୧୨ ଘଣ୍ଟାର ଅପରେସନ; ଭାରତୀୟ ନୌସେନାର ସଫଳତା, ଆତ୍ମସମର୍ପଣ କଲେ ଲୁଟେରା

୧୨ ଘଣ୍ଟାର ଲମ୍ବା ଅପରେସନ ପରେ ସୋମାଲିଆ ଲୁଟେରାଙ୍କଠୁ ଉଦ୍ଧାର ହେଲେ ୨୩ ପାକିସ୍ତାନୀ ନାଗରିକ । ଆରବ ସାଗରରେ ଇରାନର ଫିସିଂ ଭେସଲ ଅପହରଣ ପରେ କ୍ରୁ ମେମ୍ବରଙ୍କୁ ଉଦ୍ଧାର କରିବା ପାଇଁ ବାହାରିଥିଲା ଭାରତୀୟ ନୌସେନା । ଆଇଏନଏସ ତ୍ରିଶୁଳ ସାହାଯ୍ୟରେ ଜାହାଜରେ ଥିବା ଲୁଟେରାଙ୍କ ଆତ୍ମସମର୍ପଣ କରିବାକୁ ବାଧ୍ୟ କରିଥିଲେ ଭାରତୀୟ ନୌସେନା ।

ଜାହାଜରୁ ୨୩ ଜଣ ପାକିସ୍ତାନୀ କ୍ରୁ ମେମ୍ବରଙ୍କୁ ଉଦ୍ଧାର କରାଯାଇଥିବା ବେଳେ ପୂରା ଅଞ୍ଚଳକୁ ଲୁଟେରା ମୁକ୍ତ କରିବା ପାଇଁ ଉଦ୍ୟମ ଆରମ୍ଭ ହୋଇଛି । ଆରବ ସାଗରରେ ଇରାନର ଫିସିଂ ଜାହାଜ ଅଲ-କମାରରେ କିଛି ସଶସ୍ତ୍ର ସନ୍ଦିଗ୍ଧ ଅପହରଣ କରିବା ପରେ ଭାରତୀୟ ନୌସେନା ସେମାନଙ୍କ ଯୋଜନା ଫେଲ କରିବାକୁ ସକ୍ରିୟ ହୋଇଥିଲା ।

ଡିସଟ୍ରେସ ସିଗନାଲ ପାଇବା ପରେ ଭାରତୀୟ ନୌସେନାର ଜାହାଜକୁ ଇରାନର ଫିସିଂ ଜାହାଜ ନିକଟକୁ ପଠାଯାଇଥିଲା । ସେଠାରେ ପହଞ୍ଚିବା ପରେ ଅପହରଣକାରୀଙ୍କ ନିକଟରୁ ଜାହାଜ ହାତେଇବା ପାଇଁ ୧୨ ଘଣ୍ଟା ଧରି ଲମ୍ବା ଅପରେସନ ଆରମ୍ଭ କରାଯାଇଥିଲା । ଗତ ୨୮ ତାରିଖ ବିଳମ୍ବିତ ରାତିରେ ଇରାନର ଏହି ଜାହାଜ ଅପହରଣ ହୋଇଥିଲା ।

Also Read

ଖୁବଶୀଘ୍ର ଆସିବ ବଳକା ବିଜେପି ପ୍ରାର୍ଥୀଙ୍କ ନାଁ ! ଦିଲ୍ଲୀରୁ ଫେରିବା ପରେ କହିଲେ ମନମୋହନ

Read More

Panchang Today 30th March 2024: ଜାଣନ୍ତୁ ଆଜିର ପଞ୍ଚାଙ୍ଗ, ଶୁଭ ସମୟ ଦେଖି ଘରେ କରନ୍ତୁ ପୂଜା

Read More

ଭଲ ନାହିଁ ମହାନଦୀ ସ୍ଥିତି ! ପାଣି ନମୁନା ପରୀକ୍ଷା କରି 'ସି' ଶ୍ରେଣୀଭୁକ୍ତ କଲା ପ୍ରଦୂଷଣ ବୋର୍ଡ

