LIVE TV
ଲସ୍ ଆଞ୍ଜେଲସ୍ ଜଙ୍ଗଲରେ ଲାଗିଥିବା ନିଆଁରେ ମୃତ୍ୟୁ ସଂଖ୍ୟା ୨୫ ପାର୍ କଲାଣି। ହେଲେ ନିଆଁକୁ ପବନ ସାଜିଛି କାଳ। ଜାତୀୟ ପାଣିପାଗ ସେବା ପକ୍ଷରୁ ସପ୍ତାହସାରା ପ୍ରବଳ ପବନ ବୋହିବା ନେଇ ପୂର୍ବାନୁମାନ କରାଯାଇଛି।
'ସାଣ୍ଟା ଆନା’ରେ ୧୧୦ କିଲୋମିଟର ବେଗରେ ପବନ ବୋହିବା ନେଇ ଜାତୀୟ ପାଣିପାଗ ସେବା ସତର୍କ କରାଇବା ସହ ଛୋଟ ଛୋଟ ସ୍ପାର୍କିଂ ପୁଣି ଥରେ ସୃଷ୍ଟି ହେବା ସହ ନିଆଁ ଶୀଘ୍ର ବ୍ୟାପିବା ନେଇ ସତର୍କ କରାଯାଇଛି।
ଏଥିସହ ସେଠାରେ ବାସବାସ କରୁଥିବା ଲୋମାନଙ୍କୁ ପାରିପାର୍ଶ୍ୱିକ ଅବସ୍ଥା ବିଷୟରେ ସଚେତନ କରାଯିବା ସହ ତୁରନ୍ତ ସ୍ଥାନାନ୍ତର ପାଇଁ ନିର୍ଦ୍ଦେଶ ପାଳନ କରିବାକୁ ଅନୁରୋଧ କରାଯାଇଛି ।
Also Read
ଏହାସହ ଲସ୍ ଆଞ୍ଜେଲସ୍ ଏବଂ ଭେଣ୍ଟୁରା କାଉଣ୍ଟିର ଅଧିକାଂଶ ଅଧିକ ସ୍ଥାନ ବିପଦ ପୂର୍ଣ୍ଣ ବୋଲି ଚିହ୍ନଟ କରାଯାଇଛି। ବିଶେଷଜ୍ଞମାନେ କହିଛନ୍ତି ଯେ ଏହି ଅଞ୍ଚଳର ଗଛଲତା ଶୁଖିଲା ଅଛି ଏବଂ ନିଆଁ ଶୀଘ୍ର ବ୍ୟାପିବାର ଆଶଙ୍କା ରହିଛି।
ଏଥିସହ ଅଗ୍ନିକାଣ୍ଡ ପୂର୍ବରୁ ପ୍ରଶାନ୍ତ ମହାସାଗରୀୟ ପାଲିସାଡେସ୍ରେ 24,000 ଏକର ଜମି ନଷ୍ଟ କରିସାରିଛି ଏବଂ ପ୍ରାୟ 14,000 ଏକର ଆଲଟାଡେନା ସମ୍ପ୍ରଦାୟକୁ ଧ୍ୱଂସ କରିଦେଇଛି।
ନିଆଁ ବ୍ୟାପିବା ସହ ସେଥିରୁ ବାହାରୁଥିବା ବିଷାକ୍ତ ପାଉଁଶ ସ୍ୱାସ୍ଥ୍ୟ ସମସ୍ୟା ସୃଷ୍ଟି କରୁଛି। ଏଥିପାଇଁ ସମସ୍ତଙ୍କୁ ମାସ୍କ ପିନ୍ଧିବାକୁ ସ୍ୱାସ୍ଥ୍ୟ ଅଧିକାରୀ ଅନୁରୋଧ କରିଛନ୍ତି।
