ଏଣିକି ମଦ୍ୟ ପାନ କରି ଗାଡି ଚଲାଇବା ପଡିବ ମହଙ୍ଗା: ମୋଟା ଅଙ୍କର ଫାଇନ୍ ସହ ଜେଲ୍‌‌ଦଣ୍ଡାଦେଶ !

ମଦୁଆଙ୍କ ପାଇଁ ବଡ ଖବର । ହୋଇଯାଆନ୍ତୁ ସାବଧାନ୍ । ନଚେତ୍ ପକେଟରୁ ଯିବ ଲକ୍ଷ ଲକ୍ଷ ଟଙ୍କା । ମଦୁଆଙ୍କୁ ସାବାଡ୍ ,କରିବା ପାଇଁ ସରକାର ଏକ ବଡ ପଦକ୍ଷେପ ନେଇଛନ୍ତି । ଯାହା ଶୁଣି ଜଣେ ମଦ୍ୟ ପାନ କରି ଗାଡି ଚଲାଇବା ପୂର୍ବରୁ ୧୦ ଥର ଭାବିବ । ଦେଶରେ ପ୍ରତିଦିନ ସଡକ ଦୁର୍ଘଟଣା ଘଟିଥାଏ । ଏହି ଦୁର୍ଘଟଣାରୁ ବର୍ତ୍ତିବା ପାଇଁ ସରକାର ବିଭିନ୍ନ ଉପାୟମାନ ଆପଣାଇଥାନ୍ତି । ଟ୍ରାଇଫ୍ ନିୟମ ସତ୍ତ୍ୱେ ଲୋକେ ସେସବୁ କୁ ଫୁ କରି ନିଜ ମନମାନି ଚଲାଉଛନ୍ତି । ହେଲେ ଏହା ଆଉ ଚଳିବ ନାହିଁ । କାରଣ ଏଣିକି ନିଶାଖୋର ବ୍ୟକ୍ତି ଟ୍ରାଫିନିୟମ ନମାନିଲେ ତାଙ୍କୁ ଭରିବାକୁ ପଡିବ ମୋଟା ଅଙ୍କର ଫାଇନ୍ । ଆଉ ଏଇ ଫାଇନ୍ ଶହେ କିମ୍ୱା ହଜାର ଟଙ୍କାରେ ସୀମିତ ନୁହେଁ ବରଂ ନିୟମ ଭାଙ୍ଗିଲେ ସେମାନଙ୍କୁ ଲକ୍ଷ ଲକ୍ଷ ଟଙ୍କାର ଫାଇନ୍ ଦେବାକୁ ପଡିବ ।

ନିକଟରେ ଅଧିକାଂଶ ଲୋକ ଟ୍ରାଫିକ୍ ନିୟମକୁ ଉଲ୍ଲଙ୍ଘନ କରୁଥିବାର ଦେଖିବାକୁ ମିଳିଛି । ଏମିତିକି ଏହା ଥରେ କି ଦୁଇଥର ନୁହଁ ସେମାନେ ଏହିପରି ବାରମ୍ୱାର କରୁଥିବାର ଦେଖିବାକୁ ମିଳିଛି । ଯାହାକୁ ଦୃଷ୍ଟିରେ ରଖି ବ୍ରିଟେନରେ ଟ୍ରାଫକ୍ ନିୟମକୁ କଡାକଡି କରାଯାଇଛି । ଏମିତିକି ଟ୍ରାଫିକ୍‌ ନିୟମ ଉଲ୍ଲଙ୍ଘନ କରିବା ଏକ ବଡ ଅପରାଧ ବୋଲି ମଧ୍ୟ ବିବେଚନା କରାଯାଇଛି । ତେଣୁ ମଦ ପିଇକି ଗାଡି ଚଲାଇଲେ ଭାରି ଜରିମାନା ସହ ଜେଲ୍‌ ଯିବାକୁ ବି ପଡିପାରେ । କେବଳ ଏତିକି ନୁହେଁ ଏହାସହ ଗାଡି ଚାଳକଙ୍କ ଡ୍ରାଇଭିଂ ଲାଇସେନକୁ ଏକ ବର୍ଷ ପର୍ଯ୍ୟନ୍ତ ରଦ୍ଦ ମଧ୍ୟ ହୋଇପାରେ ।

ବ୍ରିଟେନ ସରକାରୀ ନିୟମ ଅନୁଯାୟୀ, ଦେଶରେ ମଦ ପିଇ ଗଡି ଚଲାଇବା ଏକ ଆଇନଗତ ଅପରାଧ । ତେଣୁ ଯଦି କେହି ମଦ୍ୟ ପାନ କରି ଗାଡି ଚଳାନ୍ତି ତେବେ ତାଙ୍କୁ ୩ ମାସର ଜେଲ ଦଣ୍ଡାଦେଶ ନଚେତ୍ ୨.୧ ଲକ୍ଷ ଟଙ୍କା ଜରିମାନା ଦେବାକୁ ପଡିବ । ସେହିପରି ଅତ୍ୟାଧିକ ମାଦକ ଦ୍ରବ୍ୟ ଖାଇ ଗାଡି ଚଲାଇବା ତଥା ଟ୍ରାଫିକ୍ କର୍ମୀଙ୍କ ସହ ଦୁର୍ବ୍ୟବହାର କଲେ ୩ ମାସ ନୁହଁ ବରଂ ୬ ମାସ ପରଜନ୍ତ ଜେଲ୍ ଦଣ୍ଡାଦେଶ ମିଳିପାରେ ।