ପାକିସ୍ତାନରେ ଆତଙ୍କୀ ହମଲା; ଚୀନ୍‌ ଇଞ୍ଜିନିୟରଙ୍କ ଗାଡ଼ି ଉପରେ ଆକ୍ରମଣ

ପାକିସ୍ତାନର ଗ୍ୱାଦରରେ ଚୀନର ଏକ କନଭୟେ ଉପରେ ଆତଙ୍କୀ ହମଲା ହୋଇଛି । ୨୩ ଚୀନ୍ ଇଂଜିନିୟରଙ୍କୁ ନେଇ ଯାଉଥିବା ଗାଡ଼ି ଉପରେ ଆକ୍ରମଣ ହୋଇଥିବାର ସୂଚନା ମିଳିଛି ।ଆକ୍ରମଣରେ ୪ ଚୀନ୍ ନାଗରିକ ଓ ୯ ପାକ୍ ସୈନ୍ୟ ମୃତ । ଆକ୍ରମଣ ନେଇ ବେଲୋଚିସ୍ତାନ ଲିବେରେସନ୍ ଆର୍ମି ନିଜକୁ ଦାୟୀ କରିଛି ।

ପାକିସ୍ତାନରେ ଆତଙ୍କୀ ହମଲା । ଚୀନର କନଭୟେ ଉପରକୁ ଆତଙ୍କୀଙ୍କ ଆକ୍ରମଣ । ୨୩ ଜଣ ଇଞ୍ଜିନିୟରଙ୍କୁ ନେଇ ଯାଉଥିବା ଚୀନ କନଭୟେ ଉପରକୁ ଆକ୍ରମଣ ହୋଇଥିବାର ସୂଚନା ମିଳିଛି । ପାକିସ୍ତାନର ବାଲୋଚିସ୍ତାନ ପ୍ରଦେଶରେ ସଶସ୍ତ୍ର ବିଦ୍ରୋହୀମାନେ ଚୀନ୍‌ ଇଞ୍ଜିନିୟର୍‌ ମାନଙ୍କର ଗାଡ଼ି ଉପରେ ଆକ୍ରମଣ କରିଥିବା କଥା ‘ଦି ବାଲୋଚିସ୍ତାନ୍‌ ପୋଷ୍ଟ୍‌’ ରିପୋର୍ଟ କରିଛି।

ବନ୍ଦର ନଗରୀ ଗ୍ୱାଦାରର ଚାରିଆଡ଼କୁ ବିସ୍ଫୋରଣ ଓ ଗୁଳି ଫୁଟିବା ଶବ୍ଦ ଶୁଭୁଥିବା ବେଳେ ଯାନବାହନ ଚଳାଚଳ ପାଇଁ ସବୁ ସଡ଼କ ପଥ ବନ୍ଦ କରିଦିଆଯାଇଛି । 'ଦି ବାଲୁଚିସ୍ତାନ ପୋଷ୍ଟ'ର ରିପୋର୍ଟ ଅନୁଯାୟୀ, ପୋର୍ଟ ସିଟି ନାମରେ ପରିଚିତ ଗ୍ୱାଦରରେ ବିସ୍ଫୋରଣ ଓ ଗୁଳି ବିନିମୟ ହୋଇଥିଲା। ବଲୁଚିସ୍ତାନ ପୋଷ୍ଟ ନାମକ ଏକ ଗଣମାଧ୍ୟମ ପ୍ରେସ ବିଜ୍ଞପ୍ତିରେ ଦର୍ଶାଇ କହିଛି ଯେ, ଏହି ଆକ୍ରମଣ ସକାଳ ପ୍ରାୟ ୯ଟା ୩୦ ମିନିଟରେ ଘଟିଥିଲା ​​ଏବଂ ପ୍ରାୟ ଦୁଇ ଘଣ୍ଟା ଧରି ଗୁଳିବିନିମୟ ହୋଇଥିଲା।