LIVE TV
ନିର୍ବାଚନକୁ କବଜାକୁ ନେଇପାରେ ଚୀନ । ଆଗକୁ ଭାରତରେ ସାଧାରଣ ନିର୍ବାଚନ ଆସୁଛି । ଏହାକୁ ଭ୍ରମିତ କରିବାକୁ ଖେଳ ଖେଳିପାରେ ଚୀନ । କୃତ୍ରିମ ବୁଦ୍ଧିମତା ସହାୟତାରେ ଭାରତର ନିର୍ବାଚନକୁ ନିଜ ଅକ୍ତିଆରକୁ ନେବାକୁ ଚେଷ୍ଟା କରୁଛି ଚୀନ । ତାଇୱାନ ରାଷ୍ଟ୍ରପତି ନିର୍ବାଚନରେ ଏପରି ସାଙ୍ଘାତିକ କଥା ପଦାକୁ ଆସିଛି । ଏନେଇ ଚେତାବନୀ ଦେଇଛି ମାଇକ୍ରୋସଫ୍ଟ ।
ମାଇକ୍ରୋସଫ୍ଟ ଥ୍ରେଟ୍ ଇଣ୍ଟେଲିଜେନ୍ସର ଏକ ବିଶ୍ଳେଷଣରୁ ଜଣାପଡିଛି ଯେ ଉତ୍ତର କୋରିଆର ସହଯୋଗରେ ଚୀନ୍ ରାଜ୍ୟ ସମର୍ଥିତ ସାଇବର ଗୋଷ୍ଠୀ ଆମେରିକା ଏବଂ ଦକ୍ଷିଣ କୋରିଆରେ ମତଦାନକୁ ଟାର୍ଗେଟ କରିବାକୁ ଚେଷ୍ଟା କରିପାରେ । ନିଜ ସ୍ୱାର୍ଥ ହାସଲ ପାଇଁ AI ର ପ୍ରୟୋଗ ନିର୍ବାଚନରେ କରିପାରେ ବୋଲି ମାଇକ୍ରୋସଫ୍ଟ କହିଛି ।
ଭାରତରେ ସାଧାରଣ ନିର୍ବାଚନ ଏପ୍ରିଲ ୧୯ ରୁ ଆରମ୍ଭ ହୋଇ ଜୁନ୍ ୧ ପର୍ଯ୍ୟନ୍ତ ଚାଲିବ । ଜୁନ୍ ୪ ରେ ଫଳାଫଳ ଘୋଷଣା କରାଯିବ । ମାଇକ୍ରୋସଫ୍ଟ ତରଫରୁ ପ୍ରକାଶ ପାଇଥିବା ରିପୋର୍ଟରେ ଦର୍ଶାଯାଇଛି ଯେ, ୨୦୨୩ ଯେପରି ବାରମ୍ବାର ସାଇବର ଆକ୍ରମଣ ହୋଇଥିଲା, ଠିକ ସେହିପରି ଭାରତ, ଫିଲିପାଇନ୍ସ, ହଂକଂ ଏବଂ ଆମେରିକାକୁ ଏଥର ଟାର୍ଗେଟ କରିବ ଚୀନ ।
Also Read
ଏହା ସହ ଗତ ଫେବୃଆରୀରେ ମଧ୍ୟ PMO ସହ ଗୃହ ମନ୍ତ୍ରଣାଳୟ, ରିଲାଏନ୍ସ ଏବଂ ଏୟାର ଇଣ୍ଡିଆ ଭଳି ବ୍ୟବସାୟ ସମେତ ଭାରତ ସରକାରଙ୍କ ଅନେକ ପ୍ରମୁଖ କାର୍ଯ୍ୟାଳୟକୁ ଟାର୍ଗେଟ କରିଥିବା ଦାବି କରିଛି ଚୀନ ସାଇବର ଗୋଷ୍ଠୀ । ୱାଶିଂଟନ୍ ପୋଷ୍ଟ ଦ୍ୱାରା କରାଯାଇଥିବା ଏକ ଅନୁସନ୍ଧାନରୁ ଜଣାପଡିଛି ଯେ, ହ୍ୟାକରମାନେ ମଧ୍ୟ ଭାରତ ସରକାରଙ୍କଠାରୁ 95.2 ଗିଗାବାଇଟର ଶରଣାର୍ଥୀଙ୍କର ତଥ୍ୟ ନେଇଯାଇଛନ୍ତି ।
ମାଇକ୍ରୋସଫ୍ଟ ରିପୋର୍ଟରେ ଏହା ମଧ୍ୟ କୁହାଯାଇଛି ଯେ ମିଆଁମାରରେ ହୋଇଥିବା ଅଶାନ୍ତି ପାଇଁ ଆମେରିକା ଏବଂ ଭାରତ ଦାୟୀ ବୋଲି ଅଭିଯୋଗ କରି ଅନ୍ୟ ଏକ ଚାଇନିଜ୍ କମ୍ୟୁନିଷ୍ଟ ପାର୍ଟି (ସିସିପି) ଲିଙ୍କ୍ ହୋଇଥିବା ଷ୍ଟର୍ମ -1376 ମାଣ୍ଡାରିନ୍ ଏବଂ ଇଂରାଜୀରେ ଏଆଇ ଆଙ୍କରର ଭିଡିଓ ପୋଷ୍ଟ କରିଛନ୍ତି ।
ଗତ ମାସରେ, ମାଇକ୍ରୋସଫ୍ଟର ସହ-ପ୍ରତିଷ୍ଠାତା ବିଲ୍ ଗେଟ୍ସ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମଧ୍ୟରେ ହୋଇଥିବା ଭେଟଘାଟରେ AI କୁ ନେଇ ଆଲୋଚନା କରାଯାଇଥିଲା । ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ, ଭାରତ ପରି ଏକ ବିଶାଳ ଦେଶରେ ଡିପଫେକ୍ ର ଡର ସର୍ବଦା ରହିଥାଏ ।
