LIVE TV
ପାକିସ୍ତାନର କାମଚଳା ପ୍ରଧାନମନ୍ତ୍ରୀ ଭାବେ ଗୁଲଜାର ଅହମ୍ମଦଙ୍କ ନାଁ ପ୍ରସ୍ତାବ ଦେଲେ ପ୍ରଧାନମନ୍ତ୍ରୀ ଇମ୍ରାନ୍ ଖାନ । ଗୁଲଜାର ଅହମ୍ମଦ ହେଉଛନ୍ତି ପାକିସ୍ତାନର ପୂର୍ବତନ ମୁଖ୍ୟ ବିଚାରପତି। ତେହରିକ୍-ଏ-ଇନସାଫ୍ ପାର୍ଟିର କୋର କମିଟି ଅହମ୍ମଦଙ୍କ ନାଁ ଉପରେ ମୋହର ମାରିଥିଲା । ଯାହାପରେ ପ୍ରଧାନମନ୍ତ୍ରୀ ଇମ୍ରାନ ଖାନ୍ ଦେଶର କାମଚଳା ପ୍ରଧାନମନ୍ତ୍ରୀ ଭାବେ ଅହମ୍ମଦଙ୍କ ନାଁ ପ୍ରସ୍ତାବ ଦେଇଥିବା ଦଳର ନେତା ଫୱଦ ଚୌଧୁରୀ କହିଛନ୍ତି ।
ସରକାରଙ୍କ ବିରୋଧରେ ରାୟ ହେଉ ଅବା ପ୍ରଶାସନିକ ଅଧିକାରୀଙ୍କ ବିରୋଧରେ ଶୁଣାଣି, ସବୁବେଳେ ଗୁଲଜାର ଅହମ୍ମଦ ଚର୍ଚ୍ଚାରେ ରହିଆସିଛନ୍ତି ।
Also Read
ଅନ୍ୟପକ୍ଷେ, ସୁପ୍ରିମକୋର୍ଟ ପାକିସ୍ତାନର ରାଜନୈତିକ ସଙ୍କଟ ମାମଲାର ଶୁଣାଣି ସ୍ଥଗିତ ରଖିଛନ୍ତି । ଆଜି ସାଢେ ୧୨ଟାରେ କୋର୍ଟ ଏହି ମାମଲାର ପୁଣି ଥରେ ବିଚାର କରିବେ । ଏହାସହ ନାସନାଲ ଆସେମ୍ୱଲିର ଉପ ବାଚସ୍ପତିଙ୍କ ରାୟର ଆଇନଗତ ଦିଗ ଉପରେ ମଧ୍ୟ ଦୃଷ୍ଟି ଦେବେ ଯେଉଁଥିରେ ସେ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ନେତୃତ୍ୱାଧୀନ ସରକାର ବିରୋଧରେ ଅନାସ୍ଥା ପ୍ରସ୍ତାବକୁ ଖାରଜ କରିଦେଇଥିଲେ ।
ଏହାରି ମଧ୍ୟରେ ନିର୍ବାଚନ ଘୋଷଣା ପରେ ମଧ୍ୟ ସୁପ୍ରିମକୋର୍ଟ ଯିବା ପାଇଁ ବିରୋଧୀ ଦଳର ନିଷ୍ପତ୍ତିକୁ ଇମ୍ରାନ ବିରୋଧ କରିଛନ୍ତି । କେବଳ ଏତିକି ନୁହେଁ ଏହା ପ୍ରତିବାଦରେ ସେ ଇସଲାମାବାଦରେ ଧର୍ମଘଟ କରିବେ ବୋଲି ମଧ୍ୟ କହିଛନ୍ତି ।
