀ, ମଧ୍ୟ ବୟସ୍କ ମଧ୍ୟ ଏହି ଧାଡ଼ିରେ ଠିଆ ହୋଇ ନିଜ ପାଳିକୁ ଅପେକ୍ଷା କରିଥିବାର ଦୃଶ୍ୟ ଦେଖିବାକୁ ମିଳିଛି । ରାଷ୍ଟ୍ରପତିଙ୍କ ବାସଭବନ ଦେଖିବାକୁ ଲୋକଙ୍କ ମଧ୍ୟରେ ପ୍ରବଳ ଭିଡ଼ ଜମିଥିଲା ।