Read More

Indian Navy rescued 23 Pakistani nationals from the clutches of Somali pirates. #INSSumedha intercepted FV Al-Kambar during early hours of #29Mar, soon the guided missile frigate #INSTrishul joined the ops

After more than 12 hrs of intense coercive tactical measures as per the… pic.twitter.com/5zqa8RsLMi

— Abhishek Jha (@abhishekjha157) March 30, 2024

ଭାରତୀୟ ନୌସେନା ପୂର୍ବରୁ ମଧ୍ୟ ଆରବ ସାଗରରେ ହୋଇଥିବା ଜାହାଜ ଅପହରଣ ଉଦ୍ୟମକୁ ପଣ୍ଡ କରିଛନ୍ତି । ଲୋହିତ ସାଗରରେ ମଧ୍ୟ ଅନେକ ଥର ବିପଦରୁ ନାଗରିକମାନଙ୍କୁ ଉଦ୍ଧାର କରିଛି ଭାରତୀୟ ନୌସେନା । ମାର୍ଚ୍ଚ ୭ ରେ ୨୧ ଜଣ କ୍ରୁ ସଦସ୍ୟଙ୍କୁ ଉଦ୍ଧାର କରିଥିଲା ଭାରତୀୟ ନୌସେନା ଯୁଦ୍ଧ ଜାହାଜ INS କୋଲକାତା ।

ଏହି ୨୧ ଜଣ କ୍ରୁ’ ସଦସ୍ୟଙ୍କ ମଧ୍ୟରେ ଜଣେ ଭାରତୀୟ ନାଗରିକଙ୍କୁ ମଧ୍ୟ ସୁରକ୍ଷିତ ଉଦ୍ଧାର କରାଯାଇଥିଲା । ଆଡେନ୍‌ ଗଲ୍ଫରେ ୟେମେନର ହୁତି ବିଦ୍ରୋହୀମାନଙ୍କ ଦ୍ୱାରା ସେମାନଙ୍କ ମାଲବାହୀ ଜାହାଜ ଉପରେ ଏକ କ୍ଷେପଣାସ୍ତ୍ର ମାଡ଼ କରାଯାଇଥିଲା। ଏହି ଆକ୍ରମଣରେ ୩ ଜଣଙ୍କର ମୃତ୍ୟୁ ହୋଇଥିବାବେଳେ ଅନେକ ଗୁରୁତର ଆହତ ହୋଇଥିଲେ ।

ୟେମେନର ପୋର୍ଟ ସିଟି ଆଡେନ୍‌ର ଦକ୍ଷିଣ-ପଶ୍ଚିମରୁ ପ୍ରାୟ ୫୫ ନଟିକାଲ ମାଇଲ (୧୦୧ କିଲୋମିଟର) ଦୂରରେ ଏହି ଘଟଣା ଘଟିଥିଲା । ବାରବାଡୋସ୍ ପତାକା ଲାଗିଥିବା ଏକ ବାଣିଜ୍ୟକ ଜାହାଜକୁ ହୁତି ଗୋଷ୍ଠୀ ଟାର୍ଗେଟ୍ କରିଥିଲେ । ଏହା ଉପରେ ହୁତି ବିଦ୍ରୋହୀମାନେ ମିଜାଇଲ୍‌ ମାଡ଼ କରିଥିଲେ। ଏହି ଜାହାଜ କୁଏତରୁ ଆମେରିକା ଅଶୋଧିତ ତୈଳ ନେଇ ଯାଉଥିଲା । ମିସାଇଲ ଆକ୍ରମଣ ପରେ ଜାହାଜରେ ଫସିରହିଥିବା କ୍ରୁ ସଦସ୍ୟଙ୍କୁ ସୁରକ୍ଷିତ ଉଦ୍ଧାର ପାଇଁ ଭାରତୀୟ ନୌସେନା ଜାହାଜ INS କୋଲକାତା ପହଞ୍ଚିଥିଲା ।

OTV is now on Whatsapp

Join and get latest news update delivered to you via whatsapp

Join Now