ଲସ୍ ଆଞ୍ଜେଲସ୍ ଅଗ୍ନିଶମ ମୁଖ୍ୟ ଆନ୍ଥୋନି ମାରିନ୍ କହିଛନ୍ତି ଯେ, ଯଦି କୌଣସି ବିପଦ ଆସେ, ସେନେଇ ଆମେ ପ୍ରସ୍ତୁତ ଅଛୁ। ଆମେ ଇଟନ୍ ଅଗ୍ନିକମ୍ପ ଅଞ୍ଚଳରେ ଜଳ ବ୍ୟବସ୍ଥା ଯାଞ୍ଚ କରିଛୁ, ଏବଂ ଏହା କାର୍ଯ୍ୟକ୍ଷମ ଅଛି, ଅର୍ଥାତ୍ ଆମ ପାଖରେ ପ୍ରଚୁର ପାଣି ଅଛି।
ସୂଚନା ଅନୁଯାୟୀ, ଅଧିକାରୀମାନେ ମଙ୍ଗଳବାରକୁ ସବୁଠାରୁ ବିପଜ୍ଜନକ ଦିନ ବୋଲି ବର୍ଣ୍ଣନା କରିଛନ୍ତି ଏବଂ ରାତାରାତି ପରିସ୍ଥିତି ଖରାପ ହେବାର ଆଶଙ୍କା ରହିଛି । ଲସ୍ ଆଞ୍ଜେଲସ୍ ଅଞ୍ଚଳରେ ଅଗ୍ନିଶମ କର୍ମଚାରୀମାନେ ତିନୋଟି ବଡ଼ ନିଆଁ ସହ ସଂଘର୍ଷ କରୁଛନ୍ତି ଯେଉଁଥିରୁ ଦୁଇଟିରେ ଅତି କମରେ ୨୫ ଜଣଙ୍କର ମୃତ୍ୟୁ ଘଟିଛି । ୪୦,୫୮୮ ଏକରରୁ ଅଧିକ ଜମି ଜଳିଯାଇଛି ଏବଂ୧୫୦,୦୦୦ ଲୋକଙ୍କୁ ସ୍ଥାନାନ୍ତର କରିବାକୁ ବାଧ୍ୟ କରାଯାଇଛି ।
ତଦନ୍ତକାରୀମାନେ ଏପର୍ୟ୍ୟନ୍ତ ଏହାର କାରଣ ନିର୍ଣ୍ଣୟ କରିନାହାଁନ୍ତି। ହେଲେ ଇଟନ୍ ଅଗ୍ନିକାଣ୍ଡରେ ଘର ନଷ୍ଟ ହୋଇଥିବା ବ୍ୟକ୍ତି ସୋମବାର ଦାଖଲ କରିଥିବା ଏକ ମାମଲାରେ ଦାବି କରିଛନ୍ତି ଯେ ଏହି ଅଗ୍ନିକାଣ୍ଡ ଦକ୍ଷିଣ କାଲିଫର୍ଣ୍ଣିଆ ଏଡିସନ୍ ଡିଭାଇସ୍ ଦ୍ୱାରା ଆରମ୍ଭ ହୋଇଥିଲା ।
ସ୍ୱାସ୍ଥ୍ୟ ବୀମା କମ୍ପାନୀ ଆନ୍ଥମ୍ ବ୍ଲୁ କ୍ରସ୍ ଏବଂ ମିଡିଆ କମ୍ପାନୀ ନେଟଫ୍ଲିକ୍ସ ଏବଂ କମ୍କାଷ୍ଟ କହିଛନ୍ତି ଯେ, ପୁନରୁଦ୍ଧାର ପ୍ରୟାସକୁ ସୁଦୃଢ଼ କରିବା ପାଇଁ ସେମାନେ ୧୦ ନିୟୁତ ଡଲାର ଦାନ କରିବାକୁ ଯୋଜନା କରୁଛନ୍ତି । ଇତିମଧ୍ୟରେ ଗାୟିକା ବିୟୋନ୍ସେ ତାଙ୍କ ଚାରିଟେବଲ୍ ଫାଉଣ୍ଡେସନ୍ ବିଗୁଡ୍ ରିଲିଫ୍ ପାଣ୍ଠିକୁ ୨.୫ ନିୟୁତ ଡଲାର ଦାନ କରିଛନ୍ତି। ସେପଟେ ଅଗ୍ନିକାଣ୍ଡରେ ଜଳିପୋଡ଼ି ପାଉଁଶ ହୋଇଛି ୨୩ ଲକ୍ଷ କୋଟିରୁ ଅଧିକ ସମ୍ପତ୍ତି ।
