LIVE TV
ମସ୍କୋ: ମୁହାଁମୁହିଁ ହୋଇପାରନ୍ତି ଭାରତ ଓ ତାଲିବାନ୍ । ଆଜି ଋଷ୍ରେ 'ମସ୍କୋ ଫର୍ମାଟ' (Moscow Format) ବୈଠକ ଅନୁଷ୍ଠିତ ହେବ । ଯେଉଁଥିରେ ଭାରତର ଅଧିକାରୀ ଏବଂ ତାଲିବାନ୍ର ଅଧିକାରୀମାନେ ମୁହାଁ ମୁହିଁ ହୋଇପାରନ୍ତି । ଅନୁଷ୍ଠିତ ଏହି ବୈଠକରେ ଆଫଗାନିସ୍ତାନର ସୁରକ୍ଷା ନିତୀ ଏବଂ ସେଠାରେ ଏକ ଉତ୍ତମ ସରକାର ଗଠନ ଉପରେ ଅଧିକ ଗୁରୁତ୍ୱ ଦିଆଯିବ ବୋଲି ଆଶା କରାଯାଉଛି ।
ମଙ୍ଗଳବାର ଦିନ ମସ୍କୋ ଦ୍ୱାରା ଆୟୋଜିତ 'ବିସ୍ତାରିତ ଟ୍ରାଇକା'ର ବୈଠକରୁ ଆମେରିକା ଓହରିବାର ଗୋଟିଏ ଦିନ ପରେ ଆଜି ଏହି ବୈଠକ ଅନୁଷ୍ଠିକ କରାଯିବ । ଯେଉଁଥିରେ ତାଲିବାନ ସମେତ ୧୦ଟି ଦେଶ ମଧ୍ୟରେ ଆଲୋଚନା କରାଯିବ । 'ବିସ୍ତାରିତ ଟ୍ରାଇକା'ର ବୈଠକରେ କେବଳ ଚୀନ୍ ଏବଂ ପାକିସ୍ଥାନର ସ୍ୱତନ୍ତ୍ର ପ୍ରତିନିଧୀମାନେ ଅଂଶଗ୍ରହଣ କରିଥିଲେ ।
Also Read
ମସ୍କୋରେ ଅନୁଷ୍ଠିତ ଏହି ବୈଠକକୁ ଋଷ୍ର ବୈଦେଶିକ ମନ୍ତ୍ରୀ ସର୍ଗେ ଲାଭ୍ରୋଭ ସମ୍ବୋଧିତ କରିବେ । ଏଥିରେ ୧୦ ଟି ଦେଶ ସମେତ ତାଲିବାନର ପ୍ରତିନିଧୀମାନେ ଯୋଗଦାନ ଦେବେ । ଏନେଇ ରଷ୍ର ବୈଦେଶିକ ମନ୍ତ୍ରୀ, କହିଛନ୍ତି ଯେ, ଅନୁଷ୍ଠିତ ବୈଠକରେ ଆଫଗାନିସ୍ଥାନରେ ଥିବା ରାଜନୈତିକ ସ୍ଥିତିରେ ସୁଧାର ଆଣିବା ସହ ଏକ ଦୃଢ ସରକାର ଗଠନ କରିବା ଉପରେ ଅଧିକ ଆଲୋଚନା କରାଯିବ । ୨୦୧୭ ମସିହାରେ 'ମସ୍କୋ ଫର୍ମାଟ'ର ସ୍ଥାପନା କରାଯାଇଥିଲା । ଯେଉଁଥିରେ ପ୍ରଥମେ କେବଳ ୬ଟି ଦେଶ ତଥା ଋଷ୍, ଆଫଗାନିସ୍ଥାନ, ଭାରତ, ଇରାନ, ଚୀନ୍ ଏବଂ ପାକିସ୍ଥାନ ଯୋଗ ଦେଇଥିଲେ । ହେଲେ ପରେ ଏଥିରେ ଅଧିକ ଦେଶ ଅନ୍ତର୍ଭୁକ୍ତ କରି ଏହାକୁ ବିସ୍ତାର କରାଯାଇଥିଲା । ମସ୍କୋରେ ୨୦୧୭ ଏବଂ ୨୦୧୮ରେ 'ମସ୍କୋ ଫର୍ମାଟ' ବୈଠକ ଅନୁଷ୍ଠିତ ହୋଇଥିଲା ।
ବୈଦେଶିକ ମନ୍ତ୍ରାଳୟର ମୁଖପାତ୍ର ଅରିନ୍ଦମ ବାଗଚି ଏକ ସାମ୍ୱାଦିକ ସମ୍ମିଳନୀରେ କହିଛନ୍ତି, ଭାରତ ଆଫଗାନ୍ ଲୋକଙ୍କ ପ୍ରତି ବନ୍ଧୁତ୍ୱା ସ୍ଥାପନର ନୀତିକୁ ଦର୍ଶାଇଥାଏ । ଏହାସହ ସେ କହିଛନ୍ତି ଯେ, ଅତୀତରେ ଭିତ୍ତିଭୂମି ତଥା ମାନବିକ ଉଦ୍ଦେଶ୍ୟ ପାଇଁ ଭାରତ ଆଫଗାନିସ୍ତାନକୁ ସହାୟତା ଯୋଗାଇ ଦେଇଛି । ଯାହାକୁ ନେଇ ଜାତିସଂଘର ମହାସଚିବ ସେପ୍ଟେମ୍ୱର୧୩ରେ ଏକ ବୈଠକ ଡାକିଥିଲେ । ଏହି ବୈଠକରେରେ ଭାରତ ପକ୍ଷରୁ ବୈଦେଶିକ ମନ୍ତ୍ରୀ ଏସ୍ ଜୟଶଙ୍କର ଯୋଗ ଦେଇଥିଲେ ।
